fbpx

Tag: EA

【PlayStation遊樂園】半價買PS Vita TV / FIFA世界盃版明日下載

【PlayStation遊樂園】半價買PS Vita TV / FIFA世界盃版明日下載

PS Vita TV出咗一排,終於宣佈5月份會出更新,可以同PS4連動Remote Play。香港呢邊宣佈推出半價優惠,買部PS4可以半價買多部PS Vita TV,$399買多部機,都算幾抵。另外PS3專為世界盃而推出嘅《EA SPORTS™ 2014 FIFA World Cup Brazil™冠軍版》聽日開始香港PS Store有得下載。最後就係PlayStation嚟緊會喺奧海城搞世界盃活動,有比賽有嘢賣有女睇,最開心係有隻2米高嘅多樂貓坐陣扮足球大使,正!

Read more ›

新片速報 美斯提你睇直播 EA Sports三大運動遊戲

新片速報 美斯提你睇直播 EA Sports三大運動遊戲

  E3,美國時間,現場嗰位就遊山玩水影靚女,展後都叫有覺好瞓,喺香港嘅我哋幾位就慘咯,呢兩晚都要玩通宵咁濟,但係香港嘅日間時間又要繼續整理資料出Post……我呻完喇,對唔住呀,其實我哋自願o架,我哋好樂意服務各位機迷,大家記得睇我哋呀。好啦,呢條就係EA Sports嘅發佈會預告片,足球、籃球、打擂台都有,不過佢個直播會喺香港時間今晚深夜4點……我放埋直播link俾你哋先。

Read more ›
槍擊案頻頻 EA對號入坐唔再用真槍

槍擊案頻頻 EA對號入坐唔再用真槍

美國近年都發生唔少槍擊案,唔講槍械管制條例點搞,有遊戲廠商就對號入座自發性話遊戲入面唔會再用真槍。呢間廠商就係Electronic Arts喇,佢決定所有自家開發嘅遊戲入面都唔會再出現現實中存在嘅武器,如果真係,咁你啲戰爭遊戲死得啦?佢話唔用真名啫,但會改造出同現實中稍有唔同嘅槍械喎,呢啲係咪就係叫多嚿魚?  

Read more ›
EA遊戲現漏洞  遊戲任下載

EA遊戲現漏洞 遊戲任下載

EA今次真係唔好彩,之前邀請機友做問卷,完成後送code比大家下載一款美金20蚊以下嘅遊戲,本來皆大歡喜,點知電腦唔生性,個code竟然可以無限下載遊戲!你無聽錯,係無限呀!一時間Dead Space 2、Sim City 4、Mass Effect 2呢啲熱門遊戲比人瘋狂下載,不過載稿時呢個bug已經整好‥‥‥咁我仲講嚟做咩?唔好嬲住,咁下次如果有人叫你填問券,我哋咪識做好準備囉‥‥‥

Read more ›
新片速報 《Sim City》應景!末日災難學善後

新片速報 《Sim City》應景!末日災難學善後

下年2月推出嘅《Sim City》啱啱有新trailer發佈,玩咗咁多隻集都要有啲新意,今次就玩末日災難!4項災難包括隕石襲地球、地震、龍捲風同埋UFO外星人空襲。當災難發生時,你辛苦經營嘅Chelsia、Taylor等城市會比隨機發生嘅災難毁於一旦,然後你就要再重新清理搞重建。阿Q啲諗,遊戲都幾有教育意義,等你學吓萬一有災難發生點善後,不過講真隻game下年3月先出,到時都過咗世界末日大限,梗係出街慶祝啦,仲自己嚇自己咩?

Read more ›
EA乘SONY PICTURE《Medal of Honor:Warfighter》送電影場景DLC

EA乘SONY PICTURE《Medal of Honor:Warfighter》送電影場景DLC

電影Crossover遊戲都唔算咩新鮮事,所以當我睇倒Sony Pictures嚟緊套戰爭電影「Zero Dark Thirty Map Pack」將會同10月23日推出嘅第一身射擊遊戲《Medal of Honor:Warfighter》合作,都覺得好合理。遊戲將會推出全新地圖包DLC,入面收錄同電影場景一樣嘅Darra Gun Market同埋Chitral兩個新Multiplayer地圖,不過就梗係要等埋套電影上畫先有得玩啦,暫定12月17日北美會推出。

Read more ›