Post Tagged with: "Felix Ip"

有片:Felix Ip加盟野士創工 跟謝森龍異學嘢出《香港感染:旺角站》
by / on 23/01/2017 at 10:00 pm

有片:Felix Ip加盟野士創工 跟謝森龍異學嘢出《香港感染:旺角站》

正喎,Felix Ip正式加盟野士創工,首個作品就會係《香港感染:旺角站》添,故事以謝森龍異《香港感染》為藍本,講喺金鐘受感染嘅其中一隻喪屍殺到落旺角,搞到香港亂晒籠。兩本漫畫既可獨立睇,兩者有好多細節位互有關連。Felix Ip仲好搞笑咁話會跟謝森龍異學嘢,多謝佢諗好晒個世界觀設定,等佢可以喺個框框裡面好好發揮喎。Felix畫風嘅喪屍,我就非常之期待嘞,唔知大家點睇?

Read more ›

別矣莉亞公主 港漫人出圖悼念(二)
by / on 30/12/2016 at 8:00 pm

別矣莉亞公主 港漫人出圖悼念(二)

《Star Wars》Princess Leia一角實在太深入民心,隔多咗日,都仲有好多港漫人哀悼Carrie Frances Fisher離世,出圖悼念。今年好似特別多巨星殞落,希望2017年大家都平平安安,生活愉快。別矣莉亞公主,一路好走。

Read more ›
重現美好兒時回憶 撐《童時播放十六童人畫展》
by / on 27/12/2016 at 6:49 pm

重現美好兒時回憶 撐《童時播放十六童人畫展》

又有畫展睇,今次主題,有關方面用短短幾行字如此介紹──「一班童人,童心未泯,把童年時對電視播放過的動漫特撮角式,用自己喜愛的各種方式繪畫出來。」言簡意賅。童人有十六位,分別係Wolf Chung、Tony Yim、Daniel Chan、Carter Ma、默思、阿傑多、米奇、Fai Cheng、Andy Au、廖光祖、Jacky Wong、余志豪、Jimmy Ng、Felix Ip、Tommy Li同塵阿力。無錯,上述名字你未必個個都識,但佢哋畫嘅動漫特撮角色,相信大家都唔會陌生,而米奇同Tony Yim已經率先有辦你睇,自問都係「童人」嘅,呢個畫展千其咪錯過。

Read more ›
網圖分享:狂人做總統 當Trump變成機械人
by / on 09/11/2016 at 9:00 pm

網圖分享:狂人做總統 當Trump變成機械人

呵!希拉莉(Hillary Rodham Clinton)真係輸咗比特朗普(Donald John Trump)喎,一個曾經建議起圍牆隔開墨西哥嘅狂人做美國總統,世界會唔會亂晒籠?點知呀,理唔到咁多就不如睇畫喇,Felix Ip作畫一幅,將特朗普變身機械人,仲留言曰:「……」省略號代表乜,自己詮釋。話時話,畫得咁靚,不如整番個系列作吖,將特朗普Key入18號大鐵人、鐵甲萬能俠、三人萬能俠等等,諗吓都覺得好笑。

Read more ›
係幾似嘅!李香蘭=女版荊裂?
by / on 31/10/2016 at 8:30 pm

係幾似嘅!李香蘭=女版荊裂?

搞笑料一單,依家先知,原來Felix Ip同李香蘭係Friend到一個點嘅,事源《Comic O》出版,Felix Ip專誠去李香蘭工作室送書,而李香蘭呢,不但擺定咁多期《武道狂之詩》畀Felix簽名,仲以一身荊裂造型迎賓,戴頭巾、手臂有紋身兼拎埋支開叉木棍當武器。搵埋張原裝正版相畀大家睇,我就覺得有幾分嘞,唔知大家點睇?

Read more ›
《武道狂之詩》卷15,隨書附送賀圖畫集
by / on 18/07/2016 at 10:30 pm

《武道狂之詩》卷15,隨書附送賀圖畫集

早前《武道狂之詩》五周年,各漫畫家同港漫人紛紛出圖賀一賀喬靖夫同Felix Ip,數量之多令人咋舌,一足證兩人江湖地位,二足證港漫界其實都好團結,大部份賀圖質素都屬頂班,記得我都有Save起嚟做過一陣子Wallpaper。既然咁開心咯喎,一於繼續開心喇,現凡買書展特別版《武道狂之詩》漫畫卷15,每本$60,即送五周年賀圖畫集,買一得二兼具收藏價值,夠開心嘞啩?

Read more ›

網圖分享:港漫人的嚴寒警告
by / on 26/01/2016 at 7:45 pm

網圖分享:港漫人的嚴寒警告

天氣仲係好凍,風吹落塊面仲係痛嘅,好想快啲捐入被竇大覺訓。港漫人出圖提醒大家天氣嚴寒,大家好著多件衫喇,雖然命係你哋嘅,你有你自由,但冷病辛苦就唔好喇。

Read more ›
網圖分享:港漫人出圖賀新年 2016年最緊要開心
by / on 01/01/2016 at 8:00 pm

網圖分享:港漫人出圖賀新年 2016年最緊要開心

今日係1月1日,新一年,但願2015年所有不快隨風而去,上官小強、邱福龍、丹青、黃國興、廖光祖、王澤、葉明發、Felix Ip同米奇等港漫人紛紛出賀圖慶新年,希望大家2016年過得開開心心,本網站順祝各位身體健康,笑口常開,睇畫啦老友!

Read more ›
網圖分享:港漫人出賀圖賀聖誕
by / on 25/12/2015 at 5:15 pm

網圖分享:港漫人出賀圖賀聖誕

Merry Christmas!今晚諗掂去邊度玩未呀?聖誕節應份開心,平時做嘢咁辛苦,反正聽日又係公眾假期,今晚一於玩到盡,唔醉唔好返屋企呀。好,換衫出發開Party之前,不如睇埋呢輯港漫人聖誕賀圖先,本網站都祝大家聖誕快樂,新年進步。

Read more ›
網圖分享:筆伐表態,港漫人的心聲(九)
by / on 02/11/2014 at 10:00 am

網圖分享:筆伐表態,港漫人的心聲(九)

港漫人的心聲去到第九輯,畫作日日推陳出新,絲毫不見緩下來之趨勢,數目越來越多之餘,質素仲越來越勁。唔講邊個就講Man僧同馮展鵬,一個畫摺起褲腳嘅習總,一個畫挺住個大肚腩嘅江澤民,兩位領導齊齊撐起黃雨傘,精湛畫功絕對值得Save as wallpaper,好勁,真係好勁──

Read more ›
網圖分享:筆伐表態 港漫人的心聲(七)
by / on 26/10/2014 at 5:00 pm

網圖分享:筆伐表態 港漫人的心聲(七)

誰說太陽底下無新事?鑊鑊新鮮鑊甘至真,每朝訓醒睇面書,都總有嘢令我O晒嘴。威咯,呢鋪真係光宗耀祖咯,圍《生果日報》已經夠薑,今劑玩到連記者都打添,如此打壓新聞自由,邊個係暴徒,邊個收咗錢做嘢,邊個有心令香港亂上加亂,我諗都唔使再解釋嘞啩,沉默的大多數,呢劑又點睇呀?無眼睇呀,睇吓港漫人的心聲喇──

Read more ›