Post Tagged with: "Etsy"

全Handmade萬勝節喪屍蠟燭
by / on 09/10/2014 at 2:47 pm

全Handmade萬勝節喪屍蠟燭

今年我覺得香港特別有萬勝節氣氛, 冇計啦! 打開電視見到好很多鬼, 冇句人話, 尤其見到嗰條哨牙仔, 真係未出聲已經想打鑊佢! Etsy網站嘅stexe可能都知我哋有啲火, 所以整咗啲The Incredible Melting Mandle喪屍蠟燭, 俾我哋降降溫, 全Handmade、一點即着, 可以燒到得返一灘蠟屎, 佢嗰排牙, 真係好鬼似阿邊個邊個! $120一碌, 我畀! 死啦契X!

Read more ›

《刺客教條》火機鐵印   小心辣手
by / on 20/07/2014 at 2:04 pm

《刺客教條》火機鐵印 小心辣手

小朋友唔好亂玩火!不過喺遊戲《刺客教條》入面殺人都得,玩吓火又算得乜?外國Etsy網嘅niquegeek整咗呢個火機專用鐵印,扣上火機之後燒行個火,之後就可以用燒紅咗嘅鐵印,將《刺客教條》個LOGO印上木製品上面,開價港幣$243,不過由於全人手製,訂完要預半個月以上先會收倒貨。溫馨提示,玩嘅時候要小心辣親隻手,除非你想製個烙印比自己。

Read more ›
《Final Fantasy》陸行鳥有得買     超精細識轉pose
by / on 18/06/2014 at 8:44 am

《Final Fantasy》陸行鳥有得買 超精細識轉pose

《Final Fantasy》入面隻陸行鳥好有用,去邊都要靠佢。現實生活中,有fans將佢變成實物,仲放上Etsy網站賣,商店名叫MiraCrafts,不過隻陸行鳥價錢好貴,賣港幣$4929,可唔可以用FF入面嘅貨幣付款先?呢隻陸行鳥像真度極高,仲可以拆件同轉pose,而且幾巨型,有成12’高13’長,不過唔駛擔心,佢身上用嘅只係仿真羽毛,可惜唔識飛唔識游水,如果做埋遙控就仲正,我會獎佢食基沙爾野菜。

Read more ›
可憐的烏龜       cosplay服專賣店扮蟹扮漢堡包
by / on 25/04/2014 at 7:01 am

可憐的烏龜 cosplay服專賣店扮蟹扮漢堡包

貓貓狗狗有得著衫,估唔到烏龜都有!外國網站Etsy有間網店叫MossyTortoise專賣烏龜服,全部都係人手製嘅針織品,每件平均港幣$150左右,勁在夠晒創意,扮鯊魚、蟹、漢堡包甚至生日蛋糕嘅造型都有,cosplay種類極之多令人嘆為觀止。有無興趣買返隻比屋企嘅龜龜?

Read more ›
外國出痛枕    Solid Snake都有份?
by / on 20/04/2014 at 1:57 pm

外國出痛枕 Solid Snake都有份?

痛枕見得多,通常都係女角色多,而且產自日本。估唔倒,外國都興痛枕,而且係男角色,專為外國腐女而設。幾款痛枕嘅枕頭套喺外國網Etsy有得賣,全人手掣,有《Star Trek》嘅Kirk/ Spock、美劇《Teen Wolf》嘅Derek Hale / Stiles Stilinski,甫士好姣,而且每邊一個,啱晒花心女。但係最爆係居然見倒《Metal Gear》嘅Solid Snake!一邊著軍裝一邊赤裸上身,似惡搞多啲喎。BTW,點解Snake後生咗咁多?

Read more ›
C3PO終於有知音人     人手製結他彈得擺得
by / on 05/04/2014 at 3:29 pm

C3PO終於有知音人 人手製結他彈得擺得

C3PO喺星戰入面一直比較少人鐘意,無辦法,黑武士、R2D2、尤達、白兵佢哋太搶眼喇。不過好彩佢都有知音人,仲將佢變埋結他,放佢喺客廳都幾型吖!呢個結他喺Etsy網站嘅RainyDayInstruments有得買,全人手製作,負責製作佢出嚟嘅老細話,個殼係用之前出過嘅Classic C3PO collectors個殼嚟整,仍然可以打開而且可以講嘢。音色方面都唔駛擔心,事關佢已經有20年以上製作樂器嘅經驗。不過我比較擔心係個價錢,開價港幣$3,702,噢。

Read more ›

《戰狼300》首飾系列   男人的浪漫
by / on 27/03/2014 at 7:09 am

《戰狼300》首飾系列 男人的浪漫

男人的浪漫嘅《戰狼300》,今集《戰狼300: 帝國崛起》好多fans睇完好失望,不過點都好,入面嘅武器、頭盔同埋盾牌都係man爆型爆,外國有首飾店設計咗好多戰狼300嘅飾物,例如頭盔戒指、盾牌袖口鈕等等,全部handmade人手製,網站Etsy有得買,戴住佢就可以大大聲嗌:「This is Sparta!」

Read more ›
霸氣機械人電話座   全人手掣夠環保
by / on 19/03/2014 at 7:02 am

霸氣機械人電話座 全人手掣夠環保

電話座人有我有,想擺一個夠新奇刺激又可以引倒同事行埋嚟讚吓吹吓水嘅,呢個絕對係穩陣之選。首先設計上極具霸氣,大大個機械人,換埋自己張相做Screen saver相信效果更爆!全人手製,網站Etsy有得賣,開價港幣$776,睇啲配件,有幾件應該係出自宜家傢俬嘅裝配組件,呢啲咪環保囉。

