fbpx

Tag: EPOCH

【貓奴必買】日本文具扭蛋 借隻喵手放文具

【貓奴必買】日本文具扭蛋 借隻喵手放文具

現實生活中,你隻貓唔單止唔會借隻手俾你用,你捉住佢隻手時佢仲會好嫌棄咁推開你。日本扭蛋公司EPOCH呢個「猫の手まだまだかします」系列好實用,唔同姿勢嘅喵可以俾你放筆、膠紙、擦膠等文具,喵奴放到成枱都係實好開心。

Read more ›

四腳蛇迷你扭蛋 指上玩具顏色超鮮豔

四腳蛇迷你扭蛋 指上玩具顏色超鮮豔

四腳蛇喺爬蟲類動物嚟講都幾得意嘅,日本扭蛋公司EPOCH之前都有出過呢個指上嘅小玩具系列「指の系列」,有倉鼠、海豚、松鼠等,全部呎吋都係超迷你,而今次呢個爬蟲類係第二次出,除咗四腳蛇之外仲有鬃獅蜥,顏色仲好鮮豔,啱晒春夏天呀!

Read more ›
【貓奴共鳴】日本貓扭蛋 喵星人瞓電腦超寫實

【貓奴共鳴】日本貓扭蛋 喵星人瞓電腦超寫實

作為貓奴,實有經歷過俾喵霸佔電腦嘅日子啦?當你行開一陣,返嚟就會發現佢哋上緊網,有時用喵星人文搜尋緊嘢,有時睇緊片,有時瞓緊覺‥‥‥日本EPOCH新出嘅呢套扭蛋就有齊幾個唔同嘅款式,全部都同部電腦有關,好可愛,2月發售,一式六款。

Read more ›
【小心食錯】日本超可愛扭蛋 倉鼠仔變和菓子

【小心食錯】日本超可愛扭蛋 倉鼠仔變和菓子

明明係糯米糍,點解會變咗倉鼠呢?EPOCH新出嘅呢款扭蛋超可愛,倉鼠身上面披住塊葉,仲有個透明盒裝住,用嚟矯裝成日式和菓子「柏餅」同埋「豆大福」!最正嘅地方係質感軟棉棉,可以搓圓撳扁,今個月推出,倉鼠迷睇完有無啲肚餓?

Read more ›
日本超古怪扭蛋 一盒盒精肉有「國產和牛」

日本超古怪扭蛋 一盒盒精肉有「國產和牛」

日本人嘅扭蛋題材真係層出不窮,好似最近EPOCH推出嘅呢個「精肉」系列,就將大家平時喺超級市場見到嘅一盒盒生肉變成扭蛋!最多人鍾意應該係國產和牛嘞,其餘仲有豚肉、雞槌、雞胸肉等,掛喺個袋度勁搶眼吖。2月底推出,每扭一次200円,鍾意嘅記住留意吓。

Read more ›
日本喵星人扭蛋 捕捉狩獵一刻全神貫注

日本喵星人扭蛋 捕捉狩獵一刻全神貫注

日本扭蛋公司EPOCH嘅貓系列經常捕捉啲得意時刻,之前出過打喊露、伸懶腰、舔毛、瞓電器等等多個系列,最新系列就玩狩獵動作。大家都知喵星人發現獵物嘅時候都會縮低個頭,弓起後半身,全神貫注懶認真,然後突然向前撲‥‥‥今次系列就捕捉咗呢個時刻,一共有6款。仲可以將佢哋放埋一齊,盯實同一個目標,目標分別就有魚、玩具、老鼠之類。BTW,我最鍾意喺佢呢個全神貫注嘅時刻嗌吓佢。

Read more ›

日本「喵星人坦克車」扭蛋 超可愛好想儲

日本「喵星人坦克車」扭蛋 超可愛好想儲

日本扭蛋公司Epoch呢款喵星人坦克扭蛋實在太可愛!貓奴實會好想儲齊一套。喵星人可以匿入扮成紙箱嘅坦克車入面,伸個貓頭出嚟超可愛,仲有配件貓食物碗,可以笠埋上佢頭頂,總共6款,每扭一次200円,今個月中推出,貓奴留意吓嘞。

Read more ›
日本喵星人扭蛋 模仿亂瞓電器可愛樣

日本喵星人扭蛋 模仿亂瞓電器可愛樣

喵星人經常都有新嘅位置瞓,最緊要暖暖哋就啱佢哋嘞。之前日本扭蛋公司EPOCH都出過呢個「吾輩の定位置」系列,喵星人瞓晒喺暖水壼同電飯煲上面,今次再推出第二彈,瞓嘅位置變咗暖風機,一樣好可愛!貓同物品仲可以分開整成唔同嘅配搭,最正係四隻腳下垂好頹咁瞓嘅設計,好想搖醒佢。

