Post Tagged with: "Cuson"

網圖分享:Cuson呼籲捐錢畀沙律貓狗之家
by / on 31/10/2019 at 8:15 pm

網圖分享:Cuson呼籲捐錢畀沙律貓狗之家

係,又係分享Cuson畫作,我覺得有必要幫手推推。今次佢為本地流浪動物收容所「沙律貓狗之家」發聲,事緣呢個非牟利機構俾地政署迫遷,新址須要資金建設,所以作畫一幅呼籲大家捐款。多多益善,少少唔拘,大家有餘力的話,幫吓手囉。

Read more ›

網圖分享:何姓執葉律師衰咗!有請小鳳姐出場!
by / on 29/10/2019 at 4:03 pm

網圖分享:何姓執葉律師衰咗!有請小鳳姐出場!

今鋪我真係恭喜你呀!我諗今日香港人睇得最開心嘅新聞,非阿何姓執葉律師俾英國安格裡亞魯斯金大學(Anglia Ruskin University)取消榮譽法學博士學位(Honorary Doctor of Laws)莫屬。Cuson好快手,作畫一幅請埋小鳳姐出場,啪啪啪啪啪,開心事不得不Share。開心,堅開心,我真係由心笑出來的。

Read more ›
網圖分享:Cuson作畫+「另類漫畫」譜字 勒邦占士向人仔低頭
by / on 18/10/2019 at 9:30 pm

網圖分享:Cuson作畫+「另類漫畫」譜字 勒邦占士向人仔低頭

火箭隊總經理莫雷(Daryl Morey)公開撐港人爭取自由民主,占士夏登(James Harden)表演獨步Step-Back做牆頭草,彈出彈入兩邊擺式表態已經夠肉酸,估唔到勒邦占士(LeBron James)仲核突。一向予人敢言形象嘅勒邦占士,唔知痴咗邊條筋,居然批評莫雷唔應該未理解局勢同中港狀況就發表意見,幫強國幫到出口。唉,老實,作為NBA迷,我係有啲失望嘅,錢真係咁重要?賺少幾個人仔會死?對於勒邦占士由「Laker」變「Licker」,Cuson都頂唔順,作畫一幅明寸之,再經面書專頁「另類漫畫」譜字,成件事有幾嘔心,隔住個Mon都Feel到。

Read more ›
香港畫師集結!Cuson無心插柳變接龍不斷加圖
by / on 02/08/2019 at 8:00 pm

香港畫師集結!Cuson無心插柳變接龍不斷加圖

  支持8月5日三罷,Cuson怪叔叔早前出咗一張舉起手加三隻手指圖,佢話「無心插柳下變咗接龍」,越嚟越多畫師加入,而佢亦都呼籲大家可以喺comment度留名留圖,佢會個別再加上去不斷更新,香港人加油!勁!

Read more ›
買《怪叔叔の散步道》送黃手套鎖匙扣
by / on 07/07/2019 at 3:45 pm

買《怪叔叔の散步道》送黃手套鎖匙扣

書展預咗荷包大出血,而《怪叔叔の散步道》肯肯定會成為陰乾我荷包元兇之一。好消息係,書展到「非凡出版」買書,會送番個黃手套鎖匙扣,數量有限,先買先得。另外,買任何一本Cuson作品,畀多$38可以攞多個Tote Bag,個Tote Bag都幾靚,心思思又想買埋。

Read more ›
撐!Cuson書展出《怪叔叔の散步道》!
by / on 26/06/2019 at 8:45 pm

撐!Cuson書展出《怪叔叔の散步道》!

非常喜歡放閃而讀者又非常喜歡睇佢放閃嘅Cuson,事先張揚今年書展有新書出。新書簡簡單單跟番面書專頁個叫,叫《怪叔叔の散步道》,主題係「由兒時記憶出發,用畫筆將那些留下多少腳毛的地方重新描繪出來」,留過腳毛嘅地方包括信和中心、大排檔、模型舖、戲院同機舖等等,七八十後麻甩佬including me應該會睇得幾有共鳴。

Read more ›

DDED《狼淫殺》新Version 新角色有Cuson份
by / on 13/03/2019 at 10:10 pm

DDED《狼淫殺》新Version 新角色有Cuson份

哈哈,笑到我有腹肌!話說DDED《狼淫殺》打算推出新Version,咁好賣咪添食囉?有乜好笑?笑位係新角色除「震蛋」、「洋腸」同「偉大哥」外,仲有「怪叔叔」。望埋卡面角色尊容,唔係畫緊Cuson畫緊邊個?而喺呢個「重點性教育」遊戲裡面,怪怪叔「擁有兩種能力:𥄫女和攬女。」Wow,艷福無邊呀喂!相信唔少人都同我同一諗法,此角色都OK/一般/甚/幾/頗切合真實人物愛放閃光彈性格,玩得開心。

