fbpx

Tag: Dark

Dark五週年 出《山海逆戰》紀念特別版+勾徹Boxset

Dark五週年 出《山海逆戰》紀念特別版+勾徹Boxset

時光冉冉,仲記得第一年喺佐敦某酒店參加Dark聚會嘅情境,轉眼原來Dark已經成立咗五年。五年,係值得慶祝嘅,所以福龍都推出番本五週年《山海逆戰》紀念特別版賀一賀佢,包第14期《山海逆戰》特別專刊、一套八款超重磅特厚粉紙雙面過膠印製Postcard,限量300套,售$68。利是錢有多嘅,不妨考慮買勾徹豪華水晶擺設加特別專刊Boxset,限量60套,附台刻同獨立編號,售$380。收藏家港漫專區即日開訂,數量有限,要搶呀老友。

Read more ›

Dark限定水晶紀念號 一書一畫$160必搶

Dark限定水晶紀念號 一書一畫$160必搶

Dark又推出精品嘞,今次係限定水晶絕念號,分A、B、C、D四款,各包第215期《鐵將縱橫》同水晶畫版,各售$160。望過廣告相,雖然係用舊畫做畫板,但赤殺王、鐵縱橫、雷九天同烈火大祖真係畫得好靚好靚,呢舊幾水注定無得慳。我貪心,最怕忍唔住四款都買齊,到時唔知要畀幾多個舊幾水。有興趣入手,請致電「收藏家港漫專區」落訂,報告完畢,各限售100幅,有買趁手。

Read more ›
2015香港漫畫Show,動漫節預演?

2015香港漫畫Show,動漫節預演?

今年7月有個《2015香港漫畫Show》,未聽過呢?我都未聽過呀,是次港漫派對由西九龍中心、Dark出版社同收藏家漫畫專區聯辦,宣傳海報咁寫:「一個100%完全屬於香港漫畫的派對,極期待大家的支持和參與,希望大家漫眾一心,令港漫再次發光發熱,亦希望這次活動能夠成為一個真正只屬於港漫的節日。」有幾屬於港人先?望名單,OK喎,港漫人邱福龍、鄺志德、馮志明、上官小強、梁偉家、戴慶賢、廖光祖、鄧達軒同馬遜都落實出席;有乜睇先?小型漫畫展梗唔少得,精品銷售攤位都應該幾有吸引力,再加埋可以玩情景拍攝,有交代喇。我就當呢個Show係7月香港電玩動漫節預演,有福龍牽頭,撐得過喇。

Read more ›
仁義勇三版本 鐵縱橫1:6手辦開賣

仁義勇三版本 鐵縱橫1:6手辦開賣

乜Dark創立咗三年咋咩?個人感覺好似唔止咁嘅?Anyway,為慶祝三周年紀念,Dark推出鐵縱橫1:6手辦,分仁、義、勇三個版本,手工精緻絕對係炒得起之作,一句到尾,有訂趁手。

Read more ›