fbpx

Post Tagged with: "Ensky"

日本Miffy俄羅斯娃娃 層層打開超可愛
by / on 19/10/2018 at 7:05 am

日本Miffy俄羅斯娃娃 層層打開超可愛

一直都覺得Miffy好可愛,但係自從見過佢個血盤大口造型就回不去了。不過呢個俄羅斯娃娃都係好靚好想帶返屋企。由專出俄羅斯娃娃嘅日本玩具公司Ensky製作,一共有四隻Miffy加一隻熊,打開可以裝吓小物,售價3千円,預計今個月發售。入嚟有得睇返之前Ensky出過嘅龍貓、多啦A夢同千與千尋俄羅斯娃娃,我最鍾意多啦A夢嗰款。

Read more ›

【全部都係Melody】My Melody出層層叠迷你玩具 單眼伸脷扮可愛
by / on 02/01/2017 at 12:05 pm

【全部都係Melody】My Melody出層層叠迷你玩具 單眼伸脷扮可愛

終於都到My Melody嘞!呢款層層叠迷你玩具勁受歡迎,之前出過Star Wars、比卡超、Little Twins Star、龍貓、魔女宅急便,最近終於輪到好受女仔歡迎嘅My Melody。有齊紅色同粉紅色兩款,款款唔同表情動作,連單眼伸脷都有,擺明扮可愛!不過想買都要等多兩個月,因為2017年3月先推出。BTW,全部都係Melody,好暈呀!好嘈呀!

Read more ›
多啦A夢都出層層叠    藤子‧F‧不二雄9個角色晒冷
by / on 29/11/2014 at 1:11 pm

多啦A夢都出層層叠 藤子‧F‧不二雄9個角色晒冷

嘩!終於到佢喇!比卡超、魔女宅急便,個個都玩層層叠,終於到多啦A夢!日本Ensky最新公佈推出藤子‧F‧不二雄嘅漫畫角色層層叠,美中不足唔係齋玩多啦A夢,否則大雄踩技安、技安裝靜香裙底,潛力似乎更高。今次呢套套裝有9個藤子‧F‧不二雄嘅經典漫畫角色,預計12月推出,開價1580円。順手測試吓你嘅年齡,有幾多個你識先?

Read more ›
比卡超都玩層層叠    瞓底踩肚任玩
by / on 21/11/2014 at 6:11 am

比卡超都玩層層叠 瞓底踩肚任玩

專攻貓科類動物嘅層層叠玩具,終於侵埋比卡超玩!照舊都係日本玩具公司Ensky出品,今次總共有10隻比卡超9個閃電配件,企定定叠高又得,打橫瞓喺度踩住佢個肚叠高又得,睇到眼花撩亂,瞓著覺嗰隻比卡超仲超得意!一套開價3218円,預計今個月27號推出,咦,同《魔女宅急便》嗰套層層叠撞期噃!

Read more ›
《魔女宅急便》吉吉白貓層層叠    11月發售
by / on 21/09/2014 at 8:22 am

《魔女宅急便》吉吉白貓層層叠 11月發售

之前都出過嘅貓貓層層叠玩具好受歡迎,繼之前嘅《龍貓》特別版之後,最新作品居然係同《魔女宅急便》合作嘅嘅「TMU-28 魔女の宅急便 つむつむ 」。由日本公司Ensky出品,除咗主角黑貓吉吉之外,仲有佢嘅女朋友白貓仔,連經典嘅掃巴都有埋,係無琪琪份,都好合理吖,佢都唔係喵科類。預計今年11月推出,開價2896円,極吸引!

Read more ›