Post Tagged with: "DIY"

DIY星戰激光劍    詳細教學跟住做
by / on 30/12/2013 at 10:41 am

DIY星戰激光劍 詳細教學跟住做

有無諗過自製Star Wars激光劍?英國專出電子產品嘅公司Farnell整咗幅Infographic出嚟,由所需物料到製作過程都有詳細教學,仲有Obi-Wan同尤達大師語錄指導你,極詳盡。睇落唔算易,不過整完一定超有滿足感,趁嚟緊又有假期,試吓啦!

Read more ›

韓製田園風味BarBone PC 玩入榫素組
by / on 15/12/2013 at 6:00 pm

韓製田園風味BarBone PC 玩入榫素組

  BarBone PC都真係見過唔少, 不過呢件真係非常養眼! 搞到我心養養、想買返部嚟玩吓; 佢係由韓國ripple出嘅Wooden DIY, 最與別不同處, 係佢要好似模型一樣, 要你郁手砌佢先有得用!

Read more ›
自製萌爆熊貓飯團    聖誕煮飯仔無難度
by / on 08/12/2013 at 3:40 pm

自製萌爆熊貓飯團 聖誕煮飯仔無難度

本人麻麻哋鐘意熊貓,因為佢哋同教科書唔一樣,都唔係黑白分明嘅,永遠灰灰啡啡有啲污糟咁。不過呢嚿白雪雪飯團令我覺得熊貓又變返可愛,想跟住整好簡單,喺amazon有得買晒成套工具(當然唔包白飯啦,你唔係問啩?) ,用個倒模壓上白飯度,再放紫菜上膠牌上面界返啲眼耳口鼻手手腳腳出嚟,兩吓散手就整倒呢件熊貓飯團。睇樣都知唔荒好味,不過幾得意,聖誕節兩個人玩煮飯仔啱晒。

Read more ›
DIY《捉鬼敢死隊》戰車 囝囝全套武裝出巡
by / on 01/11/2013 at 9:41 am

DIY《捉鬼敢死隊》戰車 囝囝全套武裝出巡

上次介紹外國有媽咪整咗架電影《回到未來》嘅時光車DeLorean比囝囝,今次又有另一對父母整咗架《捉鬼敢死隊》嘅戰車比囝囝,Cory同Jeremy Newton-Smith 自己用咭紙、LED、油漆、膠紙同埋少少電子零件加工DIY砌成呢架車,揸出街真係威到震,如果唔會行行吓散咗嘅話。最正係佢哋幫個仔著埋全套捉鬼敢死隊戰衣full gear出巡,難怪阿仔笑得咁威威!

Read more ›
超可愛!BB相集自砌場景  台灣媽咪出書教學
by / on 27/10/2013 at 3:43 pm

超可愛!BB相集自砌場景 台灣媽咪出書教學

Facebook經常有朋友分享bb仔嘅生活照,我好想介紹埋台灣攝影師Queenie Liao嘅呢輯相比佢哋參考。Queenie用屋企嘅現存物資,趁仔仔Wengenn瞓著時幫佢嘅睡床大執位,天馬行空set晒場景,極有心思。佢仲出咗本叫《Sleepy Baby:可愛寶貝的扮裝寫真》,教大家製作技巧,睇完可以跟住做,不過大前題係屋企個小朋友要好似Wengenn咁爛瞓先得。

Read more ›
DIY《回到未來》BB車    1歲仔遊街好威威
by / on 25/10/2013 at 9:43 am

DIY《回到未來》BB車 1歲仔遊街好威威

電影《回到未來》好經典,入面架時光車DeLorean係好多人嘅Dream Car,外國有個媽咪用咭紙、膠紙、顏料DIY咗一架送比佢1歲嘅仔仔玩,睇落手工唔錯,我都想要返架。而且人哋坐BB仔,佢坐DeLorean,出街散步梗係特別威。不過睇相見倒仔仔坐車時隻手拎住部智能手機玩,睇嚟佢唔係好想回到未來。

Read more ›

另類LEGO指甲    搶眼易貼DIY
by / on 16/10/2013 at 1:46 pm

另類LEGO指甲 搶眼易貼DIY

水晶甲係港女標記,想另類啲脫離港女行列,可以學吓Dorota Pankwowska咁玩LEGO甲,方法好簡單,拎一粒普通LEGO再拆走佢嘅底部,然後用膠水貼上手指甲面就搞惦!想誇張啲可以成粒LEGO花貼埋上甲,睇落幾好玩,自己DIY都得。至於原材料喺邊度搵?當然係男朋友屋企嘅櫃筒啦!

