Post Tagged with: "Google"

日本網民又發現 Google地圖電單車炒車意外
by / on 20/10/2017 at 7:17 am

日本網民又發現 Google地圖電單車炒車意外

Google Street街道實景圖經常影到特別嘢,之前有人踩踩吓單車跌落坑,今次就有呢輯電單車倒地相。地點係國道425號,睇相都覺得好痛。

Read more ›

新日本製鐡所 Google 3D地圖似幅畫
by / on 15/09/2017 at 11:35 pm

新日本製鐡所 Google 3D地圖似幅畫

喺Google地圖成日都會搵到啲靚景,有日本網民就出咗幾張圖,真係好似幅畫一樣。至於地點,應該就係日本東海市「東海共同發電株式會社」同埋「新日本製鐡名古屋製鐡所」附近。

Read more ›
【有片】日本網民瘋狂玩 Google「即時翻譯」功能超好玩
by / on 26/01/2017 at 7:23 am

【有片】日本網民瘋狂玩 Google「即時翻譯」功能超好玩

試咗未?雖然有下載「Google翻譯」呢個App,不過講真平時好少用。呢兩日喺日本Twitter好多人拍晒片玩呢個App嘅「即時翻譯」新功能。揀選相機符號,之後對準物件,就會即時作出翻譯,好神奇。有人試影飲品、書甚至Keyboard,我都開咗個App嚟試玩,雖然唔係好準確,但好好笑,而且真係勁嘅。

Read more ›
Google街景拍到「殺人現場」    日本網民:「以為係GTA!」
by / on 07/10/2016 at 7:13 am

Google街景拍到「殺人現場」 日本網民:「以為係GTA!」

Google街景成日拍到離奇嘢,今次到英國某條街道疑似拍到殺人現場。馬路上有個男人背部朝天攤咗喺地,另一個人就企喺車前面不知所措,另一張仲拍到佢好似諗住搬屍。不過件事已經證實咗係惡作劇,以惡作劇嚟講都玩得好徹底吓。件事就傳到去日本2ch討論區,有人話:「以為係GTA!」、「應該喺現場唧啲蕃茄醬」,好多網民回顧返Google街景其他搞笑場面,好正,入嚟有回帶。

Read more ›
【有片】Google出布製VR眼罩 好多電話都啱用
by / on 05/10/2016 at 2:25 pm

【有片】Google出布製VR眼罩 好多電話都啱用

VR未必一定要玩到電腦、家用機級數,用電話都可以體驗到。咁網上好多好平嘅電話用VR眼罩啦,但講到靚同輕,呢個Google啱啱宣佈推出嘅「Daydream View」就好唔錯喇,有3隻色,用布質物料製造,透氣之餘只重220g,價錢就係$79美元,11月喺歐美等地發售,香港都有官網介紹喇,不過就未有得賣。

Read more ›
【禮貌大使】84歲婆婆Google搜尋紀錄熱傳 用Please/Thank you好可愛
by / on 17/06/2016 at 7:13 am

【禮貌大使】84歲婆婆Google搜尋紀錄熱傳 用Please/Thank you好可愛

老人家用電腦會有好多得意嘢發生,好似最近有個24歲嘅孫仔,打開佢85歲嘅婆婆部電腦時,發覺佢喺Google搜尋嘢時竟然打「 please translate these roman numerals mcmxcviii thank you.」有齊「Please」同「Thank you」勁好禮貌。由於太得意,佢影咗相放上twitter同人分享,個Post好快被熱傳,最後連Google都留言回應,話呢件事令佢哋會心微笑。下次有機會不妨睇吓長輩們嘅手機,除咗長輩圖,應該仲有好多得意嘅發現。

Read more ›

【重組案情】日本Google街景圖 直擊電單車跌落坑
by / on 11/04/2016 at 5:12 pm

【重組案情】日本Google街景圖 直擊電單車跌落坑

除咗實景道路外,Google街景仲可以睇到好多嘢……有日本網民就發現到呢一幕,喺和歌山附近呢條山路,見到有架電單車跟尾,不過轉眼間,就見到佢跌咗落坑,睇落唔算好嚴重,但到底係佢跟尾諗住喺街景車旁邊爬頭失手?定話係街景車經過咗但睇唔到佢所以冇停車幫手?要重組案情都唔係咁容易,不過有網友就突破盲腸,話呢架係Ducati高性能電單車……

Read more ›
【有片】職員住Google停車場住足兩年 儲起80%人工超爽皮
by / on 31/03/2016 at 7:15 am

【有片】職員住Google停車場住足兩年 儲起80%人工超爽皮

香港地唔少人日日節衣縮食為買樓,美國呢對夫婦就諗到個絕招慳返租金,就係住喺Google嘅停車場,而且一住就住足兩年!丈夫Pete D’Andrea係Google員工,自從Google請咗佢之後,佢就搵咗架大貨車停泊喺Google嘅職員停車場,,嗌埋老婆一齊搬入去住,而且住足兩年都無人趕。最終佢哋每個月成功儲起80%人工,好爽。其實佢哋唔係第一個住停車場嘅Google員工,原因之一係Google嘅員工設備勁齊全,由健身室連沖涼房以至洗衣房都有,喺入面打工真係可以當屋企一樣,如果香港都有就好嘞。

