fbpx

Tag: Docomo

【有片】日本Twitter一日700萬瀏覽 森林搭建44米巨大木琴演奏

【有片】日本Twitter一日700萬瀏覽 森林搭建44米巨大木琴演奏

最近呢段片喺日本Twitter熱傳,唔夠1日已經接近7百萬瀏覽,有日本九州大學從事木製品研究嘅老師同學生,喺森林入面搭建咗一個超巨大嘅木琴,透過一個小木球向下滾動,彈奏出一首音樂,超勁。睇返資料,呢段片其實係8年前電訊公司Docomo製作嘅一個廣告,當年仲拎咗唔少獎項,當時目的係宣傳新出嘅一部木製手機TOUCH WOOD SH-08C同埋品牌保護環境嘅理念,木琴長44米,用咗414塊薄木做琴板,用咗3日時間製作及測試,入嚟有回帶,無睇過嘅一定要睇吓。

Read more ›

【有片】超感人!Mr.Children/docomo齊賀25周年 音樂/通訊4分鐘回憶

【有片】超感人!Mr.Children/docomo齊賀25周年 音樂/通訊4分鐘回憶

雖然Mr.Children喺1988年已經組成,不過去到1992年5月10日先推出第一張專輯《EVERYTHING》,所以今年都係25周年啦。佢哋同docomo合作拍咗條片,睇啲電話、call機、環境由1992年慢慢嚟到現代,演員有清原果耶、高橋一生、黒木華等,歌曲就有〈君がいた夏(デビューシングル)〉、〈innocent world〉、〈花-Mement-Mori-〉、〈365日〉,好感人呀!

Read more ›
新片速報     唔用指紋用眼球     Docomo手機解鎖示範

新片速報 唔用指紋用眼球 Docomo手機解鎖示範

用指紋幫手機解鎖其實已經好型,不過最近又有新嘢,就係用眼部瞳孔外嘅虹膜(Iris)做認證,即係好似睇戲咁,經過望兩眼,電腦scan完度門就會自動打開。之前都公佈過日本手機ARROWS NX F-04G會支援,日本叫「虹彩認証」,啱啱日本NTT Docomo又出咗條新廣告,睇片見倒除咗用呢個技術解開手機鎖之外,仲可以上網購物做最後認證,睇落好型,但係會唔會比人偷眼球架?

Read more ›
新片速報 docomo警告低頭族 電腦計算1,500人涉谷過馬路

新片速報 docomo警告低頭族 電腦計算1,500人涉谷過馬路

香港多低頭族,日本仲多,之前喺JR站樓梯已經賣咗廣告叫人唔好邊行邊玩電話,今次直情拍埋片。docomo用電腦製作咗呢條片,就係涉谷嘅著名大馬路,佢模擬1,500人同時低頭玩電話過馬路,最後得547過到馬路……

Read more ›
日本Docomo出米奇老鼠手機   規格唔失禮

日本Docomo出米奇老鼠手機 規格唔失禮

食飯搭車經常見倒小朋友拎住部手機篤篤篤,似乎手機使用者嘅平均年齡越嚟越細,日本DOCOMO都知,最近宣佈推出呢款DoCoMo F-03F嘅米奇老鼠手機,擺明主攻o靚仔市場。背面大大個老鼠嘜頭,規格唔失禮,行Android 4.2 Jellybean、2.2Ghz處理器、內置2GB RAM、4.7吋芒,仲有1300萬像素鏡頭,細路仔用我嫌浪費咗啲o忝!12月中有得賣,有藍、粉紅同埋白三隻色,差啲唔記得講,影相可以加埋迪士尼filters,唔好話細路,我估好多(心智未成熟)嘅女仔睇到都會尖叫:「好得意呀!」然後走去排隊出機。

Read more ›
Docomo出翻譯眼鏡    中文menu即時譯

Docomo出翻譯眼鏡 中文menu即時譯

大家都知日本人英文麻麻,之前電訊公司NTT Docomo出過個app可以電話即時翻譯,最近佢哋嘅工程師又有新發明,就係一副識得即時翻譯嘅眼鏡,概念有啲似Google Glass,戴上眼後可以即時運算翻譯,不過就唔似Google Glass有得影相check email。示範當日,佢哋搵嚟真人睇中國菜單即時試驗,效果係點我睇唔倒,不過魷魚鮮貝賣55蚊又唔算貴喎。

Read more ›

docomo N-05E雙面王! 水機新返$5,880

docomo N-05E雙面王! 水機新返$5,880

講呢期日系手機精選, 一部係Sony Xperia Z, 不過都已經新0左一陣! 最新剛落場一個星期0既, 仲有NTT docomo N-05E! 佢最強之處, 係內置0左兩個4.3吋顯示屏(540X960), 攤開時二合一, 就會變成5.6吋大芒(1080X960)! 新水貨剛到港, 機價$5,880

Read more ›
新片速報 日本Docomo 手機Xperia Z廣告

新片速報 日本Docomo 手機Xperia Z廣告

今日咁多廣告share嘅?咁啱啫。呢條就係日本Docomo發佈嘅「Xperia Z + Xperia Tablet Z 「金魚」篇」廣告,玩日本嘅撈金魚玩意,用部手機喺部Tablet度撈咗條金魚,再將Tablet變成魚缸放番條魚入去,嘩!高清到連貓都俾佢呃到呀!不過我覺得隻貓係諗緊:「妖,養條真嘅啦!」呢期個個出機都話出Z,睇真啲無妨吖。

Read more ›
新片速報  AKB48蘑菇頭拍Docomo新廣告

新片速報 AKB48蘑菇頭拍Docomo新廣告

睇完國產SNH48,我要睇返AKB中和一下呀!今次AKB幫Docomo宣傳「応援学割」,即係專為學生而設的電話優惠計劃,最特別係全部成員都頂住個卡娃兒蘑菇頭,無晒瑪利奧大叔嘅麻甩味,但就比人話概念同SoftBank嘅白戶家好似,其實一個蘑姑頭一隻白色狗狗,都係一家人嘅概念啫。廣告仲未有得睇,但官方已經發發咗3分鐘片長嘅拍攝花絮,Docomo官網仲有小遊戲玩,快啲入嚟啦!

Read more ›