Tag: eva

池袋唱K計劃始動!《Evangelion》X Joysound直營店

莫講話未落畫,就算落咗,我深信EVA都會繼續乘乘乘……之前已經同Joysound搞合作,喺中野同津田沼開咗NERV支部,即係主題房。咁嚟緊就方便喇,喺池袋嘅支部將會喺12月20日開幕,會有5間主題房,仲有飲品食物,我就見到「汎用丸型決戰Pizza」,好想去呀!

Read more ›

EVA官家啤牌 專醫賴皮唔洗牌

  聽晚打算約錢兄、尉遲兄打橋牌,不過呢兩條友有兩個好壞0既習慣,尉遲兄唔理輸贏都鍾意賽後檢討,不過呢樣係世紀絕症,做兄弟嘅只有忍!錢兄就鍾意賴皮/唔洗牌,不過今後我有方法治佢喇!就係靠EVA呢幅啤牌,有咗佢相信錢兄今後會洗心革面爭住洗! 顏色係紅黑紅紅黑,就係咁簡單!公仔轉為NERV圖案同出場機械,絕對唔係山寨嘢,係正廠Official!開價1,470日圓,為兄弟做深切治療,雖然幾貴,貴過我平時買開嘅金「刀」,但我覺得就算要借財仔都要買!12月下旬日本推出!    

Read more ›

周六日本上映《Evangelion新劇場版:Q》影院產品曝光

話咁快,今個星期六就係11月17日,對日本EVA迷嚟講係大日子,對香港EVA迷嚟講,係超葡萄嘅日子。如果,你睇埋呢個產品列表,個心會更唔舒服……去日本睇過戲嘅都知,戲院度都會有產品專櫃,可以買到場刊、精品、CD等好嘢,而EVA嘅戲院販賣列表,除咗有爆谷汽水連初號機飲管套餐外,產品更加係超級豐富,就咁快睇一次,都起碼十樣八樣有興趣……好彩!我有朋友呢期去開日本,嘩哈哈哈哈!羡慕我吧!

Read more ›

《Evangelion新劇場版:Q》 X UCC 新罐曝光 歷代晒冷 牆布下載

鑊鑊都係咁!東京遊戲展嗰幾日開始賣唔得嘅?10月15日先開始賣你開心啲咩?會好賣啲咩?頂!我知UCC次次EVA上映又X出碟又X,我自己都有幾罐收藏,但今次唔同嘛!你睇啲畫,藍天背心仔迷彩褲,靚到!仲有抽獎Tee同真希波Figure,我真係好想要,不能逃避不能逃避不能逃避……好喇,發完癲,講番個網,今次堅,有Twitter頭像同Wallpaper下載,仲有電腦用、手機用Wallpaper免費下載,最正係仲有UCC歷代出過嘅EVA咖啡回顧,我睇到唔捨得走。最後,仲有一張第3新東京市專用自動販賣機地區分佈圖,又係堅靚呀呀呀呀呀!

Read more ›