Xbox One機主，應該都係射擊迷啦？咁呢隻點能夠唔玩？《Gears Of War 4》之前公佈咗會喺10月11日全球發售，啱啱有最新一條足本預告，《Gears of War 3》25年後……雖然被用到有啲濫，但配樂〈Sound of Silence〉真係正嘅！

諗番上年E3發佈到o依家，都差唔多1年喇，終於有新消息，而且仲有埋發售日期，係10月11日全球同步發售。再近啲，今個月4月18日就有得試玩，只要之前有玩《Gears of War: Ultimate Edition》嘅Xbox One、Windows 10玩家都可以喺Xbox One試玩呢個多人模式Beta，至於金會員就4月25日。

Xbox360獨佔嘅第三身射擊大作系列新作《Gears of War: Judgment》將會喺2013年3月19日推出。今集會以前傳為故事，主角Baird同Cole都會相繼登場。啱啱有新片發佈，而呢兩段片就係新網上模式Free for ALL，地圖係Library同Gondola。玩咩？人人都係敵人嘅大逃殺囉，唓……gameplay片段都幾正，夠晒血肉橫飛！埋身鋸爆佢！