Post Tagged with: "DIY"

有片  自製《飢餓遊戲》十字弓     辦公室最強武器
by / on 14/06/2014 at 11:17 am

有片 自製《飢餓遊戲》十字弓 辦公室最強武器

睇完《飢餓遊戲》之後,有無想自製返個十字弓(crossbow)玩吓?外國YouTuber Dave Hax就教大家用幾樣簡單文具自製,睇片見倒只需4支鉛筆、1支鉛子筆、幾條橡筋同埋一個夾就做到,連我呢個工具白痴都有信心自己搞得掂!整完最啱用嚟射房入面經常鬧到我體無完膚嘅老細,不過我唔夠膽。

Read more ›

LEGO日常生活妙用   變身電線固定器
by / on 10/06/2014 at 7:08 am

LEGO日常生活妙用   變身電線固定器

呢位LEGO粉絲2Spinout 喺外國網發表咗一啲LEGO使用建議,我就好欣賞佢用LEGO公仔隻手當係枱邊嘅電線固定器用,實用得嚟又靚仔。另外貼塊LEGO喺枱邊,之後將鎖匙扣加條LEGO,每次返屋企就將條鎖匙扣上LEGO邊,既環保又方便,大家有無妙用LEGO嘅心得分享吓?

Read more ›
自製八爪魚背囊    好玩唔好用
by / on 02/06/2014 at 1:15 pm

自製八爪魚背囊 好玩唔好用

潮流嘅嘢我唔多識,好似呢個八爪魚背囊,由Tumblrer用戶Jen設計,亦即係示範緊背上身嘅呢位靚女,個背囊觸鬚位完全無用純粹裝飾,中間位又睇落唔擺得好多嘢,純粹貪得意。阿Jen佢對八爪魚情有獨鐘,之前都自己設計過另一款青BB嘅八爪魚背囊,品味好奇特。雖然有唔少網友對呢個袋有興趣,可惜暫時阿Jen都未有計劃量產,,無得買,羨慕吓好喇,如果你真係會嘅話。 

Read more ›
自製iPhone殼   日日換款都得
by / on 26/05/2014 at 9:18 am

自製iPhone殼 日日換款都得

經常想砌一過自己設計嘅電話殼?最近Kickstarter又有新嘢集資,呢個名為Bit Bead kit嘅產品,跟機有個app比你設計自己鐘意嘅圖案,之後用附送嘅膠圈跟住砌,然後燙一燙,就可以套入個iPhone殼入面,日日換款都得。唯一缺點係個殼都幾厚,足足有13mm,即係相等係接近兩部iPhone 5S嘅厚度‥‥‥

Read more ›
新片速報  阿叔自製花生醬    5個步驟搞掂
by / on 23/05/2014 at 8:01 am

新片速報 阿叔自製花生醬 5個步驟搞掂

奶醬多同埋西多士都係下午茶最佳美食,兩樣都有花生醬,原來除咗買紳X牌花生醬之外,自己整都一樣掂。住喺美國喬治亞(Georgia)Alton Brown係花生醬狂熱份子,佢最近喺YouTube拍咗條短片教大家自製花生醬!原來只需要好簡單嘅材料例如花生油、花生、鹽、蜜糖等,再加5個步驟就搞掂,簡單到我想今個星期六日喺屋企整返樽看門口。

Read more ›
新片速報   西人自製狼人鋼爪    網上熱爆
by / on 17/05/2014 at 1:14 pm

新片速報 西人自製狼人鋼爪 網上熱爆

之前都有人整過狼人對鋼爪,不過無Colin Furze咁厲害,佢勁在可以自由控制伸縮,秘訣在於佢揹住嘅背囊入面有氣體輸出,令對爪可以伸出嚟嚇人。可能食正《變種特攻:未來同盟戰》就嚟上映,呢條片網上反應勁好,兩日唔夠已經有超過150萬點擊,佢仲上載埋製作過程嘅短片,而且揚言今個月會再有其他X-Men嘅創作,有興趣嘅記住睇實佢嘅個人網頁。

Read more ›

新片速報    教你砌Simpsons LEGO  一家五口唔難砌
by / on 11/05/2014 at 1:24 pm

新片速報 教你砌Simpsons LEGO 一家五口唔難砌

LEGO啱啱喺5月4日推出Simpsons全員集合玩具,不過點都唔及自己一手一腳砌出嚟咁有滿足感嘅。芝加哥嘅動畫師David Pickett就拍咗條片教大家用屋企嘅LEGO,砌返Simpsons一家五口出嚟,條片都幾長,有成26分鐘,想淨係砌其中一個角色嘅,可以飛住嚟睇。順帶一提,上星期FOX出嘅The Simpsons LEGO特別單元都好正,trailer網上點擊已經超過200萬,仲未睇嘅入嚟有回帶。

Read more ›
愛心爹哋開網站   《壞蛋獎門人》飯盒跟住整
by / on 06/04/2014 at 12:31 pm

愛心爹哋開網站 《壞蛋獎門人》飯盒跟住整

越嚟越多愛心爹哋鐘意整靚個Lunchbox比仔女帶返學校威威,之前都介紹唔少,最新有呢個住喺三藩市嘅慈父Beau Coffron,每星期佢都會為兩個小朋友整飯盒,由《壞蛋獎門人》到《My Little Pony》到《芝麻街》都有,情人節、萬聖節仲會有特別版飯盒,好冧。除咗樣靚之外,仲好好味好健康,我點知?因為佢仲開咗個網站LunchBoxDad,將自己嘅心血結晶同埋整作過程放上去公諸同好,睇啱可以跟住做。

