Tag: Facebook

網絡熱爆插畫家爵爵 香港VS台灣系列回帶

身在香港嘅台灣插畫家「爵爵」網上好紅,雖然係台灣人,但好緊貼香港新聞,之前串爆東張西望嘅四格插畫網上好多人熱傳,敢言亦有自己態度,難怪facebook專頁「爵爵港不停」有超過8萬粉絲。由於文化差異,佢畫咗一系列香港vs台灣嘅插畫,今次集合全個系列比大家重溫吓,香港壟斷企業TVBBQ當然榜上有名,另外,原來台灣招牌同日本一樣都係得打直款式,唔似香港又直又橫,又原來喺佢眼中,香港嘅古惑仔個個都好似浩南哥咁有型‥‥‥

Read more ›

bb相呃like大法 「小畫家」程式簡單改造

大家都知初為人父母嘅,最鐘意就係將bb嘅相放上facebook公諸同好,如果唔想千篇一律,或者想呃多啲like,可以學外國媽媽Amber Wheeler咁將bb嘅相加工。用嘅只係最簡單嘅Microsoft小畫家,加幾筆就將bb變成太空人、海盜、rock友等等意想不到嘅未來造型,睇嘅開心,畫嘅過程又開心,將來仲可以幫bb出本「我的志願」畫冊留為紀念,但如果比我揀,我想做李嘉誠。

Read more ›

強國潮人facebook專頁 超大膽造型嚇餐飽

仲記唔記得內地爆紅嘅流浪漢犀利哥?原來除咗犀利哥,內地仲有好多「潮」人衣著好大膽,啱啱上網發現一個Facebook專頁叫「Accidental Chinese Hipsters」,入面有好多「唔覺意潮咗嘅中國人」,有紅衫紅褲花領呔嘅伯伯、露腰配吊帶超大膽著法嘅大叔‥‥‥只可以話地大物博,大開眼界,不過我懷疑有啲係日本人嚟嘅,自己入嚟評吓理,順手學吓潮著之道。

Read more ›

新奇壽司東京有得學 名畫吶喊Facebook手指即製即食

日本壽司食得多,咁古靈精怪嘅壽司都係第一次見,呢堆有圖案嘅壽司出自日本師傅Tama Chan手,除咗有名畫吶喊,仲有貓呀、富士山呀,啤酒呀,連地球同埋facebook嘅經典like手指都有份,靚唔靚見仁見智啦,不過手工唔錯,佢仲喺東京表參道開班授徒,有日本記者親身上堂,仲成功整咗吶喊壽司同埋壽司三文治,睇落幾好味。

Read more ›

Facebook雪糕有得賣 Mark Zuckerberg仲未知

作為Facebook嘅死忠fans,除咗塗facebook指甲油之外,梗係要食埋Facebook雪糕啦!呢杯藍色嘅Facebook雪糕喺克羅地亞有得賣,話說賣雪糕嘅媽咪Admir Adili見15歲嘅囡囡好鐘意上Facebook,於是決定整杯facebook雪糕氹吓佢,好簡單,喺雲呢拿雪糕內混入藍色糖漿,再加多個Facebook Logo就大功告成,佢仲將呢杯雪糕喺店舖賣,點知大受遊客歡迎,成為Murter Island今年夏天嘅熱賣雪糕!當然Facebook主腦Mark Zuckerberg仲未知,但係媽咪無有怕,仲話:「如果佢搵我,我會問佢o架! 」

Read more ›

動漫午餐超新鮮 LINE公仔/迷你兵團都有份

日本人整動漫lunchbox有一手大家都知,估唔倒泰國都有同好,呢位泰國女仔整嘅lunchbox一啲都唔輸蝕比日本創作,我最欣賞佢選角方面有新鮮感,海棉寶寶、LINE公仔以至迷你兵團Minion都有份!而且睇落好好味!佢仲開咗個facebook戶口「I draw on my lunch」,每日將唔同嘅lunchbox同大家分享,雖然我唔識睇泰文,但係從佢逢一至五都出post嘅習慣嚟睇,佢應該係一個可愛OL嚟。

Read more ›

黑客挑機 Facebook創辦人Mark Zuckerberg帳戶被Hack

今次真係老貓燒鬚!來自巴勒斯坦嘅Khalil日前發現Facebook有bug,可以喺其他人嘅Wall(塗鴉牆)上任意貼post,於是通知Facebook保安人員改善,諗住賺埋美金$500嘅獎賞金,點知Facebook回應佢話呢個唔係bug,於是佢索性直接將申訴放上Facebook創辦人Mark Zuckerberg嘅個人facebook wall上挑佢機,結果?佢嘅帳戶即時被block,而且得唔倒任何獎賞金,因為佢hack入其他人嘅帳戶,違反咗Facebook嘅條款,好彩管理員將個bug解決後,Khalil嘅帳戶最終可以重見天日,佢仲將詳細資料放咗上個人blog分享,無比人block倒,不過學嚟都無用,因為個bug已經解決咗。

