喺PS5上面玩《FF 14》會係點？廠方今日公開咗，完全對應4K，超高速Load Game，仲有Frame Rate大幅向上。4月13日推出，如果有PS4版嘅，到PS5版出時俾晒月費就可以玩到。

冇玩過隻遊戲，都可能睇過日劇版或電影版？《ファイナルファンタジーXIV 光のお父さん》原作者「マイディー（Maidy）」早前喺YouTube直播時自己講話因為患癌而可能只剩半年到一年壽命，而壞消息就喺今日確定，就係同病魔摶鬥嘅佢已經離世。「光のお父さん」故事係講主角隱瞞身份同年老父親玩呢隻MMORPG一齊冒險，好感人，亦帶咗好多愛俾機迷，所以當消息傳出後，各方都在網上悼念，願安息。

之前都有《Metal Gear Solid》嘅真實潛入遊戲，今次就輪到《Final Fantasy VII Remake》，喺東京新宿嘅「ミステリーサーカス(Tokyo Mystery Circus)」，12月9日開始就有得玩。可惜仲未知幾時可以去……

早前公開嘅PS5《FF XVI》，大家都係抱觀望態度觀望吓啦？但之後又有消息話2021年就有得玩，到啱啱，仲有網站開張，有日文有英文有誠意，仲有角色同世界觀睇埋，睇嚟今次好似好快趣咁喎？

《FF VII Remake》嘅Tifa好多人都Cos過啦，早排原來日本一Coser「えなこ」都有Cos，都幾可愛呀。另外今日亦都有新圖，就係趁夏天著浴衣呀！

近排大家都玩《Final Fantasy》，講到RPG，另一隻國民RPG《勇者鬥惡龍》呢，都一樣好多機迷鍾意。好似呢位日本媽媽咁，就製作咗「史萊姆」口罩俾個女，而且唔只個女有份，佢之前都整咗間貓屋俾阿貓，超靚！

喺遊戲入面識嘅朋友，當然都一樣有感情，隨時仲見得密過現實中嘅朋友呀。喺《FF XIV》入面，早前就舉行咗一個追悼儀式，悼念因為武漢肺炎而離世嘅玩家，由幾十人到百人參加……

呢條非公式嘅《Final Fantasy XIV》影片，製作質素的確係幾高，而且可以觸動到鍾意玩呢類online遊戲嘅機迷心靈啦。其中一位就係南條愛乃，佢喺Twitter話呢條片搞到佢喊晒，由影片44秒開始就喊出嚟喇，有冇同感？

嚟緊除咗機迷超期待嘅《FF VII Remake》外，仲有《FF VIII》都會remaster出PS4/Switch/Xbox One版，Square Enix就出咗條短片，係主角Squall Leonhart再zoom埋去個樣睇，舊版起晒格仔，新版就清咗好多。

之前《Final Fantasy VII Remake》E3出咗條片，係Tifa嘅，不過好多日本機迷話身材唔啱數，太過寫實都不適宜。咁啱啱《DISSIDIA FINAL FANTASY》又公開會有《FF7》嘅Tifa參戰，嘩，伸一伸個懶腰，個感覺真係返晒嚟！

海外版嘅《FINAL FANTASY XIV: Shadowbringers》宣傳片超落本，搵嚟「蜘蛛俠」Tom Holland同Hannibal Buress拍咗條片，叫「Warrior Training」，為咗打機或者成為Warrior of Darkness，你付出幾多？

之前報道過，不過今次Square Enix就公開更多圖片，包括場地、婚紗、食物等，而且即日起接受預約，地點係神戶！你睇把劍，你睇支權杖，你睇個新娘幾可愛，你睇吓個新郎幾有使命感。

如果你係FF迷，又鍾意FF，咁日本呢個《ファイナルファンタジーXIV ウエディングに光の戦士》婚禮真係好吸引。噚日2月14日，官方就示範咗一次，新娘係由「最上もが」演出，而阿爸仲係製作人吉田直樹！切蛋糕、環境同服裝都好正，而且仲會有遊戲BGM！有冇機迷情侶會考慮飛過去搞？

仲記得當時有王菲〈Eyes on me〉收錄喺遊戲入面，對香港機迷嚟講都幾震撼嘅，而且個故事又浪漫呢，主角武器又型呢，又有得撳L1呢。20年前今日，1999年2月11日，就係《ファイナルファンタジーVIII》推出嘅日子，今年20周年，好多機迷出咗賀圖，有Cosplay，仲有，當年秋葉原排隊買game嘅情況！連當時品川站嘅交通廣告都睇得番！3日間賣超過250萬隻！真係勾起好多回憶，20年前，你做緊咩呢？

日本Laswon便利店嚟緊又有新活動，就係同《Final Fantasy 14》合作，其中炸雞有嘢玩，不過講到最正係呢隻「特大ふかふかでぶモーグリクッション」！可惜要抽選，而且只有1名……至於條片，就係隻雞同陸行了玩相撲！