Post Tagged with: "Etsy"

忍者龜面罩  靚女Model戴上面
by / on 17/02/2013 at 10:48 am

忍者龜面罩 靚女Model戴上面

呢個忍者龜面罩,睇落好保暖,唔算忠於原著,但戴起幾靚,我指個model。model戴住嗰款係最聰明嘅忍者龜Donatello,另外仲有紅色嘅Raphael、橙色嘅Michelangelo同埋藍色嘅隊長Leonardo,唔明我講咩?咁你專心睇靚女算啦。網站Etsy有一式四款面罩買,開價美金$35,會唔會有人買齊四隻色用嚟襯衫呢?唔笠住對眼當冷帽戴都幾潮吖,嘻。

Read more ›

獵奇發明    巨型USB拖鞋開價$300
by / on 17/02/2013 at 8:02 am

獵奇發明 巨型USB拖鞋開價$300

呢隻嘢我用咗一段時間先搞清楚發生緊咩事,首先我知佢係一對拖鞋,我都知佢係模仿USB,但係‥‥‥嘻,睇咗一陣我終於明嘞!淺灰色位置,即係平時插入電腦嗰部份,就係腳趾位!至於點穿落去?我估係條褲遮住嗰個襪筒位啩,咁點解佢唔稱之為襪,而係一對拖鞋呢?唔,我諗因為著咗佢,就著唔落鞋啩。咁醜樣嘅外形,居然仲夠膽開價港幣$300,真係藝高人膽大呀。

Read more ›
巨型鏡頭吊燈  大明星專用
by / on 15/02/2013 at 12:12 pm

巨型鏡頭吊燈 大明星專用

你枱面有無隻仿鏡頭嘅水杯?會唔會覺得仲未表達倒你對攝影嘅狂熱?如果答案係肯定的話,你要儲錢買呢支超巨型鏡頭吊燈嘞。老實講,手功幾細緻,全木造,由西班牙設計師Sandra Diaz製作,開價港幣約HK$5300,平過你支蔡司鏡。而且個鏡頭mount仲可以拆落嚟,幾可亂真!如果你自問係superstar,想成日生活喺鏡頭底下,不妨買盞自我滿足吓。

Read more ›
Canon D60朱古力  索價4千唔包電池SD咭
by / on 31/01/2013 at 11:30 am

Canon D60朱古力 索價4千唔包電池SD咭

呢個唔係Canon D60啡皮套,而係朱古力造成嘅D60!手工精細,真係有得賣,仲好貴o忝,大約港幣$4000左右,點解咁貴?因為要用真相機真鏡頭做倒模,咁搞法部機仲點用得返。製作人話,佢咁耐以嚟只係整咗三部送比人,其中一部仲好豪氣食咗落肚。如果你真係有興趣要快手,因為佢表明最多只會生產多5部。要注意嘅係,網站標明朱古力SD咭、電池、鏡頭蓋同相機帶都唔包,幾風趣。

Read more ›
HIS AND HERS CUSTOM STAR WARS RING SET - INSTALLMENT 2 --- $325 一隻/銀
by / on 28/01/2013 at 1:34 pm

Star Wars情人節戒指 暗啞底謀反

  唔好理新年住! 情人節快到, 真係重要好多! 你準備好自首未? 未就0岩喇, 0係Etsy網見到對好抵死0既Star Wars戒指Set, 女0既寫住I Love You, 男0既就寫住I Know, 你以為0甘就完事? 0甘你實在太膚淺喇! 原來裡面仲有一個驚天大隱寓!

Read more ›
任天堂部屋  放大版主機盒帶做傢俬
by / on 27/01/2013 at 2:05 pm

任天堂部屋 放大版主機盒帶做傢俬

呢間任天堂專用房認真厲害,由外國公司Pixel Art Studio設計,全部都係任天堂經典產品 ─ 放大版!包括大大張嘅NES主機咖啡枱、Mario Bros經典盒帶枱、兩張NES手掣杯墊,仲有掛喺牆上,用木造成嘅8-bit孖寶烏龜層架。部NES主機枱入面,仲設計咗位置比你放遊戲機同埋手掣。Etsy有得賣,全套開價美金$1350,嘩!過萬蚊港幣,唔怪得之仲有六套現貨,香港地啲屋豆潤咁細,我連部主機放喺邊都頭痕,全套傢俬?多謝嘞。

Read more ›

情人節噩夢「男女朋友襟章」魔鬼現身!
by / on 19/01/2013 at 3:57 pm

情人節噩夢「男女朋友襟章」魔鬼現身!

女讀者,如果你有個好鐘意打機儲白金獎盃嘅男朋友,啱晒嘞,今年情人節你可以買呢套「男朋友襟章」訓練佢。襟章總共12個,每個都係一個任務,例如見完家長可以獎一個襟章;交換鎖匙?頒獎啦!其他襟章仲有共用櫃筒放內褲、共同放屁、嘔吐時幫忙掃背等等。男讀者,係咪好驚?快啲盡可能冚住呢單消息唔比女朋友知,又或者,買埋呢套「女朋友襟章」,一式六個,有「接受打機」、「一齊食快餐店」、「胸部push up」、「月事情緒管理」等等,哈哈,真係好絕!

Read more ›
黑武士變鍵盤戰士 只此一件藝術品
by / on 28/12/2012 at 8:51 am

黑武士變鍵盤戰士 只此一件藝術品

之前見過唔少用剩餘物資整成嘅動漫角色,好似鐵罐比卡超我仲記憶尤新,不過呢個用電腦殘餘配件造成嘅黑武士頭像,我覺得堪稱高級版藝術級數,真係幾靚。睇倒每個配件,例如頭盔由幾百粒打字機鍵盤組成,雖然顏色由全黑變成古銅,但難得係顏色又襯得幾絕。由美國印第安納州嘅設計師Gabriel Dishaw設計,放喺專賣古靈精怪手作仔嘅網站Etsy上賣,只此一隻,開價美金$800。

Read more ›