Read more ›

Facebook讚好即時顯示 粉絲頁有數得計

你會唔會舖完張相上Facebook後,成日心思思上去睇吓有幾多人like你?名為FLIKE嘅facebook Like數顯示器,可以連接上Facebook,即時實體化顯示粉絲Like數,主要用途係比有粉絲專頁嘅商戶放喺舖前吸引途人。噢,咁個體戶好似你同我可以點算呢?係時候自己開個粉絲專頁囉,不過到時個擺設長期得兩位數,就睇見都傷心落寞‥‥‥

Read more ›

facebook又出奸招 專業讚「Like」全新設定

近排有冇發覺自己讚好Like咗嘅專頁好似少咗出post?係咪全世界嘅專頁管理員齊齊懶咗?唔係,只係facebook又想我哋呢啲專頁俾錢佢賣廣告呀!其實之前facebook出post已經唔係所有讚好咗嘅人都睇到,但o依家情況更嚴重,不過只要簡單設定,去你自己鍾意嘅專頁,將箭咀移向「已讚好」「Like」,再按「設定」,設定番係「所有更新」,就係咁簡單,就可以睇到晒你想睇嘅所有新Post!原本facebook會自設為顯示「大多數的更新動態」,唔好信呀,呃人o架!唔信?快啲用我哋個page試吓吖…… GameoverHK專頁: http://www.facebook.com/GameoverHK

Read more ›

Facebook圖片留言功能 cap圖有排出

鍾意cap圖的你有福了,Facebook啱啱新加入圖片留言功能,留言可以用圖代替文字,咁你平時儲儲埋埋嘅對白cap圖咪可以大派用場囉!暫時手機版只可以做CD-ROM齋睇,電腦版Facebook先有得舖相做留言;另外只限朋友間嘅留言可以用,粉絲專頁無得留圖。不過其實我最期待嘅功能係可以舖GIF圖,幾時先有得玩先?

Read more ›

英雄Super Likes!狼人Iron Man玩手指公

日常生活最常用嘅手指公,應該係facebook嗰隻,不過呢隻手指公毫無個人特色,外國設計師 Jaime Calderón忽發奇想,幫一班超級英雄整返隻個人版手指公,我最鍾意係狼人,突咗幾隻爪出嚟好可愛,仲有閃電俠,快到無影,哈哈。當然唔少得呢排紅到發紫嘅Iron Man同埋一眾復仇者,話時話,facebook幾時新增自訂手指公功能比我哋玩呀?

Read more ›

本周爆Like圖集 巨鴨狂share

新欄目!由本周開始,我哋每逢周六晚都會出「本周爆Like圖集」,回顧一周間喺facebook最多人Like嘅圖片,等日理萬機嘅你可以喺星期六晚撥冗睇番好多只係喺GameoverHK facebook出過而網站冇出嘅爆Like圖。今個星期最勁就梗係尖沙咀海港城巨型鴨,我哋影到嗰張「大鴨在我腳下」小朋友踩鴨圖被網絡瘋傳,連蘋果動新聞都用咗,可惜冇加水印,冇得乘機宣傳,飲恨!

Read more ›

Angry Birds Friends新app 同facebook朋友比併

喺我心目中,Angry Birds有啲似Draw Something,都係逐漸比人遺忘嘅遊戲,不過佢哋無放棄自己,後者啱啱出咗第二隻,Angry Birds呢?啱啱出咗個新app叫「Angry Birds Friends」,呢個app主要功能係等你可以同facebook上嘅朋友互相比併,每星期會有新關卡比你挑戰,仲有每日獎賞禮物等等,最重要係同Candy Crush一樣,手機破咗嘅關卡,facebook上會同步,唔駛再打多次,暫時只有iPhone用家有得玩,Andriod用家,你哋仲期待嗎?

Read more ›

官方《ONE PIECE》Facebook程式 /「Facebook Home」補償品?

噚日開始Facebook Home正式上架,可惜暫時只限HTC同埋Samsung嘅Android特別機種,自私!好彩仲搵到呢款ONE PIECE專用嘅Facebook程式, 由Bandai出品,最重要係免費下載!玩法同平時用開個facebook 手機app無乜分別,照舊可以睇news feed、post 相、update狀態,不過有用家話check-in功能壞壞哋,啱吖,海賊點會隨便曝露行蹤?可惜暫時只有Android用戶有得玩。iPhone用家今舖變雙失,慘。

Read more ›

Facebook賣仔被補 美婦4千蚊出售親生骨肉

我以為賣仔呢啲事件,只會發生喺咸豐年代或者電視劇。估唔到2013年,美國,居然仲有呢類事件發生,而且犯人仲喺facebook兜售,痴線!呢位美國阿肯色州22歲女士Misty VanHorn,以美金$1000賣走自己兩歲嘅親生骨肉,後來仲加碼到美金4千,同梱式包埋10個月大嘅初生嬰兒,原因係佢要籌錢救佢喺監獄嘅男朋友出嚟!仲搵倒買家!當然,佢好快被當地警方拉咗,而家保釋金要4萬蚊美金,兩個字:抵死!

Read more ›