Tag: FAMILY MART

日本Family Mart出心形炸雞 聖誕雞桶無得輸

好羨慕日本人,去便利店都有好味炸雞食,其中Family Mart就被好多網友評為最好食嘅炸雞便利店。最近佢哋公佈12月9日開始有心形炸雞買,睇落好似啖啖好好味,數量限定,每件賣205円,去開日本要試吓。唔講唔知,原來佢哋旗下仲有間叫FAMIMA PREMIUM CHICKEN嘅聯營店,聖誕節有炸雞套餐外賣,即係Family Mart版嘅肯德基,睇見一桶桶炸雞,我又肚餓喇。

Read more ›

船橋市朵精彈跳王版 理想與現實的肉包

喺噚日(28日),Family Mart就推出咗呢個中華肉包「ふなっしーまん」,限定100萬個。咁出得呢啲肉包,日本網民都離唔開嚟個理想與現實比較,其實近幾次都冇乜出事,不過今次,隻彈跳王好似伸咗條脷出嚟咁,係咪特登呀?係咪萬聖節呀?呢個星期有兩個朋友喺日本喎,有冇人買嚟試呀?

Read more ›

日本《哥斯拉》杯蓋 / 噴火辣麵套裝 7月25日戲院專賣

日本人忍耐力真係特別強,PS4遲幾個月先有得玩,電影《哥斯拉》又要7月25日先有得公映,好彩官方出好多特別產品氹返班fans。好似呢隻哥斯拉伸出半個身嘅飲品杯,部份戲院有得賣,開價800円超抵,睇落手功都唔錯,我都想要返隻。另外仲會推出60周年記念版DVD&Blu-ray,仲有同Family Mart便利店網上商店famina合作推出戲飛配麵嘅套裝,款麵仲要以哥斯拉命名,而且超級勁辣,食完睇拍會噴火。

Read more ›

日本便利店變K場 Family Mart買零食自助唱K

勁!你哋有冇試過喺便利店買薯片嗰啲零食去唱K?要鬼鼠啲囉。日本連鎖便利店Family Mart就同「カラオケCLUB DAM」合作,4月17日「ファミリーマート+カラオケDAM蒲田南口駅前店」一體化便利店 X Karaoke店將會正式開幕,便利店就24小時營業,可以買啤酒、零食,之後去自助嘅K房唱K,而唱K服務就會由朝早10點營業至凌晨5點。

Read more ›

日本C85殺到 便利店質爆救援物資

日本嘅C85堪稱動漫迷聖地,氣溫得1度都幾千人排隊,好誇張,咁附近嘅便利店又點?當然要做足準備應付呢場硬仗啦。有日本網站影倒附近嘅Family Mart門口擺滿一箱箱救援物資,包括即食麵、咖喱、飲品,林林總總,十足打仗嘅軍糧,睇吓飲品架,嘩,舖滿一排排嘅紅牛同咖啡,睇嚟佢好明白大家好需要補充體力繼續作戰!

Read more ›

《筋肉人》肉包第2彈 12月3日中華風

11月推出過「ウォーズまん(ブラックカレー味)」之後,喺嚟緊12月3日,日本Family Mart又有新1彈《筋肉人》肉包推出,今次係「ラーメンまん(担担風)」,一樣都係賣180円,一樣都係全國限定72萬個。而官方亦都話第3彈會喺1月推出,其實,我想筋肉人出牛肉麵多啲。

Read more ›

7-11新設計 改行高檔路線

一直好羨慕日本、台灣有Family Mart,香港只得7-11同OK便利店,雖然7-11都有嘢食,但同Family Mart嘅嘢食比真係差天共地。最近見倒外國嘅7-11改面換面,連Logo都轉埋,顏色由以往嘅橙綠紅三間,變成簡單嘅紅橙白,再用黑色托底,感覺高級咗好多,好彩入面仲有思樂冰買。今次重新設計,據設計公司講係想吸納更多女性客戶,不過喺7-11買生果我仲未接受倒。佢哋計劃未來有5萬間舖會改用新設計,唔知有無香港份呢?

Read more ›

日本Family Mart推毛毛大眼仔肉飽 暫時未毁容

日本便利店好興出肉包,之前報導過史萊姆同埋變形初音,嚟緊8月13日終於輪到怪獸大學嘅毛毛(サリー Sulley)同埋大眼仔(マイク Mike)!每個賣190円,限定50萬個,毛毛款式係醬油豬肉包,大眼仔就清淡啲,係鹽味豬肉包,睇相見倒,毛毛塊面拉長咗,大眼仔就照舊圓碌碌,其餘部份睇落都幾正常,不過根據經驗,現實總是殘酷的,我有預感好快會有慘不忍睹嘅試食相流出‥‥‥

Read more ›

桃色幸運草Z出便當 靚到你唔信!

有時真係不得不服日本人生意頭腦! 你夠唔唔薑搵偶像歌手開發新產品吖!? 日本嘅Family Mart就話有咁嘅膽喇! 而且仲要係搵Momoiro Clover Z(桃色幸運草Z); 今次佢哋玩嘅係便當, 由挑選食材、試味、試做, 已經玩咗成個幾月, 一直Keep住件事嘅報導同人氣, 好喇! 聽日正式賣街, 再開個記者會, 並用限定方式, 分別將五位成員, 紅色/百田夏菜子、黃色/玉井詩織、粉紅色佐佐木彩夏、綠是/有安杏果同紫色/高城靈似, 做成5種個人風味便當推出, 仲要係每個星期出一款嗰隻, 真係屈機到冇朋友!

Read more ›

熱爆Twitter 日本伊勢神宮 古舊Family Mart

早兩日,日本Twitter用戶Ryu放咗幾張呢間位於三重縣伊勢市伊勢神宮旁嘅Family Mart圖片,惹嚟國內國外網民討論。呢條舊街一直保留明治時期嘅建築特式,亦因為咁,就算開Family Mart都唔可以破壞呢個氛圍,於是,就有呢間古舊嘅便利店喇。網民們嘅反應,有啲就話應該經過都唔覺,有啲就話外表就好正,內裏就同間普通便利店一樣,有啲失望。當然,最多人話諗番起以前賣糖果零食嘅商店,我就諗起20世紀少年喇,有冇超人襟章換呀?同埋我想食Family Mart嘅炸雞扒呀!

Read more ›

靚盒冇變樣 Family Mart初音千本櫻便當登場

初音肉包係現實與理想嘅經典例子,不過啱啱出嗰個都已經改善咗好多,冇乜人彈。而呢個便當呢?更加冇得彈啦,因為今次裏面啲食材係冇初音個樣嘅,北海道風味,淨係個便當盒夠晒靚!即日開始全日本嘅Family Mart都會有售,1,980円,買個盒都抵!喺日本嘅朋友,唔該你!求吓你啦!

Read more ›

終極葡萄!「雪初音」慶典 北海道今日開催

如果你係初音fans,又唔準備去北海道,我建議你千祈唔好睇落去。由今日開始,為期七日,名為「Snow Miku」雪初音慶典正式喺北海道展開。今年嘅雪初音,老實,可愛造型真係靚到不得了。北海道全線51間Family Mart仲會推出大量初音食品及精品。當然仲有雪初音痛電車、演唱會同埋展覽。另外,喺機場、郵局及會場,亦有電話繩、杯、明信片、筷紙、年曆等大大大大量精品等你入手。如果你咁好彩有朋友去開北海道,送多個喼比佢幫你掃貨啦!入嚟官網仲有好多嘢睇,我用咗一小時睇,葡萄咗一小時,好想搭飛機去北海道過新年呀呀呀呀!

Read more ›