fbpx

Tag: Evangelion

其實係幾似 日本網民改EVA初號機變「八神庵」

其實係幾似 日本網民改EVA初號機變「八神庵」

唔睇又諗唔起,睇到又覺得身型同啲動靜真係幾似,講緊係《Evangelion》嘅初號機同《拳王》嘅「八神庵」。有日本網民就趁黃金周假期最後一日,分享佢喺假期改造嘅成果……話時話,「八神庵」啲火好似都係紫色嘅。

Read more ›

《Evangelion》聖地巡禮 靜岡「天竜二俣駅」多人多嘢買

《Evangelion》聖地巡禮 靜岡「天竜二俣駅」多人多嘢買

《シン・エヴァンゲリオン劇場版》大家都未有得睇,不過日本已經開始聖地巡禮,就係靜岡縣「天竜浜名湖鉄道・天竜二俣駅(浜松市天竜区)」,呢個地方有個轉車台同埋扇形車庫,係超過80年嘅建築嚟,又係登錄有形文化財產。咁當然亦唔會放過搵錢機會,喺「天竜二俣駅売店『てんはまや』」會有EVA產品期間限定發售。

Read more ›
【有片】EVA大發現!「模擬插入栓」起動聲音倒播 竟然出現陳年電影對白

【有片】EVA大發現!「模擬插入栓」起動聲音倒播 竟然出現陳年電影對白

《Evangelion新劇場版:破》中,「模擬插入栓(ダミーシステム)」起動一刻實在震撼,你又記唔記得啲聲?有人就發現倒播之後,竟然聽到英文?開大聲啲的確係聽到,而當中「To be dominated by me is not as bad for human pride as to be dominated by others of your species」,更加係70年電影《地球爆破作戦 (Colossus: The Forbin Project)》中嘅對白……超勁呀!

Read more ›
日本畫師超正作品 熱血版《Evangelion》明日香好霸氣

日本畫師超正作品 熱血版《Evangelion》明日香好霸氣

《Evangelion》新劇場版最終章香港仲未知幾時有得睇,日本呢,有畫師「ねこのけだま(@ mqq11)」出圖感謝EVA,而且畫出另一種風格同感覺,增添咗一份熱血感覺,好似真嗣同渚薰有番啲肌肉,明日把頭髮仲正……

Read more ›
日本出《Evangelion》綾波麗陀錶 價錢高達36萬3000円

日本出《Evangelion》綾波麗陀錶 價錢高達36萬3000円

成3萬港幣買隻錶,仲要係陀錶,真係要好有愛先得。《Evangelion》新劇場版最終章上映緊,產品越出越有,最新就有呢隻U-TREASURE推出嘅機械式陀錶「【EVANGELION】綾波レイ 懐中時計」,925銀製,50mm x 72mm,厚約13.5mm……錶邊有個立體綾波麗,仲有,你睇支秒針,.係朗基努斯之槍呀!不過個價錢係36萬3000円,你又話愛?

Read more ›
真fans先carry到 Evangelion x ANNA SUI第2彈產品公開

真fans先carry到 Evangelion x ANNA SUI第2彈產品公開

喺日本繼續有合作,繼續有產品推出,香港就繼續未有消息。今次係Evangelion x ANNA SUI第2彈產品,初號機頭戒指,仲有朗基努斯槍耳環,仲有初號機變蝴蝶頭……唔係真fans都好難接受到。由16,500円至22,000円不等,9月出貨。

Read more ›

潮人福音 UNDERCOVER出東京時裝show玩《Evangelion》

潮人福音 UNDERCOVER出東京時裝show玩《Evangelion》

你睇貳號機、綾波麗佢哋手長腳長咁幾潮,噚日3月19日「アンダーカバー(UNDERCOVER)」喺東京Rakuten Fashion Week TOKYO 2021F/W Project “by R”中,就有大量EVA時裝出場。唔知真嗣有幾多零用錢?買唔買得起呢?

