Tag: eva

PENTAX出新Q7 哎!又砌唔到EVA色

  PENTAX Q系列相機, 雖然狀似磚頭, 不過自從出咗EVA版之後, 大家都對佢另眼相看, 其實真心一句, 相質真係唔錯! 當爆炸哥仲傷心緊買唔到之時, 日本方面就話繼Q10之後, 將會喺7月推出新版Q7(機價約4萬円)!

Read more ›

新片速報 《Evangelion》漫畫完結 8月/9月再出附錄

睇完《Q》又唔知要等幾耐,漫畫版又啱啱早兩日出埋最後一話,我o依家身心都好空虛,好想去原宿間專門店掃貨,帶啲綾波麗同明日香返屋企。喺呢個時候,我見到有《Evangelion》嘅廣告片,唔理係咩都入去睇咗先,原來就係連載漫畫版《新世紀Evangelion》(貞本義行、原作:カラー・GAINAX)最終話嘅7月號《ヤングエース》廣告,漫畫就睇咗啦?附錄呢?我今日出去買,買完返嚟再同大家分享!不過唔好以為下個月唔駛買呀,嚟緊8月號同9月號都有綾波麗、明日香呀,你睇!

Read more ›

《Evangelion》之源 初期設定曝光 長髮綾波 真嗣識得笑 EVA大隻咗

TV版《Evangelion》推出時,我有睇,頭幾集睇到我嘩嘩聲,尾幾集睇到我媽媽聲,之後劇場版,再之後新劇場版,但實不相瞞,對動漫嘅熱情,我係有幾年空白期,所以唔知呢十幾張設定圖有冇瘋傳過,但我就未睇過,啱啱日本討論區先見人放出嚟。如果你同我一樣,你會唔會慶幸EVA冇用起初呢個設定?天真又笑得好陽光嘅真嗣同長長地頭髮嘅綾波你又鍾唔鍾意?

Read more ›

香港有團報 《Evangelion》旅行團 遊東京$9,500

你去日本旅行仲會唔會跟團呀?如果綾波麗、明日香帶隊帶你去第3新東京呢?你就想。呢個只不過係一個掛住個名嘅「新世紀福音戰士日本登陸計畫」,5日4夜帶你去富士急樂園EVANGELION WORLD參觀原大初號機、二號機,之後去「第3新東京市」箱根觀光,再去去原宿EVA專門店消費……頭100名報名有贈品,就係「Evangelion X J!NS」。出發日期有7月11日、18日、25日同8月1日,$9,500,最搞笑係個價係人仔價,喂!香港人邊有人仔喺身呀?咁你哋明咩事啦?  

Read more ›

要來的來了《Evangelion新劇場版:Q》初號機戰艦Wunder 6月推出

睇完《Evangelion新劇場版:Q》,發現今集最驚喜嘅係多咗架戰艦,仲要係初號機喺裏面,仲要啲炮打得爆絕對領域,仲要……唉。要嚟嘅始終都要嚟,今年6月,WILL-E呢架戰艦「AAA Wunder」就會推出玩具,啱啱又喺「トレジャーフェスタin有明9」展出灰模,18,000円唔算係好貴,比例未明,但喂,佢條尾唔係實心唔通窿咁冇誠意吓嘛?

Read more ›

自製神物 4呎高LEGO初號機!含製作過程!

LEGO自製高達好多吖,初號機都有,之前仲出過攞正牌嘅積木產品添。但呢隻自製品勁就勁在有4呎(120cm)高!重10kg!而且裝甲內係有活動關節!最勁係個比例拍埋LEGO人仔度係啱啱好o架!呢位日本神人叫LEGO DOU Moko,入嚟有得睇佢嘅製作過程,佢相簿入面仲有好多其他好嘢睇!

Read more ›

理想與現實 日本Lotteria Q段漢堡 傾斜的9層芝堡

前兩日報導過,噚日日本Lotteria為慶祝《Evangelion 3.33》Blu ray/DVD推出,整咗個9層肉「Q段チーズバーガー」,仲有支朗基努斯之槍俾你叉住食。咁又有日本傳媒買嚟試,9層高傾斜就梗o架喇,啲芝士溶到一堆都可以理解……賣1,280円,至5月31日前仲有大抽獎,中咗就得到一個1比1綾波麗Figure,俾著我,日日食呀!

Read more ›

新片速報 《新Evangelion劇場版:||》結局預告曝光

今日香港上映、日本出碟,於是,第3集最尾嘅第4集預告片段就曝光喇!建議未睇第3集嘅唔好入嚟睇預告,雖然都冇乜劇透,但搞亂個節奏就唔好啦!幅圖都唔好睇咁清楚……至於睇咗「Q」嘅,就可以重溫吓喇,或者索性買咗碟先睇囉。留意,新一集個名係叫《新Evangelion劇場版:||》,充滿玄機!識音樂嘅,知道最尾個音符點解啦?

