Post Tagged with: "ebay"

【分手一刀兩斷】怒氣男電視/汽車鋸開兩半    放上ebay拍賣
by / on 21/06/2015 at 12:14 pm

【分手一刀兩斷】怒氣男電視/汽車鋸開兩半 放上ebay拍賣

乜嘢叫一刀兩斷?德國ebay用戶der.juli就親身示範咗。佢最近同拍咗拖12年嘅女朋友Laura分手,為咗劃清界線,佢將大家一齊擁有嘅物品全部鋸開兩份,包括車、電視、梳化、蘋果laptop、iPhone5等等,佢仲將過程拍片放上YouTube,而家已經過咗4百萬點擊。至於啲嘢就全部放晒上ebay拍賣,不過反應麻麻。BTW,好彩佢女朋友同佢分咗手,呢個咁偏激嘅男人,其實好危險。

Read more ›

新片速報  《Final Fantasy VII》PS1主機   ebay賣港幣35萬
by / on 11/02/2015 at 7:05 am

新片速報 《Final Fantasy VII》PS1主機 ebay賣港幣35萬

《Final Fantasy VII》係好多機迷心目中嘅經典,成日想佢重製,點知佢真係比返之前隻PC版1080p直接搬去PS4度,難怪有過2萬個負皮。真正fans可以改為考慮吓呢部外國MakoMod改裝嘅PS1,成部主機變成FF7嘅魔晃爐(Midgar),仲識著燈,有片示範用佢嚟玩返隻FF7,聽到啲開機聲,回憶湧晒出嚟。ebay而家bid緊,仲有5日時間,暫時去到港幣35萬左右,嘩!都係算喇。

Read more ›
巨無霸醬汁限量200支     ebay bid到16萬
by / on 09/02/2015 at 7:04 am

巨無霸醬汁限量200支 ebay bid到16萬

麥當勞快靚正,老實,我無諗過自己喺屋企自製,不過呢支巨無霸醬汁我又有啲想要喎,因為佢係限量版,全球只得200支,每支仲有編號,招積到呢。而家喺ebay有得bid,一號編號嗰支已經bid到港幣16萬,好瘋狂。所得嘅款項全部會捐去慈善機構,咁買咗支醬都要識整個包,網上有教你喺屋企整Big Mac嘅食譜。btw,我就唔bid喇,搞咁多嘢,落街買個巨無霸加大薯條好過啦。

Read more ›
薄過Air! ebay買MacBook得張相
by / on 07/02/2015 at 2:01 pm

薄過Air! ebay買MacBook得張相

之前都有讀者留言講呢段新聞,為防大家中招,我哋recap多次。話說我哋都聽過唔少淘寶騙案,估唔倒外國都有人中招,呢位叫Paul Barrington嘅英國人最近上ebay買咗部二手Macbook,點知收貨時發現件貨輕過羽毛,真係Air一樣喎!打開入面竟然係張MacBook嘅黑白相,勁dry。部機賣300英磅,佢話之前睇過賣家嘅account開咗幾年,唔似呃人,點知‥‥‥好彩ebay發言人話會幫佢徹查,而且應承會賠返錢比佢。咁都好啲,事緣佢將跟咗自己廿幾年嘅衝浪板賣咗,就係為咗買部電腦開展自己婚禮DJ嘅新事業,就咁無咗筆錢,真係慘慘豬o架。

Read more ›
迷你公仔變ebay模特兒   賣電子產品超詭異
by / on 20/11/2014 at 7:05 am

迷你公仔變ebay模特兒 賣電子產品超詭異

ebay上面有幾百萬個買家,要令自己嘅產品好賣啲,除咗價錢吸引啲之外,模特兒都好緊要。網名latrobeatmistral諗咗條新計,居然搵假公仔扮真人拍廣告!賣變壓器同埋推土機(?),產品即時生動晒,不過感覺上都幾恐佈。

Read more ›
機迷割愛 120萬收藏eBay叫價拍賣
by / on 12/10/2014 at 11:26 am

機迷割愛 120萬收藏eBay叫價拍賣

又有機迷收藏家忍痛割愛,今次無講係咩原因,相信離不開要結婚或者等錢駛之類。今次呢位網名叫reel.big.fish嘅eBay賣家,收藏咗超過5700隻遊戲,超過50部主機,今次佢想一舖清袋賣晒佢,暫時bid價係16萬4千美金,即係大約港幣120萬左右!睇相見到佢將啲遊戲排得好整齊,好似圖書館一樣,之但係香港樓價咁貴,啲屋又豆潤咁細,買咗都未必有位放,不過更重要係我都無錢,睇下算啦。

