fbpx

Post Tagged with: "DVD Pro"

一週碟報價:touch mi快斷貨? 皇家特工超熱賣
by / on 14/06/2015 at 3:55 pm

一週碟報價:touch mi快斷貨? 皇家特工超熱賣

上個星期冇乜片到, 大家揀碟都應該幾辛苦, 今周好好多, 西人動作片有兩套, 分別係《皇家特工:間諜密令》同《黑海潛航:追擊20億》,最正係兩套都好夠份量! 《鄭秀文世界巡迴演唱會》都係話題, 話題點有二, 一係去碟非常勁, 全球首張杜比全景聲演唱會藍光, 真心要撐! 聽講好多碟舖都想補貨, 不過發行嗰邊已經冇晒貨, 如果市面上貨量賣晒, 就要等佢印第二批了, 第二點……我知fans們聽了會唔開心, 但sammi啲快歌真係比以前冇咁勁了, 希望係我隻耳仔聽錯啦!

Read more ›

【一週碟報價】 賭神復修版睇Cap圖 清到景深都睇到
by / on 05/05/2015 at 8:27 am

【一週碟報價】 賭神復修版睇Cap圖 清到景深都睇到

  今個星期啲碟, 大部份都係二線片, 熱榜首係《親愛的》、《四非》同《解凍人生》, 不過個人最愛都係《賭神》, 佢都可算係發哥經典作, 裏面嘅經典對白, 可以話喺當年潮語嘅典範, 返印度食蕉、唔好意思大打咗少少、立體顯影眼鏡……最重要係復修版! 畫質唔講得美輪美奐, 不過咁舊嘅戲, 佢都已經做得好盡喇! 需知當年DVD版畫質差到好似VCD, 但今次BD版居然可以睇到畫面景深, 而且仲間唔中發現對焦位, 會走咗去主體側邊, $145我真係非常感恩喇!

Read more ›
一週碟報價: 哈比人五軍之戰多版本 英雄好漢數碼修復
by / on 19/04/2015 at 10:23 am

一週碟報價: 哈比人五軍之戰多版本 英雄好漢數碼修復

今個星期震撼登場, 一定係《哈比人五軍之戰》, 照例式好多個版本, 鐵盒、紙盒、2D、3D、SET裝, 其實有睇過原著都知, 故事原本比較小品, 冇《魔戒》咁史詩式, 點解可以分成咁多集? 點解場面可以震撼咁多……睇戲啫! 唔好想太多!

Read more ›
一週碟報價: 翻生侏羅館BOX SET $359/ 鴨王我都想做
by / on 22/03/2015 at 9:33 am

一週碟報價: 翻生侏羅館BOX SET $359/ 鴨王我都想做

  今個星期有三套大戲, <翻生侏羅館3:古墓的秘密>, 第三集開$199、BOX SET一、二、三集就$359……碟嘅嘢, 都係等BOX SET抵玩啲。<鴨王>唔使講嘢, 話題之作, 有邊個後生時冇諗過先? 公司都有位砵蘭街郭富城, 個個星期喺佢身上都有鬼故聽, 我都想知係<鴨王>勁啲, 定係佢啲鬼故強啲。<頭條殺機>, 做新聞呢家嘢, 依家真係無日無之, 不過對傳媒人嚟講, 睇咗都係一笑置之。

Read more ›
一週碟報價: 浪客劍心/衛蘭雙冠軍……JANICE加油呀!
by / on 02/03/2015 at 1:02 am

一週碟報價: 浪客劍心/衛蘭雙冠軍……JANICE加油呀!

  今個星期都幾多碟, 原本第一熱賣榜冠軍係《浪客劍心: 傳說落幕篇》, 不過對唔住! 我係衛蘭FANS, 所以我私人碟榜冠軍碟係《衛蘭 – WALKING TO THE FUTURE LIVE 2014》, 不過一路睇, 一路好傷心!

Read more ›
一週碟報價: BD回魂夜聽日到貨 年假後初五開爐
by / on 16/02/2015 at 1:39 pm

一週碟報價: BD回魂夜聽日到貨 年假後初五開爐

真係好耐冇睇碟喇! 連影碟面畀大家睇都冇時間, 真係一萬個對不起! 今個星期BD熱賣頭三名分別係《單身男女2》、《超低能王》同《魔角》……真心嗰句, 三套都唔係我杯茶, 識睇一定睇《鐵甲戰鱷》, 屈兄同我講, 呢套嘢係《3D食人䱽》嘅表兄弟, 一定見血、又有囡囡睇, 其實我做人都幾膚淺架!另外可以一買嘅仲有《張敬軒演唱會2014》, 同隻幪面超人。

Read more ›

一週碟報價:鐵盒猛片橫行 猿人/ 銀河守護隊/ 盜火線
by / on 30/11/2014 at 3:02 pm

一週碟報價:鐵盒猛片橫行 猿人/ 銀河守護隊/ 盜火線

  鍾意鐵盒的人有福了, 今個星期真係多到你唔信! 《猿人爭霸戰:猩凶崛起》、《銀河守護隊》, 仲有最最最正嘅《盜火線》! 大佬呀! 有羅拔迪尼路、阿爾柏仙奴同韋基馬主演, 絕對係槍戰片經典中嘅經典, 你睇完之後, 會發現依家好多槍戰片, 都好明顯有佢嘅影子; 據知咁多款鐵盒版當中, 佢去貨真係最快!

