fbpx

Tag: EPOCH

日本扭蛋「屋頂上的喵星人」 跟屋頂/麻雀/天線超細緻

日本扭蛋「屋頂上的喵星人」 跟屋頂/麻雀/天線超細緻

香港周圍都係高樓大廈,應該好難感受到,日本就唔同嘞,好多屋頂經常都會瞓滿喵星人,好悠閒。日本扭蛋公司EPOCH最近推出呢款屋頂喵星人扭蛋系列,4款喵星人,每款喵都會跟一個屋頂,買得越多,屋頂就可以無限延伸嘞。另外有兩款會跟麻雀同碟形天線,擺埋喺旁邊就更像真。

Read more ›

日本「煩膠貓」扭蛋 喵B瘋狂搗蛋專瞓衫面

日本「煩膠貓」扭蛋 喵B瘋狂搗蛋專瞓衫面

貓奴對於喵星人嘅搗亂行為應該又愛又恨。口裡說不,但每次見到又暗爽。日本EPOCH上次都出過呢個「煩膠貓」系列,將喵星人霸住電腦嘅場景重現,今次第二彈就變成幼貓,坐電腦變成瞓喺洗完嘅衫上面,超可愛!配件有衫啦、籃啦,想點舖自己話晒事。

Read more ›
超可愛日本招財柴犬扭蛋 坐墊叠得越高越好運?

超可愛日本招財柴犬扭蛋 坐墊叠得越高越好運?

招財貓見得多,招財狗真係比較少見。呢隻可愛狗仔扭蛋係EPOCH嘅新出品,今次已經係第二彈,一共有個款,除咗每隻嘅毛色唔同之外,坐墊顏色都唔同,而且每個坐墊仲可以叠高,據講叠得越高越好運!今個月中會推出。

Read more ›
日本「打喊露」喵星人扭蛋 超可愛同步伸懶腰

日本「打喊露」喵星人扭蛋 超可愛同步伸懶腰

覺唔覺得打喊露嘅喵星人係最得意嘅?日本專出扭蛋嘅EPOCH又有新作,今次嘅「猫のあくび」扭蛋全部喵星人都係擘大口打緊喊露,有啲仲同時伸埋懶腰,好有親切感。BTW,有無試過喵星人對住你喵喵叫時,忍唔住順手打咗個喊露?堅得意,每次都好想拍低佢架!順手搵咗啲喵星人打喊露相,堅好笑。

Read more ›
日本喵扭蛋「飛撲喵」 見到魚狂撲貓奴必儲

日本喵扭蛋「飛撲喵」 見到魚狂撲貓奴必儲

日本扭蛋公司EPOCH推出好多喵星人扭蛋,老實講啲產品質素唔算好靚,但係概念就好正嘞。之前有喵星人坐電熱水器、喵星人舉腳舔毛系列,連俄羅斯套娃都玩埋。最近又有新作,今次玩飛撲,一隻隻喵星人飛撲擒住條大魚,一式六款,全部都好專注,姿勢好狂放,預計10月31日發售,貓奴記住儲埋呀!

Read more ›
【貓奴最終幻想】日本「抱抱貓」扭蛋 喵星人捉實手指狂舔

【貓奴最終幻想】日本「抱抱貓」扭蛋 喵星人捉實手指狂舔

日本專出扭蛋嘅公司Epoch好鍾意出貓系列,而且啲款夠晒特別。好似最近呢款「抱抱貓」(ちんまり猫)扭蛋就超可愛,可以將隻喵放上手指,FF吓佢捉實自己唔放狂舔嘅溫馨場面。另外一款就係喵星人攬住條巨大嘅魚瞓覺,感覺一樣超治癒!一式六款扭蛋預計今個月推出,各位貓奴見到要買嘞!

Read more ›

日本喵星人風鈴 喵尾左搖右擺好舒暢

日本喵星人風鈴 喵尾左搖右擺好舒暢

經常出貓扭蛋嘅日本公司EPOCH又有新嘢,今次出嘅係喵星人風鈴,一共有五個款式,當有風吹過,條喵尾就會左搖右擺發出清脆嘅風鈴聲,貓奴即時身心舒暢晒。每扭一次200円,不過要掛高啲,否則屋企嘅喵星人應該會抓落嚟玩爛佢。

Read more ›
【你太肥喇】肥喵扭蛋超可愛 圓肚腩飛跳搶貓罐

【你太肥喇】肥喵扭蛋超可愛 圓肚腩飛跳搶貓罐

乜嘢叫「太貓」?即係肥嘟嘟嘅喵星人囉。今次EPOCH出嘅呢個扭蛋系列,主攻大肚腩面圓圓嘅肥貓,模仿佢哋笨重嘅跳躍動作,最搞笑係吊飾上面掛住塊魚或者貓罐頭,將佢哋為咗食而奮不顧身嘅一面表露無遺。補充多句,EPOCH專出貓系列扭蛋,之前出過嘅脫力貓系列,一隻二隻喵星人伸長手攤喺地,都係貓奴大愛產品,今次呢套11月推出,作為貓奴,尤其是屋企養住隻肥肥白白嘅,應該好難忍手。

Read more ›
【真係出】喵星人瞓電腦扭蛋    貓奴感同身受

【真係出】喵星人瞓電腦扭蛋 貓奴感同身受

日本嘅貓扭蛋越出越多,不過呢個Epoch出嘅新款貓電腦,各位貓奴應該好難忍手。有養貓嘅都知,喵星人最鍾意趁你開電腦時搞住你,大字型攤喺keyboard上面、用手撳你啲掣、幫你打外星文,總之就係要纏住你等你無時間做嘢要陪佢玩!Epoch呢款扭蛋就完美表達咗呢種狀態嘞,總共有8款喵星人,隨蛋附送電腦notebook,9月推出,嗚呀!又好想買添。

Read more ›
脫力貓hea到爆   兩手伸直瞓邊都得

脫力貓hea到爆 兩手伸直瞓邊都得

EPOCH公司出嘅「脱力猫」扭蛋玩具喺日本超人氣,貓貓hea到爆嘅動作,叭喺樽蓋、手指上都勁得意。啱啱EPOCH公佈推出第2彈,總共6款,下年3月先出,每隻貓都係伸直兩隻手(定腳?)攤喺度,超正!天氣咁凍又要咁早起身返工,我而家都想喺公司咁樣攤吓呀。

Read more ›
騎呢扭蛋   香蕉鸚鵡估你唔倒

騎呢扭蛋 香蕉鸚鵡估你唔倒

日本EPOCH嘅扭蛋一向以惡搞聞名,之前介紹過有天壇大佛頭嘅柴犬,最近公佈今年5月會推出呢款香蕉鸚鵡扭蛋,夠膽死將香蕉同鸚鵡兩樣完全無關嘅嘢結合,但係效果又無違和感,仲幾得意,搞到我都好想買返隻。一式6款,普通高度45mm,但係仲有隻迷你版25mm,得意到暈!個人認為要買嘅,梗係揀最classic嘅黃色版香蕉啦!

Read more ›

創意扭蛋   狗身佛面超惡搞

創意扭蛋 狗身佛面超惡搞

日本扭蛋真係創意爆燈,最新傑作有呢隻大佛柴犬,由EPOCH出品,每隻柴犬都可以戴頭罩,唔單止有大佛頭像,仲有馬頭,每款三隻色,惡搞味超濃,每隻扭蛋200円,不過咁樣褻瀆神靈,如果身邊有佛教徒千祈唔好買,以免比人藐爆。

Read more ›