Read more ›
日本超可愛「倉鼠屁屁」扭蛋 鑽鞋鑽杯露屁屁

日本超可愛「倉鼠屁屁」扭蛋 鑽鞋鑽杯露屁屁

倉鼠好可愛,尤其是佢哋鑽入啲乾草,然後露出個屁屁搖吓搖吓嘅時候。日本扭蛋公司EPOCH推出咗呢款倉鼠屁屁系列,有媽媽倉鼠同小倉鼠,分別鑽入鞋同杯入面,超可愛,10月中推出,鍾意倉鼠嘅記住留意吓。

Read more ›
超可愛日本柴犬扭蛋 爛瞓6式不同睡姿

超可愛日本柴犬扭蛋 爛瞓6式不同睡姿

柴犬仔好得意,特別係瞓着覺嘅時候。日本扭蛋公司EPOCH經常出柴犬扭蛋,最近出到「柴犬5」,今次用瞓覺做主題,6款柴犬有唔同顏色唔同睡姿,有啲打橫瞓,有啲伏喺度瞓,全部都好可愛,每扭一次200円,柴犬迷記住儲嘞。

Read more ›
超正日本路牌立體扭蛋     動物出沒注意!

超正日本路牌立體扭蛋 動物出沒注意!

日本路牌設計精美,特別係黃黑配色好特別,祟日朋友最鍾意。日本扭蛋品牌EPOCH最近仲將佢哋立體化,推出「立體交通標識」扭蛋系列。一式六款,有「道路工事中」、「步行者專用」等等,好想儲齊一套!特別係有隻鹿飛身跳起嗰個,叫人注意前面可能突然有動物出現,有喺日本郊外揸過車嘅應該好有共鳴。

Read more ›

超可愛日本喵星人小擺設 攬實睫毛夾/潤唇膏

超可愛日本喵星人小擺設 攬實睫毛夾/潤唇膏

日本成日有啲好特別嘅貓扭蛋,今次由EPOCH出品嘅「猫の手も借りたい」系列,一班喵星人化身做小工具,幫主人固定物品。例如「反肚貓」可以托住卷膠紙或者睫毛夾;「坐地貓」就可以月用嚟放潤唇膏,實用性唔算高,但放喺化妝枱或者書枱都可以氹到貓奴好開心。今個月開始喺日本有得扭,每扭一次200円,有朋友去開日本記住嗌佢幫你留意吓嘞。

Read more ›
日本治癒系貓扭蛋   喵星人伸腳舔毛超忘我

日本治癒系貓扭蛋 喵星人伸腳舔毛超忘我

覺唔覺得喵星人舔毛嘅時候好治癒?有時心情唔好,望吓佢哋慢吞吞咁舔毛,心情都會靚返。經常出「貓扭蛋」嘅日本扭蛋公司Epoch,最近推出呢個「猫の毛づくろい まったり昼下がり」,全部喵星人都好用心咁舔緊毛。呢個系列之前推出過,不過今次嘅喵星人有唔同毛色。我最鍾意都係佢哋伸高後腳舔毛嘅動作,夠晒忘我。

Read more ›
【圖集】日本喵星人扭蛋 伸懶腰打喊露超可愛

【圖集】日本喵星人扭蛋 伸懶腰打喊露超可愛

之前出過舔毛貓、坐水煲貓,日本扭蛋公司EPOCH今次出貓奴最愛嘅伸懶腰貓!一式六款,其中三款係坐喺度擘大個口打喊露嘅款式,另外三款係一邊伸懶腰一邊打喊露,各有特色,但全部都勁治癒,好想儲齊一套呀!今個月推出,貓奴要留意嘞。

Read more ›
日本喼神「行李喼」扭蛋     手柄伸縮自如真嘅一樣

日本喼神「行李喼」扭蛋 手柄伸縮自如真嘅一樣

有無人有儲行李喼嘅喜好?我都想,不過屋企無位。估唔到日本扭蛋公司EPOCH連行李喼扭蛋都出埋,總共有5隻色,勁在每個喼都可以打開,手柄位又可以伸縮自如,買嚟俾屋企嘅玩具玩就啱晒嘞!佢哋之前仲出過手推車、儲物箱,好正,入嚟有回帶。

Read more ›