fbpx

Post Tagged with: "ENTERBAY"

《葉問4》上畫 Enterbay推出1:6宇宙最強人偶
by / on 19/12/2019 at 9:30 am

《葉問4》上畫 Enterbay推出1:6宇宙最強人偶

《葉問4》過兩日正式上映,宇宙最強甄子丹有一定吸引力,砰零碰隆打番兩粒鐘應該幾過癮,如無意外我會入戲院捧場。食住個勢,EnterBay都推出番隻1:6葉問人偶。樣似,應份;全身有超過30個關節,擺Pose自然;手有五對,出日字衝拳無難度;個布景紙板就削咗啲,有好過無咁喇,其他配件有曲棍球棒、木椅、木樁、地板、旅行箱、地台、人偶支架、黑色唐裝衫褲、黑色唐裝長衫、色襪同黑鞋等等。望一望價錢,$1,888,我猶豫中,但心思思想買。

Read more ›

張國榮1:6人偶 重現《倩女幽魂》寧采臣風采
by / on 13/09/2018 at 9:05 pm

張國榮1:6人偶 重現《倩女幽魂》寧采臣風采

擒日張國榮生忌,面書洗版盡係哥哥影子,咁多套由哥哥擔正男一嘅電影,你最鍾意邊套?選擇困難症呢?正常,不過我估《倩女幽魂》一定榜上有名。呢個由人偶品牌Enterbay新推出嘅寧采臣1:6人偶2.0,我自己就非常喜歡嘞。頭雕堪稱神還原,衣飾造型同戲畫面嘅角色一模一樣,配件有手鈴、紙油畫、骨灰龕、竹背包同可以發光嘅燈籠等等,售$1788。點睇?啱睇囉。

Read more ›
超像真葉問Figure Toy Soul 2015開賣
by / on 20/12/2015 at 12:45 pm

超像真葉問Figure Toy Soul 2015開賣

使唔使像真成咁,唔知仲以為係電影海報,呢隻由Enterbay推出嘅1:6蠟像級人偶,造型完全跟足《葉問3》裡面嘅甄子丹,尤其五官同神情,簡直同真人一模一樣。配件方面,有木人樁同「詠春正宗」兩個布景板方便擺Pose影相,身著灰色唐裝長衫嘅人偶有超過個30可動關節位,擺抱拳紮馬等姿勢輕易而舉,仲可以拎埋金屬製八斬刀同木製六點半棍添。想要?Toy Soul 2015有售,每個$1480,咁精緻,衰啲講句,無幫襯都要入場睇吓。

Read more ›
【有啲想買】Mr. Bean 1/6 Figure 黃色鴨仔出場
by / on 07/07/2015 at 7:16 am

【有啲想買】Mr. Bean 1/6 Figure 黃色鴨仔出場

Enterbay早排都出過1/4,今次到香港嘅ZCWO宣佈會推出Mr. Bean 1/6 Figure,呢位英國笑匠我細細個已經好鐘意睇,大個咗翻睇就更加佩服佢用默劇方式都可以咁搞笑。講返正題,今次ZCWO呢款Mr. Bean頭雕有兩款,一個驚訝一個得戚表情,近睇同真人勁似樣,連皺紋嘅好像真,服裝方面除咗平時套啡色西裝之外,仲有套間條睡衣,當然唔少得佢嘅best freind Teddy Bear同埋隻沖涼鴨仔,睇完我都心郁郁想買返隻搵吓童年回憶,暫時未知發售日期,希望唔會好似之前嗰隻咁貴啦,繼續留意吓先。

Read more ›
新片速報 洛文演出!ENTERBAY 10週年微電影
by / on 23/03/2015 at 3:04 pm

新片速報 洛文演出!ENTERBAY 10週年微電影

上次ENTERBAY都拍過一條以佐敦為主題嘅微電影,都係出自彭秀慧編劇,幾感人吖都。今次就輪到洛文喇,演出陣容以微電影嚟講都幾勁,有曾國祥、秦煌、程可為、伍家謙等人,不過講到最勁都係有Dennis Rodman洛文本尊演出!「You gotta love what you do, and I love what I do.」20分鐘,洛文講咗好多嘢,當半個訪問睇都得。條片叫「Chasing 追球」。

Read more ›
Mr.Bean戇豆先生出Figure    像真程度100%
by / on 12/08/2014 at 7:12 am

Mr.Bean戇豆先生出Figure 像真程度100%

冷面笑匠Mr.Bean戇豆先生有人嫌佢浮誇,不過我覺得可以一粒聲都唔出而引倒你笑,其實好犀利。最近ENTERBAY宣佈將會推出Mr.Bean嘅1:4 Figure,高19吋,像真程度嚇死人,連臉上嘅痣、癦同皺紋都忠實呈現,簡直同真人無分別,Rowan Atkinson見到都會嚇親。最正係跟埋Mr. Bean最愛嘅Teddy Bear,仲有個啡色行李喼,入面裝咗個軚盤。除咗經典笑樣、仲可以換驚訝樣,隨套裝仲有火雞頭一個,比你笠實佢個浮誇表情。

