fbpx

Tag: Dudesons

有片:異物襲面鬥唔眨眼 大懲罰捱砲成身灰

有片:異物襲面鬥唔眨眼 大懲罰捱砲成身灰

YouTube頻道「Dudesons」班友仔好鍾意玩自虐遊戲,今次鬥唔准眨眼,雞蛋、仙人掌、拳套極速飛到面前,雖然明知中間隔咗一塊厚厚透明膠板,明知唔會砸到去面,明知唔會構成危險,但眨眼實在係人類自然反應,結果無一個人能夠成功瞪大對眼,全部Fail接受大懲罰。大懲罰係捱轟,兩條友仔排排企,唔准郁,靚女手執氣槍→瞄準→校砲→發射,聽聲好響,轟到兩人成身灰泥沙塵,唔知痛唔痛嘅呢?我估痛,不過佢哋死忍爛忍,忍得住。

Read more ›

有片:痴線!撻生魚式跳彈床!撳釘刺肚皮齋睇到覺痛!

有片:痴線!撻生魚式跳彈床!撳釘刺肚皮齋睇到覺痛!

痴線的!YouTube頻道「Dudesons」出名玩得癲,經常透過自殘呃Like,呢次仲癲到玩撳釘,誓要唔見血唔收手。玩法係搵個「死士」跳彈床,彈彈吓之際,側邊有人撒出大量撳釘,然後死士改跳為「Belly Flop」,即「肚皮先落」,簡單啲講即係撻生魚咁撻,霎時間,無數撳釘直刺入胸膛、肚皮、手手腳腳,痛到面容扭曲……但見死士逐粒撳釘扯番出嚟,隔住個Mon都感覺到痛,真係好痛。

Read more ›
有片:癲嘅!同鱷魚仔Kiss!咬唇痛人心!

有片:癲嘅!同鱷魚仔Kiss!咬唇痛人心!

玩到無嘢好玩,繼續玩自殘啦,繼刻意俾蛇咬之後,今次YouTube頻道「Dudesons」幾條友仔又再獻新猷,一貫作風先來個俄羅斯輪盤,邊個輸咗就要接受大懲罰。大懲罰係俾鱷魚仔錫面,名為錫,實為咬,咁都未算,咬完面再同鱷魚仔Kiss,名為Kiss,實情都係咬,咬唇個咬。輸家無流眼淚,但痛到瞪大眼都有少少面容扭曲,估計應該幾痛吓。係,我隔住個Mon望到都覺痛,何況堅咬?

Read more ›
有片:痴線的!研磨器對戰!輸家火花急射下體!

有片:痴線的!研磨器對戰!輸家火花急射下體!

痴線!為呃Like越玩越癲!YouTube頻道「Dudesons」癲到玩火呀呢次!對戰者各自戴上護目鏡、冷帽同工衣,各自拎住個五金行業用嘅研磨器(Grinder),齊齊鬥磨鐵鬥擦出火花,大量火花命中對方身體發射,就睇吓邊個頂唔住放棄為輸家。輸嗰個,慘咯,大懲罰係脫到一絲不掛,願賭服輸,鏡頭所見輸家真係光脫脫,重要部位有馬賽克阻住,而火花,就毫無止境射向男人最痛嗰幾吋。有幾痛?唔敢想像,淨係知睇片都覺得痛囉。

Read more ›
有片:名副其實炮灰!膠紙困身!中槍硬食泥沙!

有片:名副其實炮灰!膠紙困身!中槍硬食泥沙!

Wow!真係越玩越癲!都係「Dudesons」班傻佬喇,今次照舊玩氣槍,子彈係泥沙。兩條友仔Make a challenge,先俾強力膠紙綑綁喺辦公椅,鬥快成功脫身嗰個係贏家,輸家就要坐定定做靶,但聞篷一聲,大片泥沙霎時噴出,輸家成口泥,眼都睜唔大,名副其實做炮灰!呢劑甘頂咯。

Read more ›
有片:開槍!顏射!硬食快餐食物子彈!

有片:開槍!顏射!硬食快餐食物子彈!

出名玩得癲嘅YouTube頻道「Dudesons」又自殘嘞,今次玩顏射快餐食物氣槍,「子彈」由五個揸到溶溶爛爛嘅漢堡包、沙律、泡菜同超多茄汁組成,可以想像有幾酸酸縮縮杰撻撻。「Where’s my food?」話口未完,嘭!開槍!好一個顏射全中,由於距離幾近,估計都會有啲痛,難為中槍者仲可以擘大口,呢劑飽咯。

Read more ›

有片:釘書機釘舌頭 呃Subscribe可以去到好盡

有片:釘書機釘舌頭 呃Subscribe可以去到好盡

為咗呃Subscribe,你可以去到幾盡?YouTube頻道「Dudesons」四條友仔不嬲都癲嘅,特登俾蛇咬、用Lego氣槍射心口都未夠自殘,今次仲要玩到用釘書機釘自己。玩法係轉俄羅斯輪盤,轉中邊個就邊個捱釘,自己動手得,其他人動手亦得,總之就咔嚓!咔嚓!咔嚓!釘心口、肚腩、手臂、股罅……最恐怖係釘舌頭,係,真係舌頭,隔住個Mon都Feel到有幾痛,唔知仲以為睇緊甚麼恐怖片。為乜要自虐呢?除咗呃Subscribe外,我諗唔到有其他原因,去得好盡呀老友!

Read more ›