fbpx

Tag: disney

日本貓頭套扭蛋      被迫扮「米奇老鼠」超無奈

日本貓頭套扭蛋 被迫扮「米奇老鼠」超無奈

又嚟?喵星人又有得變裝嘞,今次仲要係米奇老鼠!日本專出貓頭套扭蛋嘅necos最近同Disney合作,繼上次推出鬆弛熊貓頭套,今次仲出動到貓嘅天敵「老鼠」。總共有6個款式,仲正一定係米奇同米妮,如果屋企有兩隻喵就可以一人扮一個,主人超開心。

Read more ›

官方黑武士毛毯睡袋 瞓覺不失殺氣

官方黑武士毛毯睡袋 瞓覺不失殺氣

之前都有類似嘅產品,最近Disney官方網店Fantasy Shop有呢款黑武士毛毯睡袋買,迫真程度好高,無人瞓嘅時候成個黑武士瞓喺度幾有殺氣,瞓上去之後你就變咗黑武士,呎吋80×210cm,賣5990円,有咗佢想喺屋企邊個位置瞓都得,而且有瘦身作用,不過係單人床專用,好彩入面有抓毛好保暖,一個人瞓都唔會凍。如果有另一半,可以買另一款美人魚套裝比佢,好性感,大家都開心,入嚟有得睇。

Read more ›
C-3PO個腦裝布甸 日本網民:「好似猴子腦!」

C-3PO個腦裝布甸 日本網民:「好似猴子腦!」

本身C-3PO個樣金金哋色,同雞蛋布甸的確幾合襯嘅,不過呢個裝置似乎有種講唔出嘅怪怪哋。有日本網民影咗呢幾張相放上Twitter,有聰明嘅網民發現問題所在,因為佢哋諗起猴子腦!之後仲放咗幾張圖出嚟,睇完再望吓杯布甸,應該食唔落嘞!

Read more ›
神級插畫師新作  Distroy迪士尼玩巴斯光年

神級插畫師新作 Distroy迪士尼玩巴斯光年

神級法國插畫家PEZ之前都介紹過,作品有諗頭畫功又精細,推介。今次佢繼續玩迪士尼,將Disney變成Distroy,上集玩完米奇胡迪瑪利奧,嚟到第二集,今次主角有巴斯光年、翠兒、Skrutchy等等角色,照舊溶溶爛爛,翠兒爆頭之後仲見倒佢個friend,作品繼續有彩色圖有原稿分享,一樣咁靚。

Read more ›
新片速報    迪士尼《阿凡達》主題樂園   2016年落成

新片速報 迪士尼《阿凡達》主題樂園 2016年落成

《阿凡達》最吸引我嘅係佢靚絕嘅世界觀,動作多多錢多多嘅迪士尼,最近宣佈將會興建以亞凡達為概念嘅AVATAR Land,預計2016年喺美國佛羅里達州Orlando迪士尼動物世界落成,除咗一批概念圖之外,官方啱啱仲上載咗阿凡達導演占士金馬倫嘅訪問片,由佢親自解說呢個AVATAR主題公園,暫時已知會有得坐船遊覽,睇相見倒同電影場景好相似,唔知到時阿凡達會唔會好似米奇老鼠咁有影相時間呢?

Read more ›
新片速報    迪士尼研發新3D     篤芒有feel

新片速報 迪士尼研發新3D 篤芒有feel

每日我都篤手機芒超過100次,篤到有時手指都有啲麻痺,如果篤畫面時,可以感受埋畫面上物品嘅質感,會唔會好玩啲?迪士尼嘅研究中心最近開發緊呢項新技術,例如你篤畫面上嘅仙人掌,可能會有吉親痛痛哋嘅感覺,篤粒冰又會覺得凍凍哋,原理係透過自家開發程式,將3D訊號傳送到螢幕,當手指掂到螢幕,就會計算出摩擦力再輸出對應嘅質感。有乜用?我諗去迪士尼嘅小朋友會開心到依嘩鬼叫囉。

Read more ›

日本Docomo出米奇老鼠手機   規格唔失禮

日本Docomo出米奇老鼠手機 規格唔失禮

食飯搭車經常見倒小朋友拎住部手機篤篤篤,似乎手機使用者嘅平均年齡越嚟越細,日本DOCOMO都知,最近宣佈推出呢款DoCoMo F-03F嘅米奇老鼠手機,擺明主攻o靚仔市場。背面大大個老鼠嘜頭,規格唔失禮,行Android 4.2 Jellybean、2.2Ghz處理器、內置2GB RAM、4.7吋芒,仲有1300萬像素鏡頭,細路仔用我嫌浪費咗啲o忝!12月中有得賣,有藍、粉紅同埋白三隻色,差啲唔記得講,影相可以加埋迪士尼filters,唔好話細路,我估好多(心智未成熟)嘅女仔睇到都會尖叫:「好得意呀!」然後走去排隊出機。

Read more ›
彼思 x 復仇者聯盟? 英雄人物忽然變Cute!

彼思 x 復仇者聯盟? 英雄人物忽然變Cute!

唔駛驚,雖然迪士尼有錢到收購埋LucasFilm拍《Star Wars》,不過佢仲未有計劃拍呢套動畫版Marvel & DC,呢輯好有Pixar風格嘅Marvel & DC英雄人物造型,只係加拿大插畫師Phi Postma嘅作品,不過真係幾可亂真,平時型爆嘅Ironman、雷神、變形俠醫、美國隊長等等,統統變成Pixar動畫嘅Q版角色,外國網友大讚整得神似,仲建議佢整埋Star Wars系列,唔知佢會唔會認真考慮呢?

Read more ›
SONY X 迪士尼出聖誕Keyboard應節

SONY X 迪士尼出聖誕Keyboard應節

公司聖誕節抽獎諗爆頭唔知買乜好?我都係。唔知邊個發明聖誕節要交換禮物,睇完呢個Keyboard我懷疑Sony有份。兜咁大個圈都係想講呢款聖誕特別版Keyboard,由Sony同迪士尼合作,紅色款有心型圖案好warm,藍色款就用雪花做主題,個人認為藍色款靚啲,仲有醒目鹿仔做主題。呢個無線Keyboard支援VAIO E、L 以及 Top 等系列電腦,賣台幣1000蚊唔算貴,香港暫時未公佈幾時有。不過個Keyboard咁花碌碌,提住我聖誕就快到,有理由相信放喺辦公枱面個人會好心散。

Read more ›
迪士尼拋波機械人 阿爸阿媽有難了

迪士尼拋波機械人 阿爸阿媽有難了

呢個發明好無聊,但又好好笑。迪士尼最近設計咗一個機械人,主要功能係同人玩拋波。除咗你拋我接之外,仲可以好似小丑咁,兩隻手拋三個波。睇落好似好易,其實要個機械人睇準幾時、喺邊個位置出手,一啲都唔易。靠嘅就係Xbox都有嘅Kinetc體感技術,追踪拋波者嘅位置同埋動作。呢個機械人如果接唔倒波,仲識搖頭、縮膊、扮晒嘢向後望,好精叻。好嘞,問題嚟嘞,點解要發明拋波機械人呢?之唔係迪士尼係小朋友嘅夢工場,阿爸阿媽唔得閒同你玩,仲有機械人叔叔嘛‥‥‥

Read more ›