新片速報 品川自動泊單車系統 1分55秒落地底

日本人鍾意用單車代步,街邊已經好多泊單車嘅位置,多但有條理。整齊還整齊,始終都幾嘥位,所以品川就出現咗呢個地下泊單車場!名為Eco Cycle系統,只要你申請咗個感應器整喺單車度,你推部車埋去佢就會自己開門,分幾鐘就「吸」咗你部車落地底,Culture Japan嘅Danny Choo就拍咗片!講多少少,每一個Eco Cycle深11米,可以泊過百部單車,採用月費收費,學生1,300円,其他人就1,800円一個月,任泊任攞無限次,如果你部單車幾皮嘢,咁就更加啱數。

Read more ›