Read more ›

《Evangelion新劇場版:Q》 X SEGA 秋葉原強力宣傳

今日係香港上映《Evangelion新劇場版:Q》,自從日本11月上映開始,我個身痕足差唔多半年!而日本今日都係出藍光同DVD嘅日子,認唔認得呢座建築?無錯,就係聖域秋葉原JR站電氣街出口一行出嚟見到嗰座SEGA,佢同EVA搞咗個「遊んで、もらえるヱヴァンゲリヲンキャンペーン」活動,有新景品、限定文件夾推出,全國220店舖都有得玩,雖然等陣我就入場睇,但o依家我個身又痕喇……

Read more ›

新片速報《Evangelion 3.33 You Can(Not) REDO》BD/DVD預告片

我哋期待緊下個星期(24日)戲院上映,日本嗰邊就已經喺同日會推出《Evangelion 3.33 You Can(Not) REDO》BD同DVD,入面有戲院版未收錄嘅片段就梗,所以到時出港版碟都係要買,甚至入完戲院可以即刻買番隻日版煲多轉。咁呢條就係日本最新嘅BD/DVD宣傳片,入面有超大量未曝光片段,如果唔想入場前睇得太多,建議咪睇,不過我就當全新預告咁睇,嗚!睇到嘩嘩聲!

Read more ›

人類剃鬚計劃2013 神秘人登場 4/25始動

4月24日,對我哋嚟講係大日子,對日本EVA迷嚟講,都係出藍光嘅大日子。之後一日,4月25日,Schick同《Evangelion》又有新搞作,今次嚟到第3彈,官網有神秘人登場外,仲有抽選活動,呢三隻Figure,我得綾波麗,另外兩隻都好難搵,咁抽獎得唔得?

Read more ›

4月24日發售!《Evangleion新劇場版:Q》DVD/BD 初回特典配樂CD聽主題曲

當我仲等緊唔知香港幾時上嘅時候,日本官方今日就宣佈《Evangleion新劇場版:Q》會喺4月24日推出DVD同藍光影碟!今次算快手,可惜嘅係得日文字幕,不過唔緊要,總會有辦法嘅。初回特典送CD,係電影配樂加埋宇多田光唱嗰首主題曲,另外各版本都會收錄埋上映時都有埋嘅《巨神兵東京に現わる 劇場版》。算啦,咁遲都唔上,我睇碟算。

Read more ›

今日買書 《Smart》2月號 明日香挑戰性感底線

又有書要買,《Smart》繼早兩期用綾波麗做封面搞到人鬼咁開心之後,今期2月號就輪到大島優子封面,但係!有睇開Smart都知書入面有幾頁係性感靚女寫真,多數係水著女優,有時仲係AV女優,而今期嘅女主角就係明!日!香!幾頁彩圖明白香都性感上陣,仲半裸(不過有嘢遮住),仲有眼鏡,仲睇到Bra。而呢本2月號,啱啱便利店都有行貨返咗,$98,仲送Mastermind銀包,今次冇咁膠。嗚呀!神聖不可侵犯嘅明日香,我嚟搵你人類補完計劃喇!

Read more ›

超低胸EVA連身裙 超薄激貼身

我呢份人無0野好,就係對朋友好!我知錢老闆愛EVA,最近又有新0野返,一於晒佢冷;係過年衫、袋、鞋,我知!係女裝嘛!所以我決定0係度比「武」招親,大家快0的上網訂,著完影張相再EMAIL俾我0地,我就會叫錢老闆揀,絕對係過年前限定!想做錢生女朋友就係呢舖喇!農曆新年時仲有個男朋友陪你見家長,係咪好開心先?

Read more ›

有片 Evangelion NERV本部加濕器 開箱始動!

有睇開GameoverHK嘅讀者都知我對EVA嘅愛猶如滔滔江水連綿不絕……見到Rinko Yu咁有心俾篇One Piece手機開箱文我哋出,星期六懶懶閒嘅我要暴走拆禮物。VERTEX electroys系列之前出過絕對領域USB風扇已經入咗手,咁呢個「NERV本部加濕器」又點能夠冇?喺日本Amazon訂咗,前幾日終於收到貨,成個本部有燈著仲有LED射燈,就係重現《Evangelion新劇場版:破》真治發脾四揸住初號機上NERV本部揼地一幕!實際功能係噴濕霧出嚟,加兩滴香薰油仲可以當香薰機,最抵死就係俾初號機踩爛個頂好似噴煙咁……8,400円,抵!抵到極限!

Read more ›