Read more ›
日本車站職員製貳號機畫綾波麗 活動中止都有誠意

日本車站職員製貳號機畫綾波麗 活動中止都有誠意

電影終於喺早前開始上映,不過因為疫情關係,Evangelion都有好多預定會舉行嘅活動取消,例如呢個「JR東日本 エヴァンゲリオンスタンプラリー 全駅達成計画」,本來可以去各站嘟QR Code,不過既然唔安心就咪出行啦。活動取消,但又無減車站職員嘅熱誠喎,有自製嘅EVA貳號機,又有人畫巨型綾波麗……而且啲本身活動用嘅畫板,都會由即日至3月28日喺車站展示。

Read more ›
日本女網民回憶20歲收到男友送戒指 知道係「朗基努斯槍」喊出嚟

日本女網民回憶20歲收到男友送戒指 知道係「朗基努斯槍」喊出嚟

有時回憶真係特別有味道,諗番起收到嘅禮物,依家睇番同當年比較,又會唔會有特別嘅感覺?呢位女網民就回憶起20幾歲時收到男友第一隻送俾佢嘅戒指,唔係咩名牌,而係「朗基努斯槍」,真係想喊出嚟……之後有網民表示羡慕同時,亦有人話當年佢男友應該係想打破女朋友嘅「A.T. Field」,仲有人出圖show自己依家戴緊嘅結婚戒指,係金色呀!再有EVA迷話,當時佢應該要問男友,這個時候,我應該露出甚麼表情……?大家都識答啦?

Read more ›
《Evangelion》新海報登場 全主要角色大集合

《Evangelion》新海報登場 全主要角色大集合

之前《シン・エヴァンゲリオン劇場版》嗰張海報大家記得啦?5位被選中嘅少年企喺海邊,當時仲發現好多留白位置,有人話分咗左右,左邊係人類,右邊唔係,但原來留嗰啲位係俾其他主角呀!有日本網民影咗最新海報出嚟,全員集合又有冇咩玄機?大家唔好留言劇透呀。

Read more ›
每日講一次「這時候只要笑便可以了」 等身大可動綾波麗賣198萬円

每日講一次「這時候只要笑便可以了」 等身大可動綾波麗賣198萬円

雖然香港未有得睇,不過正如真嗣喺預告講,今集之後,都應該真係要同全部Evangelion講再見。咁如果真係好掛住綾波麗咁點呀?可以買呢隻「綾波レイ 等身大フィギュア(可動・プラグスーツVer.)」,Paper Moon R推出,1:1等身大而且關節可動,身高158cm,製作材料FRP、布,而且重量只有約10kg,真係點玩都得,帶埋去睇戲都仲得。

Read more ›

【有片】《Evangelion》新短片 首周上映票房超33.3億円

【有片】《Evangelion》新短片 首周上映票房超33.3億円

今日《シン・エヴァンゲリオン劇場版》又有新片睇,一嚟兩短,雖然好短,但啲場面之前未見過嘅。另外,票房都有新數字公開,上映首星期超過33.3億円,動員人數219.4萬人。不過留意番,因為有部份地域上映環境限制,所以同之前其他上映嘅動畫好難比較,都係等睇最後個數啦。

Read more ›
日本「插入栓」麵包 EVA迷諗起呢個畫面

日本「插入栓」麵包 EVA迷諗起呢個畫面

日日講《シン・エヴァンゲリオン劇場版》已經喺日本上映,日日集氣希望香港快啲有得睇,總有一日我哋都可以解除呢個25年咒縛。今次見到嘅係擬似「插入栓」麵包,有唔同版本,好唔好味唔知,但你都可以重現初號機暴走一幕,播歌!打橫放入口,聽住〈今日の日はさようなら〉嚟食啦!

Read more ›
【有片】Cosplay女琴手新片又過100萬Views  模仿《Evangelion》真希波趴低搵眼鏡

【有片】Cosplay女琴手新片又過100萬Views 模仿《Evangelion》真希波趴低搵眼鏡

近期最有話題都係《Evangelion》啦,趁住新劇場版最終章喺日本上映,Pan Piano都出新片,今次首音樂係短短哋「次回予告 Peaceful Times」嗰首,彈嗰陣時著住真希波緊身衣。不過就仲有一段片段,係重現真希波出場推倒真嗣搵眼鏡一幕,最後仲哄埋鏡頭索真嗣兩吓,爭在冇講聞到LCL嘅香味,同叫佢NERV小狗狗啫。就係咁樣,又過100萬Views啦,真勁!

Read more ›
手長腳長明日香 名古屋「ナナちゃん人形」變身賀EVA上映

手長腳長明日香 名古屋「ナナちゃん人形」變身賀EVA上映

《シン・エヴァンゲリオン劇場版》上映,對EVA迷嚟講好大件事,喺日本更加無處不在啦。咁名古屋市名鉄百貨店嘅呢個「ナナちゃん人形」換衫似乎係意料中事。不過可能因為之前變身過綾波麗,所以今次就揀咗明日香……真係好想親眼見證呢啲場面。

Read more ›