Read more ›
熊貓面罩夠騎呢    氹女仔$330搞掂
by / on 17/03/2014 at 7:09 am

熊貓面罩夠騎呢 氹女仔$330搞掂

老老實實,熊貓我麻麻哋鐘意,但係好多鬼佬都覺得熊貓勁得意,甚至有人整咗呢款熊貓面罩出嚟,驚嚇得嚟又幾搞笑!100% 棉質針織,一個呎吋,話就話似熊貓,但係可能model問題,我諗起《幪面超人》入面嘅嘰嘰。想買嚟氹女仔開心嘅,唔貴,港幣$330唧,即叫即製,網站Etsy有得賣。

Read more ›
真牙頭髮做首飾!網上有得賣
by / on 06/03/2014 at 7:10 am

真牙頭髮做首飾!網上有得賣

古怪首飾見唔少,不過用真人嘅牙同埋頭髮整成嘅首飾,你敢唔敢帶上身?由設計師Polly van der Glas設計嘅一系列首飾,爛牙變鍊嘴,頭髮變戒指,我仲見倒有隻金牙整成嘅耳環,土豪會唔會想買?所有首飾喺網站Etsy有得賣,而且價錢一啲都唔平,三隻牙砌成嘅戒指賣港幣$5380,真人嘅牙喎,梗係貴啲。

Read more ›
醒神早餐戒指    齋睇唔食得
by / on 02/03/2014 at 1:30 pm

醒神早餐戒指 齋睇唔食得

粟米沙律、熱香餅、太陽蛋‥‥‥今朝早餐你食咗咩?可惜呢堆咁好味嘅早餐唔放得入口,只可以戴喺手。喺Etsy網站有得賣嘅食物戒指,外形幾像真,店名係CaseyTheCrafter,店主都幾靚女,每隻戒指賣港幣$128起。睇真啲仲有生蠔、帶子!噢,打打吓字都流口水!

Read more ›

情人節禮物   牛角包耳環啱晒為食女友
by / on 10/02/2014 at 7:01 am

情人節禮物 牛角包耳環啱晒為食女友

情人節諗好送乜嘢比女朋友未?無女朋友?咁送比阿媽都得嘅。如果你有一個好為食嘅女朋友(或者阿媽),可以考慮買呢款麵包耳環送比佢,外形精緻,仲幾可亂真,有牛角包、丹麥酥,睇見都餓,除咗耳環,仲有士多啤梨撻嘅項鍊、朱古力襟章,全部都係睇得唔食得,Etsy有得賣,價錢都係百零蚊件,抵過買盒朱古力。

Read more ›
情人節之選     動漫圍裙孖寶 / 薩爾達煮兩味
by / on 04/02/2014 at 7:09 am

情人節之選 動漫圍裙孖寶 / 薩爾達煮兩味

想嚟緊一年有好嘢食,情人節兼元宵節送返條靚圍裙比另一半都係計。外國網Etsy嘅店主bambinoamore設計咗好多款靚圍裙,動漫迷除咗可以揀Lolita風之外,仲有孖寶兄弟、薩爾達、蝙蝠俠、美國隊長,款式唔老土幾性感,卡娃兒啲嘅仲可以揀NHK吉祥物Domo君(どーもくん),價錢大約港幣$560,平過出去食西餐。

Read more ›
新年換新燈     瑪利奧主題燈夠應節
by / on 04/02/2014 at 7:01 am

新年換新燈 瑪利奧主題燈夠應節

新年想幫自己添置吓新傢俱?我好明呢種諗法,因為我都上網睇中咗幾盞燈,唔介意同大家分享吓。呢間喺Etsy開店嘅TheBackPackShoppe,美國店主喺標準機迷,仲係任天堂粉絲,設計咗好多遊戲做主題嘅燈,例如比較含蓄嘅薩爾達主題燈,同埋紅噹噹好好意頭嘅瑪利奧大叔燈罩,其餘仲有孖寶兄弟問號燈箱同埋問號磗,售價由100幾蚊至400幾蚊不等,係時候拆利是錢消費喇。

Read more ›
鬼佬品味系列 N64版薩爾達再出「番梘」
by / on 23/01/2014 at 10:21 am

鬼佬品味系列 N64版薩爾達再出「番梘」

都唔知話鬼佬鍾意懷舊, 定係科技產物好落後, 有睇《波叔出城》嘛!? 我信! 我有外國朋友仲係睇緊VHS錄影帶! 呢次又嚟喇! 係重出「新版」N64嘅THE LEGEND OF ZELDA OCARINA OF TIME! 我再喺度申報利益! 我係唔會打老任任何遊戲嘅, 因為我有「襯家」喜愛佢任何產物, 所以唔好話我知佢有幾經典! OK? 而且仲好囂張地做成土豪金版本! 佢嘅成份有椰子油·棕櫚油、紅花油、甘油、純水、氫氧化鈉(皂化劑)、山梨糖醇(保濕)、失水山梨醇油酸酯(乳化劑)、大豆蛋白(調節)、二氧化鈦(礦物在不透明的肥皂使用增白劑)、香味和顏色, 所以佢唔止係一般「番梘」 嘢咁簡單, 因為佢真係一嚿番梘! 開價119港銀, 喺ETSY有得賣。   資料來源 http://www.etsy.com/hk-en/listing/164269249/gold-soap-nintendo-n64-cartridge-zelda?ref=shop_home_active_2

Read more ›