Read more ›

新片速報 燃起中年熱血!Enterbay超正Jordan微電影
by / on 28/03/2014 at 10:27 am

新片速報 燃起中年熱血!Enterbay超正Jordan微電影

啲商業化嘅微電影,本人一向都唔太buy,但呢條例外,因為有Heart!Enterbay出Jordan Figure越出越有,趁住Michael Jordan「The Last Shot」series 2推出,就搵嚟彭秀慧做編劇,拍咗呢條《The Loser》12分鐘微電影,「If you try, no Loser in the game.」如果你經歷過Jordan年代,又為各種原因荒廢咗籃球好耐,你一定要睇,睇完你會想打波!BTW,我最記得Jordan嘅時刻,係帶病上陣贏波,之後要Pippen扶佢離場,漫畫咩!

Read more ›
聽日開訂!《救火英雄》霆鋒/余文樂12吋chok樣figure
by / on 23/01/2014 at 6:38 pm

聽日開訂!《救火英雄》霆鋒/余文樂12吋chok樣figure

謝霆鋒同余文樂係咪你杯茶?香港玩具商Enterbay最近同電影《救火英雄》合作,出咗兩位chok王嘅12吋figure,聽日開始至26號喺香港旗艦店有得訂,每款有兩個頭雕,一個戴救火面罩一個齋chok樣,皮膚質感做得幾神似。面罩內有LED燈,仲有兩對防火手套手型可以自由替換,幾有誠意。每人限訂一隻,2月底發貨,睇睇吓啲相,我開始分唔倒邊個打邊個,真心想知,有無人諗住訂?

Read more ›
ENTERBAY出NBA籃球架 襯返MJ Figure出1/6大比例
by / on 12/08/2013 at 10:15 pm

ENTERBAY出NBA籃球架 襯返MJ Figure出1/6大比例

  如果早前有睇福利掃場, 應該知道上個月ENTERBAY返咗NBA經典系列, 1/6米高佐敦喎! 都係二千度搞掂, 嗰種巨大感覺, 真係好幸福! 不過依家你可以再爽啲喇! 因為ENTERBAY再公佈, 會出一個同系列、1/6嘅NBA籃球架– BASKETBALL HOOP (28,000円/$2,247)! 仲要跟足NBA設計、透明籃板、架底包護墊, 架頂仲有24秒倒數錶, 發佈相中, 仲有佐敦爆籃嗰吓……早兩日落去, 我記得福利仲有貨, 唔得! 打電話落去叫福菇留返隻先! 

Read more ›
1/6 Jordan開價$2188 朝早排下午抽夜晚買 未玩先俾人玩
by / on 14/01/2013 at 9:10 pm

1/6 Jordan開價$2188 朝早排下午抽夜晚買 未玩先俾人玩

係,我o依家諗起佐敦發燒都落場,射入致勝一球一刻之後要柏賓扶佢離場一幕,我都仲毛管楝兼眼有淚光;係,我仲記得佢當年著45號復出嗰吓幾咁令fans亢奮。Enterbay呢次定價$2188,貴之前隻高比成倍,算!第一隻出45號唔出23號,都算!單頭雕,冇伸脷表情我點擺帶波入樽動作呀?長期企喺度呀?咁Fig咩ure呀?好好好,我有愛,我都算!26號開賣,晨早去旺角攞籌,1000個得200個有得買,下午等網站公佈,之後仲要仆出尖沙咀買?喂我想玩玩具呀,唔係俾你玩呀!o依家我唔買呀!有9折都唔買呀!Fine,你仲想買?想知詳情可以入嚟睇。

Read more ›
必入毒物 Enterbay米高佐敦12月推出
by / on 02/11/2012 at 5:36 pm

必入毒物 Enterbay米高佐敦12月推出

之前出嗰隻Kobe口碑都好好,所以嚟緊12月推出嘅1/6籃球之神Michael Jordan真係令籃球迷超期待,就算冇玩開12吋嘅個身都痕過俾蟻咬!先前已經出咗個頭,兼事先張揚會陸續出四個版本(最少),好!終於有全相睇!衫褲鞋都好得,最正係鞋款除咗AJ 11代之外,仲有兩代跟俾你,買齊四款,咪可以儲齊1-14代囉!呢招夠晒狠毒!仲話遲啲會有專屬NBA籃球架推出,MJ迷真係儲定錢都得。最後,提提有興趣嘅玩家,EB不設預訂買單,出貨前一星期倒會有消息,留意我哋嘅跟進報導啦!因為,我都要去搶呀!

Read more ›