Read more ›
一週碟報價:絕對選擇困難症 7個版本《變形金剛: 殲滅世紀》
by / on 09/11/2014 at 8:37 am

一週碟報價:絕對選擇困難症 7個版本《變形金剛: 殲滅世紀》

  今個星期正喇! 好多碟, 多到眼都花, 原因係佔咗大半都係《變形金剛: 殲滅世紀》嘅BD! 數一數、足足有7個不同版本, 絕對令人有選擇困難症: 有FIGURE、冇FIGURE、立體大黃蜂/柯柏文盒面……

Read more ›
一週碟報價: 竊聽風雲 3聽DOBLY ATOMS全景靚聲 捉鬼敢死隊1+2睇4K靚片
by / on 02/11/2014 at 12:51 pm

一週碟報價: 竊聽風雲 3聽DOBLY ATOMS全景靚聲 捉鬼敢死隊1+2睇4K靚片

  今個星期最熱賣係《竊聽風雲 3》, 有劉青雲、古天樂, 再加埋係首隻中文碟行DOBLY ATOMS杜比全景靚聲, 雖然我屋企仲未有架生, 但點都要買返隻試吓; 另外留意仲有套1、2、3合集嘅BOX SET, 我知好難未買頭兩集, 不過$369價位又真係好吸引喎, 我諗真係要放咗頭兩集幫補吓家計先得!

Read more ›
老變4 BD光棍日殺到 勁出四款屈機特別版
by / on 19/10/2014 at 2:00 pm

老變4 BD光棍日殺到 勁出四款屈機特別版

老變4! 唔理你鍾唔鍾意套戲、齋打打打有冇深度, 嚟緊11月11號光棍日鐵定出碟, 真係冇得唔買, 普通版大家可以唔使理佢住, 到時只要有錢, 就點都有得買! 不過4個特別版嘅新公佈, 大家想要的話就要開始預訂!

Read more ›
一週碟報價: 黃子華楝篤笑洗燥 單出DVD冇BD
by / on 19/10/2014 at 11:30 am

一週碟報價: 黃子華楝篤笑洗燥 單出DVD冇BD

  今個星期BD戲碼一般般啦, 大部份都係一啲愛情嘢, 好彩! 其中有兩套三級嘢有啲睇頭! 唔好諗埋一邊, 一套係《傷失的情歌》, 全球攞咗45項電影大獎, 睇愛與痛的邊沿, 其實都真係幾HEAVY! 另一套係《分享有情人》, 係FACEBOOK橋段, 但整體舒服自然, OK啦!

Read more ›

扮日版宮崎駿BD BOX SET 多謝你又二千幾
by / on 19/10/2014 at 8:52 am

扮日版宮崎駿BD BOX SET 多謝你又二千幾

又係宮崎駿BOX SET搵錢時間! 都係BD! 都係龍貓、千與千尋、風之谷、天空之城等10套戲……咁點解要買多次!? 係因為佢個碟面, 係日文字嘅日版封套, 但內容同港版碟一樣, 有粵語配音同中文字幕等, 講靚! 的確比港版會靚啲, 點都好靚過齋色盒面好多。

Read more ›
一週碟報價:安姐黑魔后熱賣 幪面超人大戰玩雙結局
by / on 12/10/2014 at 6:15 pm

一週碟報價:安姐黑魔后熱賣 幪面超人大戰玩雙結局

  今個星期要破財喇! 《黑魔后沉睡魔咒》! 有Angelina Jolie喎! 仲有佢嗰件黑色緊身女巫衫喎! 對唔住! 應該係故事吸引先啱, 從黑女巫角度睇白雪公主嘅故事, 其實真係幾破格。

Read more ›
一週碟報價:張家輝玩HARD CORE–盂蘭神功
by / on 14/09/2014 at 10:13 am

一週碟報價:張家輝玩HARD CORE–盂蘭神功

  今個星期好HARD CORE, 因為有張家輝又演又導嘅《盂蘭神功》, 自從《彊屍》之後, 香港鬼片真係有返啲感覺, 呢套都一樣玩得幾大吓, 睇之前要有心理準備; 其他片就一般般啦, 《小失戀大漫遊》走小品路線, 《百萬獎金夢》就係為攞獎而拍……另外仲有套《髮狂屠夫》, 故事都係變態殺人, 都叫有啲興趣。

Read more ›
一週碟報價:紅VAN超熱賣 相愛的約定出DVD
by / on 31/08/2014 at 1:59 pm

一週碟報價:紅VAN超熱賣 相愛的約定出DVD

《那夜凌晨,我坐上了旺角開往大埔的紅VAN》今個星期到咗, 成件事原本都已經相當幻海奇情, 再加埋一眾巴打力撐, 所以成為今個星期熱賣BD冠軍; 其他好戲仲有爆笑嘅《賤鄰 50》同光轟天猛將積遜史達咸嘅《秒速殺機》, 真係鍾意邊類型嘅片都有得你揀。

Read more ›