Read more ›
【人機對戰】韓國設計「AI圍棋娘」 日本網民評完再挑機
by / on 15/03/2016 at 7:13 am

【人機對戰】韓國設計「AI圍棋娘」 日本網民評完再挑機

最近人機對戰似乎有排玩。另一邊廂,韓國最近有人出手幫AlphaGo設計咗個虛擬「AI圍棋娘」造型,黑白配色,仲幾性感吓,不過就俾日本網民評擊,話肚臍下面嗰粒白色圍棋好似漲大咗嘅子宮,啲衫仲幾醜吓,網民跟住仲貼咗之前設計過嘅圍棋娘,講畫功係靚啲嘅,不過概念上就無咁韓國呢個咁強圍棋特色。

Read more ›
【有片】超勁!Google迷你街景服務 參觀德國鐵道模型博物館
by / on 13/01/2016 at 10:38 pm

【有片】超勁!Google迷你街景服務 參觀德國鐵道模型博物館

呢條報道,係讀者Barney提供俾我哋嘅,因為呢條片實在太正,想多啲人睇到。係,真係幾正!介紹番先,呢間喺德國漢堡嘅「迷你奇幻世界博物館」,入面有總長將近16,000公尺嘅模型火車軌,路線涵蓋全球多個地點,包括德國中部、漢堡、瑞士、美國、奧地利、美國等,仲有個超靚嘅虛構城市!2000年由兄弟Frederik Braun、Gerrit Braun創立。而Google佢就入咗去呢間博物館,去埋未開放嘅景點拍片,製作咗個迷你版街景服務!不過留意番,冇大家諗咁堅,唔係放部迷你街景車入去地圖入面遙控拍……但都係正嘅。

Read more ›
《Star Wars》「Choose Your Side」 Google Map/YouTube介面有嘢玩
by / on 23/11/2015 at 8:46 pm

《Star Wars》「Choose Your Side」 Google Map/YouTube介面有嘢玩

Dark Side用憤怒化成力量,Light Side就冇得行捷徑,你會點揀?《Star Wars: The Force Awakens》下個月就上,宣傳又再谷勁啲!今次搵嚟Google合作,只要你登入自己戶口,再入官方網站,就會叫你揀Light Side定Dark Side,揀咗之後,你會發現睇YouTube片下面條bar變咗做激光劍,一係藍一係紅;仲有Google Map右下角個人仔都會隨住你嘅選擇有變化,官方話Gmail、Google Calendar等全部都有主題,不過我未試到,趕住叫咗大家齊齊玩先!

Read more ›

Google街景見兇案 街景車非洲撞倒驢仔
by / on 10/10/2015 at 1:36 pm

Google街景見兇案 街景車非洲撞倒驢仔

Google街景地圖真係可以睇到好多嘢,之前見過街景車影緊相時被抄牌,今次就有證有據見到佢哋架車撞親隻驢仔仲不顧而去,相當可惡!拍攝時間係2012年5月,地點係非洲南部「Botswana」嘅「Kweneng」,有網民發現,第一個位先係見到隻驢仔喺路邊,過咗之後擰番轉頭,隻驢仔已經瞓咗喺地……雖然可能喺非洲撞到動物係好平常嘅事,但都應該落車睇吓有冇得救或者將佢搬去路邊啩?

Read more ›
【有片】Google新發明「防震匙羹」 方便手震老人家進食
by / on 06/10/2015 at 7:14 am

【有片】Google新發明「防震匙羹」 方便手震老人家進食

好欣賞呢啲以人為本嘅發明,人老咗,手腳都會變得唔聽駛,好多老人家都有手震嘅問題,嚴重者甚至連食嘢都有難度,最近日本就公佈咗呢件新產品Liftware(リフトウェア),佢係一支有防震功能嘅匙羹,老人家拎上手,可以減低手震造成嘅震盪,令佢哋可以如常自己照顧自己嘅飲食,由Google Life Sciences LLC製造,賣47520円,網站已經有得訂,如果身邊有朋友嘅家人有需要,記住share比佢。

Read more ›
私隱保護極徹底 日本網民發現Google地圖整濛佛祖
by / on 05/10/2015 at 7:48 pm

私隱保護極徹底 日本網民發現Google地圖整濛佛祖

喺Google地圖,我哋見到有好多嘢都會被整濛,例如所有人樣啦。不過呢位日本Twitter用戶就發現原來Google保護私隱保護得好徹底,就連佛像嘅樣都整濛咗。呢張圖放咗上網一日就有過2萬個RT,似乎好多人都係啱啱發覺。不過有網民再加圖,其實一直好多唔係人嘅「人樣」都會被整濛……

Read more ›
【有片】Google街景服務遊肯亞 保護大象要支持
by / on 16/09/2015 at 11:45 am

【有片】Google街景服務遊肯亞 保護大象要支持

Google街景服務睇咗當去咗都幾好,今次仲犀利,就係你未必諗住會出發去嘅肯亞。Google同拯救大象組織「Save the Elephants」一向有合作開追縱唔同象群,今次更加為Kenya嘅Samburu肯亞桑布魯國家自然保護區加入街景服務,而且仲有中文解說,食飯遊肯亞,都幾好睇。

Read more ›