Tag: DDED

DDED梳膠道歉牌第三彈 徵求內容

DDED梳膠道歉牌第三彈 徵求內容

係幾Funny嘅,DDED推出嘅梳膠道歉牌,我屋企都有一兩塊。由於第一同第二彈賣晒,所以DDED想推出第三彈,但又未落實到梳乜,想大家幫手畀啲Comment喎。佢諗咗以下呢堆──「梳!我都係照你意思去做!」、「梳!休已退!」、「梳!我不想努力了!」、「梳!我佛系中」、「梳!返咗鄉下(日本)」、「梳!我係冗員」、梳!我印象冇講過」、「梳!我OT會過敏」、「梳!我每周只想放假七日」、「梳!今日冇心情工作」、「梳!醫生話我唔適宜OT」、「梳!我真係好撚鍾意放工」、「梳!求包養」、「梳!我只係一隻打工狗」,最多Like嗰七個就會正式量產,預計11月市集發售咁話,大家幫手投吓票喇。

Read more ›

打工仔要撐! DDED x T.O.P《大聲嗌「我要準時收工!!」》

留意吓DDED面書個大頭貼照,真係感動到喊晒架,因為佢話終於開到人生第一個商場Show喎,咁大家記得捧吓場。地點,旺角T.O.P,Event名字叫《大聲嗌「我要準時收工!!」》,除咗大把Backdrop打卡位外,消費滿指定金額就可以換返工四大錦囊──打公仔扮工牌、「骰」食指南、我要發奮Enter Key同波士注視你電腦螢幕留言板,而完成四樓指定任務呢,就可以問DDED攞番張返工開光法寶,疑似符咒來的,有助你開工順利兼擊退小人。另,5樓天台有個露天野外馬桶,DDED本尊已經示範如何正確使用,甚過癮,大家咪Miss呢個打卡位。

Read more ›
職場必備 DDED道歉文件夾

職場必備 DDED道歉文件夾

Sorry囉!Sor囉!Sor9ly囉!梳!有無統計過每日返工,不論真心定假意,你向同事講過幾多次對唔住?以後唔使直接講出口,可以將DDED製作嘅道歉文件夾一嘢飛埋去,飛咗當梳咗,得咗!A4 size,有「梳!呢單嘢唔係我跟開!」、「梳!唔L改!」、「梳!呢單嘢又冇筆直!」、「梳!做唔晒!」四款,共售$60,斷估總有一款啱你用。

Read more ›
樣衰但得意 DDED毒毒+老母毛公仔

樣衰但得意 DDED毒毒+老母毛公仔

DDED推出毒毒同老母毛公仔呀喂,毒毒有好多電玩小毒物跟身,而而老母則有一個非常搶眼嘅大橙色買餸袋,非常符合兩母子身份。睇落真係好樣衰呀,不過又好得意呀,As a conclusion,我好想擁有呀。「白紙市集-香城2.0」有售。

Read more ›
DDED+Plastic Thing+Johnee+東尼電機擺攤 市集抽Yeah時卡

DDED+Plastic Thing+Johnee+東尼電機擺攤 市集抽Yeah時卡

係幾盞鬼嘅,我都好有興趣入場玩吓。Plastic Thing、Johnee、東尼電機同DDED會喺「白紙市集-香城2.0」擺攤兼推出Yeah時卡機,即係消費滿指定金額就畀個Coin你「扮」抽Yeah時卡咁囉。閃卡有大有細,特色係「精美畫功,造型老土」,如果消費再多啲,仲可以得到即場插畫家嘅神秘畫作,獨一無二架。

Read more ›
DDED搞眾籌 有請關公神台出場

DDED搞眾籌 有請關公神台出場

原來有這麼的一回事,DDED搞眾籌打算推出關公神台。有別於以往各大中小神仙系列精品玩具,今次大Project少少,物料係搪膠,神台有LED燈會長放紅光,有一炷清香俾大家誠心上香,阿關公個頭同手有關節可以郁動,當然唔少得把青龍偃月刀喇,一切搞笑得嚟又多麼的正氣澟然,方便你隨時拜神,勁呀。早鳥價$588,之後預計市價$688。眾籌目標係$110,000,仲有59日,大家會唔會幫幫手?

Read more ›

DDED爆趣桌遊《Wolf捉捉》 怪叔叔客串奉旨攬女+?女

DDED爆趣桌遊《Wolf捉捉》 怪叔叔客串奉旨攬女+?女

哈哈,真係笑到有腹肌,DDED啲產品包裝真係無得輸的,好Draw到人Attention。最新有呢盒Boardgame《Wolf捉捉》,包裝到成盒AV咁,加埋啲「巨雨之夜,城市中出現色狼」、「色狼之獵食桌遊」等字眼,好難唔笑出聲。都係《狼人殺》類別遊戲喇,值得一提係其中一張牌居然係「怪叔叔」,功能係「擁有?女和攬女兩種能力,?女可?其中一名女玩家身份,攬女可保護其中一名女玩家免被獵食,各只能發動一次」,符唔符合真實人物性格?「和你宵2021」同「香城年宵2.0」有售。

