Post Tagged with: "figure"

Medicom出壇蜜figure 換衫變未亡人
by / on 25/02/2014 at 7:07 am

Medicom出壇蜜figure 換衫變未亡人

日本壇蜜除衫打怪獸嘅特攝片《地球防衞未亡人》啱啱喺日本上映,香港仲未有得睇,或者唔知會唔會有得睇,不過日本玩具公司MEDICOM就乘勝追擊推出壇蜜Figure,高30公分,今次壇蜜除咗橙色嘅防衞隊隊員服裝之外,仲有好賢淑嘅未亡人造型,可以自己幫佢換衫。開價22,000円,即日接受預訂,不過要11月先有得拎。

Read more ›

Kitty乘TAMIYA特別版figure   貓咪收兵新策略
by / on 10/02/2014 at 9:35 pm

Kitty乘TAMIYA特別版figure 貓咪收兵新策略

Hello Kitty出名鐘意聯(亂)乘,不過之前同超合金嘅合作好多人大讚,仲吸引倒唔少玩具迷,可能見反應好,最近佢又宣佈同專出玩具模型嘅TAMIYA合作收兵。除咗拎住TAMIYA工具箱,仲有件TAMIYA衫著住,玩具迷睇落應該好有親切感。至於佢嘅蝴蝶仔都搞搞花臣,變成TAMIYA嘅招牌紅白藍三色,好有野心。身高60mm,今年5月15日開賣,售價2300円。

Read more ›
靚仔版技安     Medicom宣佈7月推出
by / on 26/01/2014 at 5:03 pm

靚仔版技安 Medicom宣佈7月推出

技安,即係而家嘅胖虎,專恰大雄最鐘意開演唱會折磨朋友。不過跌咗入「樵夫之泉」變靚仔咗嘅技安都好多人鐘意。最近MEDICOM就宣佈「Ultra Detail Figure」系列7月份推出靚仔版技安,高87mm,賣940円,四四正正粗眉大眼,好正氣,仲好似瘦咗少少,不過就無晒技安嘅殺氣,我麻麻哋,貪圖美色嘅女士可以去訂返隻。

Read more ›
奇洛李維斯sad爆figure   日本人DIY惡搞
by / on 26/01/2014 at 12:30 pm

奇洛李維斯sad爆figure 日本人DIY惡搞

講解前先補習吓,話說奇洛李維斯(Keanu Reeves)2010年俾狗仔隊影倒一支公坐喺公園食三文治,感覺好似中年流浪漢好失意so sad,自此奇洛成為網民惡搞嘅目標,網上搜尋「Sad Keanu」就會搵倒大堆惡搞圖。不過日本玩具人idk唔甘於只玩2D圖,決定自製一隻figure玩餐飽!隻figure只得一號表情加垂頭喪氣動作,但就潛力無限,入嚟有得回帶睇埋經典惡搞圖,呢位荷里活巨星真係演釋倒孤獨嗰種境界。

Read more ›
外星人全透明模型    羅茲威爾有內臟
by / on 24/01/2014 at 12:28 pm

外星人全透明模型 羅茲威爾有內臟

身邊有朋友係外星人愛好者,所以一見倒呢個模型我就好想送比佢。模型見得多,以外星人羅茲威爾做主題,仲要全透明可以睇晒內臟嘅都係第一次見。呢隻「 Transparent Roswell Alien」由Lindberg出品,高48公分,要自己組裝,皮膚表層用薄膠製成,血管再貼喺皮膚面,amazon賣美金24.99。不過邊個話外星人有肺有腸有血管?小心佢哋用高科技方法滅絕人類呀!

Read more ›
聽日開訂!《救火英雄》霆鋒/余文樂12吋chok樣figure
by / on 23/01/2014 at 6:38 pm

聽日開訂!《救火英雄》霆鋒/余文樂12吋chok樣figure

謝霆鋒同余文樂係咪你杯茶?香港玩具商Enterbay最近同電影《救火英雄》合作,出咗兩位chok王嘅12吋figure,聽日開始至26號喺香港旗艦店有得訂,每款有兩個頭雕,一個戴救火面罩一個齋chok樣,皮膚質感做得幾神似。面罩內有LED燈,仲有兩對防火手套手型可以自由替換,幾有誠意。每人限訂一隻,2月底發貨,睇睇吓啲相,我開始分唔倒邊個打邊個,真心想知,有無人諗住訂?

Read more ›

宮崎駿Q版figure  網友自製疑似有伏?
by / on 21/01/2014 at 7:07 am

宮崎駿Q版figure 網友自製疑似有伏?

宮崎駿暫時仲未復出,花生友可以鬆一口氣,外國有設計師貪佢人氣夠,最近整咗隻6吋宮崎崎Q版figure喺網上賣,每隻賣美金$95,即係港幣七百蚊左右,佢準備做300隻,所有款項會捐去慈善機構,不過又無講明係邊間機構,總之而家開始可以網上預訂,預計4月有貨,會唔會有伏o架?

Read more ›
多啦A夢情人節特別版  送比BB豬一流
by / on 17/01/2014 at 7:06 am

多啦A夢情人節特別版 送比BB豬一流

專出75mm多啦A夢公仔嘅「DORAEMON VARIARTS」系列又有新作,今次係情人節特別版,編號「No.036」嘅多啦A夢同編號「No.037」嘅妹妺多啦美,有類似朱古力醬嘅手繪效果,手體上面仲有心心圖案,送比BB豬做情人節禮物一流。Figure剛剛推出,售價約3990円,距離系列推出100隻多啦A夢嘅目標又近一步,加油呀!

