都係東京遊戲展嘅遊戲片段，下年初推出嘅PS4/Xbox One《龍珠Dragon Ball FighterZ(ドラゴンボールファイターズ)》，之前都見過天津飯同阿樂嘅角色圖片，啱啱有片睇，見到佢哋兩個都出晒必殺技咁，唔知阿樂嘅名場面會唔會出現？有冇培植人呢？另外，鳥山明老師設定嘅新角「人造人間21号」亦都確定會由桑島法子聲演。至於發售日期，TGS竟然冇講到，因為預定會喺下個月發售嘅《Vジャンプ》公開。

PS4/XboxOne呢隻《ドラゴンボールファイターズ》，下年年初先出，早前就見到雜誌圖有鳥山明老師設定嘅新角「人造人間21号」現身啦，啱啱東京遊戲展就有埋新片睇喇。18號之後，呢位眼鏡娘係咪都可供食用？

動漫節消息，就係呢隻格鬥迷、龍珠迷望到實、Arc System Works開發嘅《龍珠FighterZ》會有繁體中文版，今日製作人平野真之、比達聲優堀川亮都嚟緊動漫節舞台，除咗宣佈中文版會喺下年初推出(咁即係應該同日本版同步？)之外，香港、台灣玩家亦都可以喺8月22日開始去官網登記，之後喺9月16至18日玩到封測版，封測會有9個角色可以用到，即係叻過o依家會場試玩個版本。不過，中文遊戲名係《七龍珠 FighterZ》，官方新聞稿係叫「悟空」、「貝吉達」、「弗力札」，如果叫番「比達」同「菲利」就再開心啲啦。  

呢隻龍珠遊戲嚟到第2集《ドラゴンボール ゼノバース2》，11月2日推出，有PS4/Xbox One/PC版本。啱啱有最新Gamescom遊戲片段，主題係「Fight Together」，即係協力打超巨型敵人啦，上集都有，不過據早前嘅製作人「平野真之」訪問都講過，就係今次仲可以6人協力！

呢隻龍珠新遊戲《Dragon Ball: Project Fusion(ドラゴンボールプロジェクト フュージョン)》，名乎其實就係狂玩合體，之前都見過悟空、「ブロリー」合體變「カロリー」，之後今次就係無閑同魔童、悟空、悟飯合體……呢隻RPG會喺今年內推出，平台係3DS。

仲有冇追？TV動畫《ドラゴンボール超》又播新一集喇，日本網民都好早起身睇，不過今集佢哋就發現有好多場面畫得好求其，悟空個樣呆呆哋之餘，隻手又突然伸長，你睇右手邊呢張，破壞神幾可愛？比達仲兩隻都係左手嚟！作畫崩壞喺以前成日都有，最經典要數一定係元祖肥仔高達啦，入嚟回帶！

星期日睇《龍珠 超》又成為好多日本動漫迷嘅習慣喇。上星期播咗第1集，相隔18年再有電視動畫嘅《ドラゴンボール超》今日就喺日本播咗第2集。上集悟空耕田，今集就輪到比達一家去旅行，見到佢同莊子、杜拉格斯一家人又坐火車又食大餐……身為王子嘅佢，終於感受到一般中年男人嘅家庭生活。最後，破壞神出場，阿樂、天津飯都出嚟喇。其實我想話，咁想講吓啲地球和平後嘅日常生活都幾好睇……不過，睇嚟好快開打喇。如果你唔想坐定定又想知呢套新嘢講咩，入嚟有截圖睇吓。原來有讀者提番，比達喺第36期應承咗杜拉格斯要帶佢去遊樂場呀。

呢幾張圖，係出自西班牙畫師「Alberto Cubatas」，佢都畫唔少龍珠圖。不過最新呢幾張就幾有話題，佢集合俾悟空、悟飯、比達等人殺死嘅敵人喺角色腳下，被稱為「敵之驅逐艦」嘅比達，量最多，之後應該係悟空……不過，當中有一位腳下只有塵土，佢叫阿樂，其實，嗰隻培植人算唔算呀？

相隔18年再有電視動畫，《ドラゴンボール超》今日就喺日本播咗第1集，見到悟空耕田之餘，入嚟有得睇埋由「吉井和哉」主唱嘅主題曲OP。另外，次回預告輪到撒雅星王子比達出場，佢同莊子、杜拉格斯去「家族旅行」，睇見佢個樣……應該感受到喺地球做男人嘅無奈感。同埋，最後好似終於爆發喇……

喺日本劇場版《ドラゴンボールZ 復活の「F」》好收得，我諗最大因素都係菲利呢位宇宙大王。嚟緊10月7日就會推出Blu-ray/DVD，特別限定版就有呢個菲利電子鐘，而且個盒大大隻金色菲利相當有型，8,800円BD唔貴喎(普通版4,800円)。

7月5日，日本時間晚上9點就開播喇。呢套原作鳥山明嘅電視動畫《ドラゴンボール超》，又有新圖發佈，講咗話會喺《Vジャンプ》「8月特大号」有埋漫畫連載之外，仲有OP係由「吉井和哉」主唱，ED就係「Good Morning America(グッドモーニングアメリカ)」主唱。

由《龍珠》去到《龍珠Z》再到一系列劇場版同GT，悟空、悟飯、無閑甚至阿樂都有唔同嘅造型……有外國網站放咗幾張龍珠角色進化圖出嚟，唯獨魔童叔叔，衫都冇得換件。

有MOD真係好好玩。最近喺「PC Best Mods」，就有人製作咗一個《Ultra Street Fighter 4》嘅《Dragon Ball Z》MOD，悟空就係阿隆啦，出真空波動拳嗰吓完全無違和，咁菲利就係Seth，個比例好似怪怪啲，食咗啲咩個頭咁大？不過撓埋手出超必嗰吓又似喎。

呢隻6月11日發售嘅3DS《ドラゴンボールZ 超究極武闘伝》，5,690円，擺明玩懷舊，初回特典仲有SFC嘅《超武闘伝2》下載碼。不過，o依家玩到咁懷舊，大家接唔接受到？呢條「戦闘指南」影片睇到組隊到戰鬥嘅片段，動作一格格……咁，如果真係想搵番嗰份情懷，佢又一定俾到你嘅。

勁！除咗啱啱上嘅劇場版之外，對上一次有電視版動畫都已經係18年前嘅《龍珠GT》！日本消息，嚟緊7月將會有新作電視動畫開播，名字為《ドラゴンボール超（スーパー）》，故事係講悟空同魔人布歐打完，地球回復和平之後……原案由原作者鳥山明負責，聲優悟空「野沢雅子」亦都確定會參演！喂不如連載新漫畫吖？