Post Tagged with: "figure"

麥少峯《灰飛不滅》原稿展 夜光版小梅Figure限量10個
by / on 29/12/2018 at 12:41 am

麥少峯《灰飛不滅》原稿展 夜光版小梅Figure限量10個

「紙本分格」聯乘麥少峯出鬼古合集《灰飛不滅》,為宣傳搞展覽,屆時會展出合集裏面兩個故事《灰飛不滅》同《黃油紙路》嘅原稿,有得慢慢聞原畫,我就至Like嘞。另外,場地會闢一角作為工作室,展出角色小梅嘅模型雛型。喂喂喂,未講完呀,仲有展覽版小梅Figure供近距離觀賞,由麥少峯親手上色,有埋夜光效果添。睇啱嘅,即買喇,限量10個。

Read more ›

聖誕關公Figure 唔拎禮物袋改執青龍偃月刀
by / on 14/12/2018 at 10:00 am

聖誕關公Figure 唔拎禮物袋改執青龍偃月刀

「Santa Guan is coming to town~」我無唱錯呀,「Santa Guan」者,「聖誕關公」是也,此Figure乃Tik Ka from East作品,極有諗頭地將聖誕老人同三國名將關羽二合為一,慈祥變英氣,攣鬚變白長鬚,聖誕老人裝束變盔甲,主調色維持一貫嘅紅。最過癮係唔揹禮物袋,改執青龍偃月刀。限量300個,每個159美金,如果有人送呢份聖誕禮物畀我就好了。

Read more ›
MastaMic x How2work x 井上三太出Figure ToySoul 2018有售
by / on 13/12/2018 at 8:45 pm

MastaMic x How2work x 井上三太出Figure ToySoul 2018有售

「茫茫酆都中重重金剛山,靈寶無量光洞照炎池煩;九幽諸罪魂身隨香雲旛,定慧青蓮花上生神永安~」一聽MastaMic首《破地獄》,又不自覺地洗腦式跟住唱嘞……入番正題,早前報導過話MastaMic會聯乘井上三太再聯乘How2work推出Figure,家陣終於聞到樓梯響嘞,Figure戴帽著衛衣戴黑超造型,有支無線咪仔,左右鞋底各有簽名,售$680,《ToySoul亞洲玩具展2018》有售,報告完畢。

Read more ›
ZCWO許紹雄警察臥底Figure 歡喜哥似社團大佬
by / on 10/12/2018 at 1:26 pm

ZCWO許紹雄警察臥底Figure 歡喜哥似社團大佬

甘草演員許紹雄演乜似乜,做警方臥底一樣難唔到佢,仲記唔記得佢喺《使徒行者》裡面飾演嘅社團大佬歡喜哥嗎?呢個由ZCWO出品嘅Police Undercover警察臥底系列Figure Happy哥,我就覺得做得非常唔錯,有晒佢喺戲裡面做黑幫龍頭嘅神髓。

Read more ›
紙本分格x麥少峯 推出鬼古《灰飛不滅》連角色Figure
by / on 19/11/2018 at 9:15 pm

紙本分格x麥少峯 推出鬼古《灰飛不滅》連角色Figure

網站「紙本分格」搞漫畫出版,之前喺網站免費連載嘅麥少峯作品《黃油紙路》,我睇到拍晒手掌。好喇,免費完嘞,係時候畀番啲實質支持嘞!麥少峯鬼古漫畫合集《灰飛不滅》將以實體書形式出版,除新故事《灰飛不滅》外,仲會收錄埋《黃油紙路》,每本$130。另,《灰飛不滅》小女孩角色小梅亦會製成Figure,雕塑原型同上色都由麥少峯親手跟番,連書一套買盛惠$260。Fine,高呼港漫不死,唔係得個講字,有心支持本地創作,踴躍課金喇喂。

Read more ›
黃符遮三點 超性感殭濕子Figure
by / on 18/09/2018 at 8:30 pm

黃符遮三點 超性感殭濕子Figure

嘩,正呀喂,如果真係有咁索嘅殭屍,俾佢咬一啖又何妨。呢隻由「Strange Works」推出嘅殭濕子,名字已經好令人想入非非,遮住三點嘅黃符更加係神來之筆,身材如此誇啦啦,造型真係極性感。全身高22cm高,唔算好大隻,唔知買番屋企可唔可以辟邪兼保家宅平安呢?白模1690台幣,上色完成品3960台幣,唔貴,抵玩。

Read more ›

Kinetiquettes軍佬Figure 出超必阿力咕超型
by / on 21/08/2018 at 10:00 am

Kinetiquettes軍佬Figure 出超必阿力咕超型

Kinetiquettes出品,像真度超高軍佬Figure,1:6比例,咬牙切齒嘅肉緊面相要讚,出超必手刀「阿力咕」個姿勢又係型,啲肌肉線條同花衫摺痕都做得好好,唯一要挑剔,我覺得髮型梳得唔夠高,高多少少整體造型招積多少少會更好。想要?盛惠429美金。

Read more ›
壽星仔推出Figure Summer Soul 2018開訂
by / on 16/08/2018 at 5:00 pm

壽星仔推出Figure Summer Soul 2018開訂

好消息,壽星仔即將有官方授權限定Figure推出,仲會喺嚟緊嘅Summer Soul 2018開訂。造型如何?質素如何?價錢如何?未知。「壽星仔專門店」面書專頁暫時登咗張相,得個頭,大家可以望望。有心買的話,早買有著數,首批喺會場預訂嘅Fans,會有限定禮物送,報告完畢。

