過癮粗口諧音膠紙帶 辦公室洩憤必備

老闆係你最唔想見到嘅人,但偏偏又要日日見嘅人,老闆係你最想媽叉嘅人,但你唔敢,因為佢係出糧畀你嘅人。問心,幾多次,對住無理取鬧嘅老闆,你有一巴摑埋去甚或反檯甚或打佢一身嘅衝動?無計,為五斗米折腰,去到口唇邊嘅老竇老母惟有硬生生吞番落肚,咁嘅時候,你絕對需要洩憤。強烈推介由「Diu le sing」製作嘅治療係紙膠帶,「Diu le sing」者,「丟那星」諧音也,膠紙帶亦寫滿粗口諧音,一撕一貼,邊個乞你憎就貼邊個,貼完,舒服晒!一套四款,分別係「99戇」、「柒少陣當幫忙」、「李露眉訓醒未」同「凋刁雕屌彫妖叼……」系列,各每卷$25,買齊一套$95。有興趣嘅,入佢哋面書專頁落訂喇。

Read more ›