Read more ›
手機都有DIY! 網上教學自砌$1500搞掂
by / on 30/09/2013 at 8:38 am

手機都有DIY! 網上教學自砌$1500搞掂

今個星期你有無換iPhone 5s或者Xperia Z1?不停出機人有我有,多多錢都唔夠駛。不過去到咁極端自己造一部電話出嚟又唔係人人都得。網上有神人自砌手機,完成品睇落嚟幾靚,手機基本功能例如發短訊、打電話甚至儲存老友電話號碼都做倒,不過就無得玩facebook、whatsapp。如果你有心,又有啲機械工程知識,可以上呢個網學整一部。網主好有心,有埋連結教你去邊度買底版同埋元件,大概$1500港幣買倒,但係手尾長有排搞。整完記住share比我哋睇。

Read more ›
星戰睡房   尤達大師名句貼上牆
by / on 25/09/2013 at 7:42 am

星戰睡房 尤達大師名句貼上牆

前幾日報導過孖寶兄弟睡房,啱啱又睇倒星戰睡房,睇嚟為人父母嘅,都好鐘意將自己細過達成唔倒嘅心願,放喺仔囡嘅睡房入面。呢間睡房唔算好誇張,床舖地毯少不了,我最欣賞係牆上貼埋尤達大師嘅金句,仲加多兩支激光劍,得閒可以同仔仔喺房格吓劍,好溫馨呀!

Read more ›
哈比人大腳板DIY  白飯魚加腳毛是常識
by / on 22/09/2013 at 9:17 am

哈比人大腳板DIY 白飯魚加腳毛是常識

想唔想擁有哈比人嘅大腳板?外國有網站教大家自製腳板,原來要做哈比人,首先要有一對白飯魚先得!至於有幾多條腳筋,指甲要唔要圍黑邊就由你自己決定啦。但係重點係要有一大撮毛,貼埋上腳面先夠霸氣。有無膽量著住佢去旺角行返轉?

Read more ›
新片速報 《Fight Club》番梘DIY 唔用人體脂肪用煙肉
by / on 10/09/2013 at 7:28 am

新片速報 《Fight Club》番梘DIY 唔用人體脂肪用煙肉

一直好鐘意電影《Fight Club》(搏擊會),仲記唔記得畢彼特飾演嘅Tyler賣人類脂肪製成嘅高價番梘?估唔倒外國網友居然有樣學樣自製Fight Club番梘 ,不過當然唔係用人體脂肪,而係用煙肉嘅脂肪造成,過程極之繁複,入嚟有片睇教你step by step跟住做。用剩嘅煙肉佢仲用嚟整薯蓉食,瘋狂得嚟又幾環保,不過建議佢唔好扮Brad Pitt,免得相形見拙嘛。

Read more ›

新片速報   慳家模型    Pizza盒自製遙控飛機
by / on 08/09/2013 at 12:55 pm

新片速報 慳家模型 Pizza盒自製遙控飛機

食完嘅pizza盒可以點處理?外國模型玩家Darren Lewis 決定用佢嚟做遙控飛機,放上網step by step教你跟住整,仲好得戚咁話全程只係用咗$35美金。睇片見倒架Domino’s遙控機飛得幾穩,仲幾快o忝!原來入面係空嘅,唔怪之得。其實Domino’s三個月前喺YouTube都放過一條新片,示範用直昇機送Pizza,入嚟有得回帶,睇完我又想今晚嗌pizza食嘞。

Read more ›
星期日悠閒靚早餐    網站過百食譜DIY
by / on 08/09/2013 at 11:32 am

星期日悠閒靚早餐 網站過百食譜DIY

星期日悠悠閒,你會選擇啪個出前一丁,定係喺廚房起個壇整個靚早餐?外國網站little nummies入面有大量靚到唔捨得放入肚嘅食物,全部擺到好似一幅畫咁精緻,因為靚媽Kellie Strickland有三個女,每日淨係諗煮乜嘢氹佢哋開心都諗到頭痕,於是開埋網站將作品公諸同好,有埋整法等大家跟住學,不過靚還靚,睇落應該唔多飽肚,唔知佢三個囡囡有無同感?

Read more ›
甩頭哈佬喂cosplay造型    網上DIY教你整
by / on 01/09/2013 at 6:15 pm

甩頭哈佬喂cosplay造型 網上DIY教你整

一見倒羅蘭姐,我就諗起哈囉喂就嚟到,既然海洋公園咁早宣傳,我都做好準備諗定今年扮乜鬼先!網上見倒呢個甩頭造型,可以將個頭裝作玻璃樽,加多幾滴血就perfect嘞!最正係有DIY教學,由材料以至製作過程都可以跟住整,原來係一個百厭媽咪幫個仔仔設計嘅Halloween造型,個樽原來係食完嘅芝士波膠樽,又幾環保喎!

Read more ›
自製球狀壽司    夏天食足球
by / on 05/08/2013 at 7:03 am

自製球狀壽司 夏天食足球

夏天我特別鐘意食壽司,夠清涼嘛。之前試過球狀壽司,覺得好得意,上網搵吓資料,見倒呢款球狀壽司專用器,將啲飯放入去壓兩壓就變成球體,貼幾塊紫菜上去仲可以扮足球,好可愛。每個架可以放一大五細總共六個球體,amazon有得賣,開價港幣二百蚊有找。

Read more ›