Read more ›
見工新招    LEGO公仔代替傳統履歷表
by / on 28/03/2014 at 7:10 am

見工新招 LEGO公仔代替傳統履歷表

要見得成一份好工,事前準備工夫一啲都唔少得。好似呢位外國女設計師LEAH,為咗突出自己,決定唔用傳統嘅履歷表,改為整一隻自己樣嘅LEGO公仔送比僱主,由於工序繁複,佢只係整咗兩套用嚟見兩份工,佢仲專登整埋個靚盒裝住呢隻LEGO公仔,入面仲有張好似LEGO嘅說明書嘅玩嘢履歷表,好有心思。雖然未知最後見唔見得成呢份工,不過我係僱主肯定加佢分!

Read more ›
自製Xbox手掣放狗     前前後後左左右右跳
by / on 25/02/2014 at 7:12 am

自製Xbox手掣放狗 前前後後左左右右跳

放狗係每日必做嘅事,同打機一樣。咁一個好鐘意打機嘅狗主人,會發明乜嘢產品?呢位叫Mike Warren嘅網友就DIY自製咗一條Xbox 360手掣嘅狗帶,就算放狗都可以機不離手,一邊放狗一邊可以幻想自己用緊隻手掣控制隻狗狗,前前後後左左右右跳,好無聊。如果你屋企咁啱有隻壞咗嘅手掣,同埋一隻等緊你帶出街嘅狗狗,可以上Mike哥嘅網站學嘢,入面有齊所有步驟材料比你跟住整。

Read more ›
iPad Mini變50代電視座   DIY揼木逐忽砌
by / on 16/02/2014 at 1:47 pm

iPad Mini變50代電視座 DIY揼木逐忽砌

iPad Mini賣點係又薄又輕,不過嫌個設計悶悶哋,可以好似呢個叫Jeffrey Stephenson嘅用家咁,幫部機改造成50年代風格嘅電視座。全程DIY自己揼木逐忽砌,電視下面仲有個喇叭位,佢好識嘆,裝咗個出名靚聲嘅Jawbone Jambox藍牙喇叭,仲喺網站分享埋成個製作過程。唯一美中不足係iPad無得用遙控器,吓吓要行埋部電視度調校都幾煩,不過咁先似50年代產物嘛,係咪?

Read more ›

【有片】紙模型神物!!! 內骨架+活動支架777民航機
by / on 27/01/2014 at 12:04 pm

【有片】紙模型神物!!! 內骨架+活動支架777民航機

  第一眼見到呢架1/60 紙紥飛機, 雖然好精美, 不過冇嚟色水真係有啲睇佢唔起, 不過睇到佢嘅機身骨架同油壓機械, 就開始覺得佢有啲神! 呢架777客機, 原來由一位叫Luca Iaconi-Stewart嘅神人DIY所製, 而且唔係狗砌, 2008年當佢立定心要開佢波時, 佢就不斷搵777客機嘅設計藍圖, 最終當然皇天不負有心人, 而且佢仲用Adobe Illustrator打印成紙樣出嚟, 所以呢架嘢像真度絕對係100%!

Read more ›
【有片】筆畫+貼紙電路 DIY LED飾燈
by / on 23/01/2014 at 4:09 pm

【有片】筆畫+貼紙電路 DIY LED飾燈

  每次落鴨寮街, 見到人哋整LED都好開心, 不過電路嘅嘢, 我唔識! 但睇見又哋DIY枱燈、魚缸燈, 真係幾眼紅; 想從簡單中學習, 機會嚟喇! 外國有間Chibitronics, 佢將呢啲LED燈組件完全模組化, 化身為Circuit Stickers, 所有LED燈、聲控開關、觸控開關都變成一張張貼紙, 至於走線位亦變成貼紙同填色筆, 用手畫出嚟就可以着燈, 其實佢呢啲配件, 都好似可以用嚟DIY模型LED燈喎, 真係心思思想買返份。

Read more ›
新片速報   3D恐龍網上熱爆  玩錯視DIY跟住砌
by / on 04/01/2014 at 7:15 am

新片速報 3D恐龍網上熱爆 玩錯視DIY跟住砌

  最近上網成日見倒呢隻恐龍仔,示範短片YouTube仲已經突破5百萬!未睇過可以當增廣吓見聞。由網友Brusspup同朋友Kath共同製作嘅呢隻3D恐龍仔,利用咗人腦嘅盲點,做出錯視效果,令你無論喺任何角度,都會見倒隻恐龍仔頭擰擰望住你笑。呢個紙恐龍嘅原創者係美國藝術家Jerry Andrus,網上仲有紙樣比大家印出嚟跟住整。好彩呢隻係可愛嘅恐龍樣,如果唔係都幾心寒。

Read more ›
DIY星戰激光劍    詳細教學跟住做
by / on 30/12/2013 at 10:41 am

DIY星戰激光劍 詳細教學跟住做

有無諗過自製Star Wars激光劍?英國專出電子產品嘅公司Farnell整咗幅Infographic出嚟,由所需物料到製作過程都有詳細教學,仲有Obi-Wan同尤達大師語錄指導你,極詳盡。睇落唔算易,不過整完一定超有滿足感,趁嚟緊又有假期,試吓啦!

Read more ›