Read more ›
DDED老母買餸袋 有選擇困難症娘親啱用

DDED老母買餸袋 有選擇困難症娘親啱用

為顯孝心,絕對應該買呢個老母買餸袋送畀娘親,有選擇困難症嘅老母尤其啱用。DDED出品,背心袋造型,袋面附鬼腳遊戲,不論周一定周七,老母都可以靠畫鬼腳決定煮豬、牛、雞、魚、海鮮定齋,Or,索性唔煮買外賣。「白紙市集 x MR.LLH-跨年市集!HELLO 2021」有售,為自己口福著想,強烈建議帶埋老母一起購買。

Read more ›
網圖分享:Cuson露點 插畫家們接龍致敬

網圖分享:Cuson露點 插畫家們接龍致敬

一切應該由Cuson一個含打情罵俏意味嘅放閃式四格漫畫開始,由於各大中小插畫家包括賤人新世紀、東尼電機、DDED、草日、Plastic Thing同另類漫畫等等,唔抵得Cuson太過美化自己,明明大肚腩卻畫出健碩胸膛、明明大叔臉卻畫出精緻五官、明明矇豬眼卻畫出凌厲眼神,所以紛紛作畫致敬。而亮點中的亮點,絕對係Cuson胸前兩點,經演化後居然有圓形、心形同閃電形,且與「豐乳同露協會」甚有關連,感覺非常獵奇。睇走勢,一眾大中小插畫家會繼續接龍賜畫,大家可以買定花生半噸。

Read more ›
逛市集撐DDED襟章 帶兩母子返屋企

逛市集撐DDED襟章 帶兩母子返屋企

正呀喂,D2 Place又搞市集,更正嘅係,屆時DDED會擺Booth賣老母……吖,都係講清楚啲,係賣老母襟章。咁有老母,當然有仔,即係話連DD仔都有襟章出。大家有時間嘅,咪帶佢兩母子返屋企囉。

Read more ›
DDED拜神襟章 買番個旁身無壞

DDED拜神襟章 買番個旁身無壞

DDED有新產品推出,有請神仙玩具襟章出場,六位神仙包括防關公災難嘅關爺、有求必應嘅黃大仙、保你發財嘅財神、求轉運嘅車公、保你脫單嘅月老、求公義嘅包公,總有一個你用得著。吓?你六瓣都有訴求,咁買晒佢掛喺身保平安喇。我代DDED多謝你,聽日舉辦嘅《香港插畫及文創展》有售。

Read more ›

Sor9ly!DDED梳膠道歉牌登場!

Sor9ly!DDED梳膠道歉牌登場!

做錯嘢道歉大晒呀?道好過唔道囉;好難開口道歉呀?咁舉牌聊表歉意囉。DDED嘅梳膠道歉牌出到第二彈,包含「梳!M已到!」、「梳!幫緊你!」、「梳!唔OT!」、「梳!呢單嘢唔係我跟開!」、「梳!無筆直!」、「梳!唔得閒!」同「梳!阻到你!」等等道歉說話,成日唔小心做錯嘢嘅人好應該買番個傍身。當中「梳!阻到你!」係車主專用,有埋地方畀你寫低手提電話號碼,泊車唔驚阻到人,非常實用。「脫毒市集」有售。

Read more ›
DDED《冥通銀行特約:翻生爭霸戰》宣傳品 紙紮公仔+保物袋

DDED《冥通銀行特約:翻生爭霸戰》宣傳品 紙紮公仔+保物袋

DDED有新搞作,為電影《冥通銀行特約:翻生爭霸戰》推出宣傳品。一,可以自己摺嘅起格紙紮公仔,仲拍埋片教大家點摺添,大吉利是得嚟又好過癮,我都想要番個。二,保物袋,留意番,係「保」唔係「寶」,簡單嚟講即係一個Tote bag,設計到成個祭祖衣包咁,仲有黃色符咒封印添。都係買戲飛即送,送完即止咁喇。而為隆重其事,DDED仲推出網上雜誌添,不過屬創刊號連完結號一期完,封面極盡玩嘢之能事。係幾搞笑嘅,真心Mode,我笑咗,笑埋右。

Read more ›
DDED出WhatsApp sticker 歡迎下載

DDED出WhatsApp sticker 歡迎下載

Don’t ask me why,我係好鍾意DDED筆下嘅四方頭人仔嘅,佢出Post話:「DD仔貼圖低調上架」,出WhatsApp sticker呀喂!DD仔啲表情唔錯,係略嫌「多多指教」、「OK!」、「有冇人呀?」、「正呀喂」、「哦」等等對白大路咗啲,唔多夠奔放。Anyway,大家快快下載,支持吓。

Read more ›
繼續豎起中指 DDED出道歉襟章

繼續豎起中指 DDED出道歉襟章

DDED繼續推出梳膠產品,今次簡單啲,推出道歉襟章,都係嗰個地盤工人喇,都係豎起兩隻中指嘅造型喇。盞鬼就梗,DDED仲好搞笑地教埋用法:「得罪人可送此道歉襟章作為贖罪、掛在身上或背囊後若得罪了人也可立即得到寬恕」,OK,Very fine,收到了。

Read more ›