Read more ›

前蘋果員工真名SAM SUNG    名牌eBay叫價60萬
by / on 08/08/2014 at 11:10 am

前蘋果員工真名SAM SUNG 名牌eBay叫價60萬

舊公司嘅制服或者咭片儲嚟都無用,除非你係蘋果APPLE員工啦。呢位叫Sam Sung嘅男員工,最近將佢嘅舊公司員工T恤、名牌同埋咭片放上eBay拍賣,而家已經bid到美金80200,即係港幣62萬!嘩!有無咁誇張?估計原因係佢個真名叫Sam Sung,似足三叔SAMSUNG,佢仲話張咭無皺無花(無假)!今次拍賣所得收益會捐去The Children’s Wish Foundation呢個慈善團體,BTW,佢下次可以去埋LG、SONY、HTC打工,或者返大陸搵小米。

Read more ›
假狗汽水罐   偷飲啤酒無人知
by / on 29/03/2014 at 2:41 pm

假狗汽水罐 偷飲啤酒無人知

好古惑!想偷偷哋飲啤酒唔比人發現?呢個假狗汽水罐幫到手!表面睇佢係一個汽水罐,但係中間挑空咗,而且每邊都磨平咗以防鋒利嘅罐邊界損手。由於用真正嘅汽水罐造,所以效果極像真,好似圖中用罐紅色可樂笠住罐紅色Budweiser,真係神不知鬼不覺,除非你飲醉啦。呢套假狗eBay有得買,而家仲做緊promo,買一打送兩罐,好似酒吧咁,價錢方面,一打盛惠港幣160蚊左右。

Read more ›
原力有得賣 ebay開價$13火速沽清
by / on 27/12/2013 at 12:06 pm

原力有得賣 ebay開價$13火速沽清

「May the force be with you」呢個世界乜嘢都有價,估唔倒原力都有價,而且好cheap。呢盒標題「The Force」嘅原力盒,ebay今個月29號上架,即時沽清,梗係啦,開價美金$13.95仲包埋運費,不過要4歲以上先用得,買返去後用唔用得著就要睇你有無大師嘅慧根。勁在ebay都唔可以話佢違反商品說明條例,因為啲原力有個盒裝住。

Read more ›
忍者龜NES灰機    ebay賣港幣一萬蚊
by / on 27/12/2013 at 11:53 am

忍者龜NES灰機 ebay賣港幣一萬蚊

好叻搵錢嘅懷舊機迷Ryan Fitzpatrick,繼之前重製嘅Mega Man 2任天堂灰機之後,最近又整咗部忍者龜NES灰機放上網賣,ebay而家bid緊美金$1275,接近一萬蚊港紙,好貴。除咗機面有四格不同角色嘅忍者龜,四隻手掣都係不同角色做主題,加埋啡色嘅插蘇,擺明出盡力希望賺忍者龜迷銀包入面嘅錢。入嚟有得回帶睇返Mega Man 2任天堂灰機,仲有Castlevania、孖寶兄弟主題嘅灰機,梗有一款開正你嘅童年回憶。

Read more ›
Google眼鏡ebay拍賣被禁    72萬見財化水
by / on 19/04/2013 at 6:55 pm

Google眼鏡ebay拍賣被禁 72萬見財化水

今次真係見財化水。話說美國費城有個26歲網友「Ed from Philadelphia」,幸運成為首批買到Google Glass嘅用家,佢好有商業頭腦,一個屈尾十就將副眼鏡放上ebay拍賣,由原價美金$1500,4日內跳升到拍賣價$90,100美金,即係74萬港幣左右,點知拍賣臨時關閉,原來佢當初參加嘅Google創意招募計劃,講明眼鏡唔可以轉售。不過講真,72萬嘅拍賣價,我估都係惡作劇多。

Read more ›

英國玩雪砌喪屍  白兔爬樹猩猩禦寒
by / on 26/01/2013 at 3:09 pm

英國玩雪砌喪屍 白兔爬樹猩猩禦寒

北海道至九州有暴風雪,航班受阻,準備去日本玩嘅朋友要小心嘞。上次報導過日本有人砌冰雕初音,英國都有大風雪,外國人玩雪梗係唔少得喪屍,好似英國布里斯托就有人整咗兩隻喪屍雪人,喺疑似墳墓前面爬出,夠晒創意。另外仲有爬緊樹嘅白兔仔、冰天雪雪下扮白天鵝跳芭蕾舞,最得意都係有人送咗張毛毯比猩猩禦寒,好warm!

Read more ›
iPhone5買殼攻略 日本3D殼  Steve Jobs萬八円閃住撐
by / on 15/09/2012 at 6:46 pm

iPhone5買殼攻略 日本3D殼 Steve Jobs萬八円閃住撐

iPhone5下星期五開賣,雖然好多人大彈設計麻麻,但相信更多人已經做好準備換新機!頭先上網已經見倒大量iPhone5套,最爆都係日本出嘅Steve Jobs閃爆殼,賣成萬八円,不過我估教主未必想拉長塊面同iPhone5共存,放過佢啦。同場仲有3D熊人套同埋第一浸有得賣嘅iPhone5套大集合預覽!

Read more ›