fbpx

Tag: Dicky

幫襯「收藏家港漫專區」$20 送貼紙/年曆貼紙/年曆卡三揀一

幫襯「收藏家港漫專區」$20 送貼紙/年曆貼紙/年曆卡三揀一

替廣大讀者多謝邱福龍同「收藏家港漫專區」老闆Dicky先,現凡幫襯滿$20,即送賀年貼紙、年曆貼紙或立體年曆卡,三揀一。想攞齊三個Item,分三次幫襯囉,夾埋都不過係區區$60,好易達標啫。

Read more ›

邱福龍割愛珍藏 港漫收藏家專區周日搞玩具開倉日

邱福龍割愛珍藏 港漫收藏家專區周日搞玩具開倉日

相信有睇《鐵將縱橫》都知,邱福龍喺早三兩期「福龍週記」已經話打愛割愛私人珍藏,仲登埋相自己如何用手推車車走玩具添。咁啲玩具究竟擺喺邊寄賣呢?答案係「港漫收藏家專區」,而為此,老闆Dicky仲破例禮拜日繼續營業,好方便一眾只有周日先得閒嘅合金、模型、手辦愛好者。至於抵唔抵買、有幾絕版、有幾新淨等等問題,真係要研究吓,不過有唔少Hot Toys好嘢,亦都見到隻3A Metal Gear REX全新賣$2,400,都平過有啲網拍,同埋直接有現貨冇麻煩。都係嗰句,上去參觀吓都好,同Dicky打個招呼都好,當然有幫襯就龍哥……吖,唔係,應該係龍嫂至啱,都會大大聲叫好喇。

Read more ›
收藏家港漫專區設影相區 乳七索+福龍+大拳做佈景板

收藏家港漫專區設影相區 乳七索+福龍+大拳做佈景板

港漫有心人Dicky開設嘅「收藏家港漫專區」搬竇無幾耐,我已經朝聖過一次,當時個場未執好,貨品亦未見齊全。家陣成個陣擺好嘞,Dicky仲專登整咗個影相區俾大家拍照留念添。老實,因為土地問題,所謂嘅影相區只係一幅有Backdrop嘅牆,正中有大大張大拳壁畫,左右有兩個裝住大拳Figure嘅飾櫃,再戙多個Q版福龍同《少林寺第八銅人》主角乳七索紙板公仔咁喇。作為港漫迷嘅你,朝聖就應份架嘞,咁影完相咯喎,咪幫襯吓Dicky囉。

Read more ›
港漫收藏家專區搬竇 7月2日舉行開幕酒會

港漫收藏家專區搬竇 7月2日舉行開幕酒會

如果有幫襯開「收藏家港漫專區」,相信都唔會對老闆Dicky陌生,呢個四眼叔叔好好人,有問必答態度親切,無幫襯齋影Product相亦無詐型。嚟緊7月,Dicky決定搬竇擴充營業,地址一樣係旺角信和,不過就搬低一層同面積大咗,面積大咗即係可以擺多啲貨,亦即係意味著大家又可以有多啲心頭好慢慢揀喇。Dicky有嘅係天大面子,已經廣發私人開幕酒會邀請卡畀各大中小港漫人,酒會鐵定喺7月2日舉行,而福龍亦作畫一張賀一賀佢……唔,可惜我唔係Kent會長吖,如果我都有邀請卡就好咯。

Read more ›
港漫迷留意 收藏家港漫專區7月搬竇?

港漫迷留意 收藏家港漫專區7月搬竇?

唔知作為港漫迷嘅你,有無逛過Dicky間「收藏家港漫專區」呢?拿!Dicky唔好嬲呀,我承認周不時約咗人早到,都會貢上你舖頭嘆冷氣,未計,你間舖個朵夠響吖嘛,雖未於次次混吉,但幫襯著實唔多。得悉你喺面書咁留言:「2001年7月在lN時點開漫畫店、蚊型規模、只有40呎左右、唔經唔覺差不多15年了、今年7月希望又帶少少紀念畀自己!收藏家~港漫專區《Dream Shop》七月全新面貌同各位見面!」我都戥你高興,係咪搬竇先?如果係的話,希望你可以小舖搬大舖,大舖搬更大大舖喇。

Read more ›
估佢唔到!錯體《黑漫畫2》有價有市!

估佢唔到!錯體《黑漫畫2》有價有市!

錯體郵票就話值錢啫,估唔到錯體公仔書都有價有市,講嘅係早前出版嘅《黑漫畫2》,喺報攤有賣嘅不出草圖燙金版、電彩燙銀版同雙封面版呢三個版本,而「收藏家港漫專區」老闆Dicky卻有本事喺批發手中,得到幾本「錯體草圖燙銀版」,兼喺面書問大家有無興趣入手,讀者Darren Hwang見留言即問:「Dicky兄,海外有冇送貨?」有價有市喎!望落,錯體版好似仲靚過本身嗰三個版本喎,我唔知賣幾多錢呀,如果想據為己有,私底下PM佢喇。

Read more ›

兩幅畫作印咗喺扭計骰其中兩面。

福龍出扭計骰?

福龍出品幾時都係佳品,如果佢老哥出精品,你撐唔撐先?又講明先,呢條News資料未經證實,吖,應該話根本就無資料,只得相一張,不過實在太正嘞,我忍唔住要同大家開心Share。

Read more ›
《鬼王天弓傳》$38

《鬼王天弓傳》Outtake當內文,佩服!

擒晚經過報攤,無端端見到本《鬼王天弓傳》,海洋二號出版,問老闆娘乜料,佢話:「發行掟過嚟,我都唔知乜料,不過幾好賣。」每本$38都咁好賣?拎上手,見都OK墜手,又忍唔住買番本Look Look。

Read more ›
《第八銅人》膠畫板,非賣品。

獨一無二《第八銅人》立體膠畫板曝光!

未去過「收藏家港漫專區Showroom」朝聖,唔好話自己係港漫迷,拿,Showroom開喺信和中心,交通咁方便無藉口唔去啦,仲要免入場費,一毫子都唔收你,今個禮拜行經MK,仲唔仆上去睇睇有乜好料?

Read more ›