Read more ›
自製個人Figure求職    終極宣傳大法
by / on 27/11/2013 at 7:06 am

自製個人Figure求職 終極宣傳大法

今時今日要搵份好工唔易,想突出自己的確要諗諗計。瑞典攝影師Jens Lennartsson就諗到製作400隻自己嘜頭嘅figure作為求職信,再寄去比各大公司嘅Art Director宣傳自己,隻figure叫GIJens,明向G.I.Joe致敬。透過隻figure,除咗比人見識倒佢嘅靚仔樣之外,佢話仲可以比人見倒佢只係一個拎好少裝備嘅攝影師,而且好少會photoshop,講求原汁原味。不過咁整法肯定好重皮,佢仲拍埋短片,正一未見官先打八十大板,而且一次過見成400份工,大貪咗啲喎。

Read more ›
精品報價: Me2 Cosplay超專睇3D戲 買1/4 Figure送18″ LED觸感燈箱
by / on 11/11/2013 at 10:50 am

精品報價: Me2 Cosplay超專睇3D戲 買1/4 Figure送18″ LED觸感燈箱

  精品呢度, 一向都係Figure做重點, 第一樣留意當然係海賊王嘅鷹眼, 返得少, 又多人訂貨! 另外Good Smile嘅薩爾達都雖然冇Q版咁可愛, 但活動能力高, 擺遊戲經典Pose一流! 特價嘢有幾樣值得留意, 第一係Me2超! 唔止Cosplay咁簡單, 佢仲係戲院3D眼鏡, $98以後入戲院時唔使再用公筷, 乾淨啲, 人又型仔啲……夠薑散場戴到佢出街! 另外1/4嘅鐵血戰士、IRONMAN、超人做同梱優惠, 買Predator加$200送18″燈箱、買超人或IRONMAN仲直接送添, 大佬呀! 買$680嘢, 送個成$500嘅燈箱畀你, 絕對妹仔大過主人婆

Read more ›
1:1雷神現身台灣     巨型鐵槌廣州展覽有得影
by / on 04/11/2013 at 8:54 am

1:1雷神現身台灣 巨型鐵槌廣州展覽有得影

星期六日有無去睇《Thor: The Dark World》?個人認為幾有娛樂性,仲有好多爛gag笑位。另一方面Hot Toys隻露肉臂雷神前幾日開始都有得訂,記得之前Iron Man 3上映時,Hot Toys整咗大量1:1 Iron Man放喺希慎廣場,今次終於進軍強國,喺廣州同迪士尼合作搞咗個展覽,有巨型鐵槌睇。不過都唔夠台灣開心,喺喺野獸國誠品武昌店擺咗隻1:1嘅巨型Thor雕像,雖然近睇個樣麻麻,但一樣吸引倒大量台妹攬住雷神合照。喂有無Loki呀?我想攬Loki多啲喎。

Read more ›

Baby Milo乘星戰     黑武士除頭盔露馬騮頭
by / on 26/10/2013 at 4:53 pm

Baby Milo乘星戰 黑武士除頭盔露馬騮頭

日本潮牌Bathing Ape旗下嘅Baby Milo cute cute哋,好多女仔鐘意,之前出過山口式仲幾好賣。雖然Baby Milo唔係我杯茶,不過Star Wars我就好鍾意,估唔倒二合為一,效果又幾討好。今次呢個Star Wars x Baby Milo嘅180mm玩具,由Medicom製作,有黑武士同白兵兩款,除咗頭盔就露出可愛馬騮頭,11月23日發售,9975円,潮人梗唔覺得貴嘅。

Read more ›
《復仇者》過檔《星戰》  變形俠醫變尤達?
by / on 13/10/2013 at 11:33 am

《復仇者》過檔《星戰》 變形俠醫變尤達?

如果《復仇者聯盟》原班人馬做《星球大戰》會係點?相信係天價,有生之年都未必睇倒,不過有網友就將復仇者嘅figure換晒星球大戰服飾,當係哈佬喂特備節目,一樣做到幾可亂真嘅效果。鬼咩,Hot Toys出名頭雕極像真嘛。咁多個角色入面,最難搞嘅係邊個?咪就係Hulk變形俠醫囉,又大隻又青BB,Cos邊個好,最後創作者決定幫佢Photoshop加對耳仔扮尤達,well done!

Read more ›
《反斗奇兵》薯蛋頭 x 美國隊長    全新figure下年開賣
by / on 09/10/2013 at 8:44 am

《反斗奇兵》薯蛋頭 x 美國隊長 全新figure下年開賣

《反斗奇兵》嘅薯蛋頭先生好多粉絲,仲成日同人聯乘,繼Simpsons、《星戰》白兵、R2D2、變形金剛、海棉寶寶之後,最近就轉移目標同美國隊長crossover,呢個「Mr. Potato Head Marvel Captain America」2014年第4季先推出,賣美金$17.99,造型搶眼,除咗紅鞋紅手套之外,仲有經典盾牌,不過最開心係塊面無遮晒,露出度高,依然睇倒薯蛋頭嘅突眼靚仔樣。不過幾時出埋變形俠醫?我堅想睇。入嚟有得回顧佢其他crossover系列,得啖笑。

Read more ›
壽星仔Figure 鐵價不二$280
by / on 08/10/2013 at 5:25 pm

壽星仔Figure 鐵價不二$280

前兩日上官小強喺面書放料,話壽星仔四十周年Figure正式開始接受預訂,今日有進一步資料,製作總監梁瑋豪話只出單色,無彩色版喎。

Read more ›