Read more ›
Felix Ip《香港重機》Figure曝光 廢箱重機+垃圾俠登場
by / on 17/07/2018 at 8:57 pm

Felix Ip《香港重機》Figure曝光 廢箱重機+垃圾俠登場

嘩!真係好正呀,之前介紹過嘅Felix Ip《香港重機》系列之垃圾蟲同垃圾桶實體化玩具,依家不但有色辦睇,仲正名為「廢箱重機」同「垃圾俠」。個人認為做得好精細,嗰種殘舊污糟感覺好出,喺燈光下,好似真係生晒鏽磨蝕咗咁。買就買硬,不過唔知真正有幾高呢?希望唔好太大隻喇,呢啲Figure仔,細細隻先好睇。

Read more ›
《龍貓》30週年推出大量精品     18隻跳舞龍貓有排儲
by / on 07/07/2018 at 7:04 am

《龍貓》30週年推出大量精品 18隻跳舞龍貓有排儲

唔經唔覺,原來今年已經係電影《龍貓》嘅30週年紀念。官方最新公佈咗有大量限定精品會喺月尾推出,其中最特別係右上角嘅1/18龍貓Stop Motion跳舞Figure,有齊18隻龍貓嘅唔同動作,拼合埋就係stop motion嘞。每隻賣1650円,如果買齊18隻仲會送多個大隻龍貓figure(!)。另外仲有32cm高嘅龍貓公仔、木框掛畫等等,入嚟有得睇,全部喺吉卜力嘅官方商店「どんぐり共和国」有得買。

Read more ›
Felix Ip勁呀喂!《香港重機》系列出實體Figure!
by / on 15/06/2018 at 9:15 pm

Felix Ip勁呀喂!《香港重機》系列出實體Figure!

《香港重機》作品集尚未推出,Felix Ip已經透露會推出埋相關玩具。佢喺面書出咗張宣傳圖,從圖中所見,無估錯應該係垃圾蟲同垃圾桶造型Figure,好正!留意番,《香港重機》系列有N咁多幅畫作,如果全部變晒實體玩具的話,一字排開擺喺飾櫃,可以想像到有幾震撼。

Read more ›

MastaMic x How2work x 井上三太出Figure 灰模曝光
by / on 14/03/2018 at 11:30 pm

MastaMic x How2work x 井上三太出Figure 灰模曝光

MastaMic呢期好多Noise,推出新碟《Mastapiece》喇、舉辦《Mastapiece Tour 2018香港站》演唱會喇,擒晚喺網上直播節目《Hiphop剝殼》教押韻,我都睇咗一陣。最新仲有呢個聯乘How2work再聯乘《東京暴族》井上三太嘅MastaMic Figure,灰模剛剛曝光,望落幾有型。佢仲喺面書留言曰:「你哋話係咪都幾似我呢?」你哋話呢?

Read more ›
阿諾舒華辛力加Figure 搵塊布都無包兩個「丁丁」配件
by / on 16/02/2018 at 10:00 am

阿諾舒華辛力加Figure 搵塊布都無包兩個「丁丁」配件

我唔係女,但都想買呢個由「TBLeague」推出嘅「無縫鋼骨包膠男素體」,因為呢個Figure係阿諾舒華辛力加(Arnold Alois Schwarzenegger)。粗頸、橫向鎖骨、起展手瓜、起筋大髀、壯闊胸肌、誇張腹肌、深刻人魚線等等等等,塊塊肌理都係力的表現。最重現係,成隻Figure搵塊布都無嘅,睇相,雖然胯下之物打咗個「禁」字遮住,但又同時寫明「含兩個丁丁」配件,咁即係點?即係有兩個狀態囉,點樣兩個狀態法?唔使畫公仔畫出腸嘞啩。講明呀,只准18歲或以上人士購買。

Read more ›
超像真包青天Figure 眼睥睥好鬼惡
by / on 27/12/2017 at 8:45 pm

超像真包青天Figure 眼睥睥好鬼惡

金超群飾演嘅包青天好深入民心,一提起包公,好多人都會即時諗起佢。而呢隻由「中園Toys」推出嘅包青天Figure,像真度極高,霎眼望仲以為係真人相,最似係對眼同眉,好鬼精忠昭日月Feel,睥睥貢都幾鬼惡死吓,毛筆配件仲要真係寫得字添。Figure分普通版同豪華版兩款,早訂仲有把尚方寶劍送添。

Read more ›
甘小文陳皮女俠吹氣公仔+Figure 動漫節必入
by / on 30/07/2017 at 10:00 am

甘小文陳皮女俠吹氣公仔+Figure 動漫節必入

仲未得閒去動漫節,打算聽日先,我睇中咗甘小文隻《柒頭者聯盟》陳皮女俠吹氣公仔,希望到時未賣晒啦,每隻$180。至於甚麼陳皮女俠幻彩耀香港版Figure呢,就更加係必入之選,除Figure外加送甘小艾親筆畫皮一張同環保袋一個,每套$880,都唔算貴。咁去得佢攤位,就梗係要同個陳皮女俠紙板公仔影番張相喇,打卡位是也。

Read more ›