Tag: Doven-Wolf

福利報價: SENGOKU ASTRAY GUNDAM叫好未叫座 ZZ雙HG上市

  BANDAI模型今個星期開始上返啲力, 都叫多產多嘢出! 最搶眼係隻MG武士刀ASTRAY, 不過收到風好似叫好唔叫座, 反而HG嗰邊有啲睇頭, 有兩隻ZZ機體到咗, 分別係DREISSEN同DOVEN WOLF, 以非主角機嚟講, 佢兩個都算幾多人鍾意, 算係穩陣波! 至於「標輝」嘅QUBELEY PAPILLON, 老實! 雖然賣相做到好惡吓, 不過真係相當重口味!

Read more ›

12/08福利報價: RX78 VER.3.0開$325 賣吓斷吓長補貨

  又到報價時間! 上個星期最重點, 當然係MG版RX78-2 VER. 3.0到貨啦! 一睇個盒嘅畫風, 好似完全轉晒喎! 唔通代表咗MG版新朝代嘅降臨……即係乜! MG從頭再出過一次!!!! 不過話時話, 其它好多隻MG, 連2.0都未有, 高達都已經3.0喇, 會唔會真係走得太快呢? 你話如果其它出晒2.0時, 高達會唔會係VER. 50.0呢!? 都係廢話少講, 福利開價係$325, 不過戰況係賣係又停吓! 即係要不斷要補貨咁解囉! 以RX-78嘅往績, 係冇可能唔夠貨嘅! 一句! 唔好推得太多喺街, 否則好易會冧價, 真係唔使驚冇貨哩!

Read more ›

Doven-Wolf 2,310円日本開賣 素組都有多色效果

  Bandai日本官網公佈, 喺《機動戦士ガンダムUC バンデシネ 》上登場嘅AMX-014 Doven-Wolf (unicorn ver.), 已經喺日本嗰邊出咗, 開價 2,310円, 價錢OOKK啦! 據官網講, 今次顏色分件相當唔錯, 素組已經有上面效果; 其實對呢隻嘢真係冇乜研究, 我到今日先知原來佢好似自護一樣, 有一對線控手, 同埋背囊亦好似STRIKE嘅白渣一樣, 竟然有導彈發射器。不過話時話, 我都係較喜歡ZZ GUNDAM裏面隻綠色版本, 有時簡簡單, 感覺好似仲靚。

Read more ›