Read more ›
網圖分享:Cuson的龍虎三皇四格漫畫
by / on 31/01/2019 at 9:15 pm

網圖分享:Cuson的龍虎三皇四格漫畫

有無畫過呢?唔Sure,但印象中真係好似無,剛剛瀏覽Cuson面書,終於睇到佢畫嘅龍虎三皇四格漫畫。Q版畫風,面相好萌,古仔講王小虎同火雲邪神隻揪,正邪兩方陣營各自打氣,如此肉緊係因為……落咗重注,一場生死鬥變成賭博工具。著實正呀喂,值得掌聲鼓勵兼畀Like。

Read more ›
Cuson豬年利是封開售 每套20個$50
by / on 09/01/2019 at 8:30 pm

Cuson豬年利是封開售 每套20個$50

留意番,今年Cuson係會繼續推出利是封嘅,圖案當然有怪叔叔本尊,同緊隻肥肥白白巨豬大覺訓中。大覺訓無嘢煩乜都唔使理,相信都係你我他2019年嘅共同願望,希望願望達成喇。每套20個$50,有興趣可以PM佢。

Read more ›
係Sweet嘅 Cuson幫《武林怪獸》畫插圖
by / on 24/12/2018 at 9:45 pm

係Sweet嘅 Cuson幫《武林怪獸》畫插圖

Cuson幫電影公司畫插畫,一啲都唔出奇,畫完掟上網公諸同好兼幫電影宣傳,亦屬合理,之所以佢咪喺面書出圖兼留言囉。一切正常,但懇請大家留意留言,佢咁寫喎:「電影公司邀請我為《武林怪獸》畫幅畫,喺禽晚首映禮送畀古天樂同方中信,女友好鍾意古仔,順便帶佢去滿足埋佢~」嗯,最尾兩句……嗯,有少少燦眼,亦好Sweet。

Read more ›
有啲唏噓 Cuson書展出《4張幾單身日記》
by / on 02/07/2018 at 6:58 pm

有啲唏噓 Cuson書展出《4張幾單身日記》

今年書展,Cuson將會推出《4張幾單身日記》。噓……唏噓個噓,單睇書名都感覺到淡淡哀愁,真係多麼的唔想見到呢本書出現。Anyway,撐開Cuson嘅,唔理單身定拍緊拖,記得要買,亦希望怪叔叔此書大賣,生活愉快。

Read more ›

Cuson利是封出場 狗奴必買
by / on 08/01/2018 at 10:41 pm

Cuson利是封出場 狗奴必買

繼續係靚靚利是封推介,今次有請恩愛夫妻Cuson and Miss CaCa出場,三為一體一齊出現喺旺旺利是封裡面,一個咬筆,一個咬叉,一個咬骨頭,都唔知邊個係狗奴邊個係主子咯。家陣開訂,有興趣可以直接PM怪叔叔交收,每套20個$50,報告完畢。

Read more ›
怪叔叔的必殺技=猛虎落地勢?
by / on 16/12/2017 at 11:00 am

怪叔叔的必殺技=猛虎落地勢?

Cuson係咪激嬲咗CaCa呢?若不,點解會整咗個疑似道歉超短動畫呢?動畫裡嘅佢,先來一個勁度十足嘅助跑,然後成個人彈起,表情異常兇狠,之後快到有殘影地飛去CaCa面前三呎處──俯伏跪低!此情此境,直頭同《亂馬1/2》絕招「猛虎落地勢」一模一樣,只差咗無講:「對唔住!」咁解啫,此之謂怪叔叔的必殺技喎,失敬!失敬!

Read more ›
只因霆鋒太Chok Cuson抽水畫CaCa掟筆收場
by / on 05/12/2017 at 5:20 pm

只因霆鋒太Chok Cuson抽水畫CaCa掟筆收場

唔想形容為「水心木」但著實係「月尸一竹」,謝霆鋒就係有本事將所有嘢都Chok出話題,品味嘅嘢……有時真係唉。為此,黃秋生、伍家謙、張敬軒等演藝人士都抽過水,咁Cuson都唔爭在喇,唔係齋畫一幅靜止嘅畫,仲製作埋迷你短片添。佢畫完CaCa擰轉面擲筆一刻,我都笑到卡卡聲。

Read more ›
有錢就是任性 Cuson作畫「預想馬雲下條預告片」
by / on 13/11/2017 at 7:18 pm

有錢就是任性 Cuson作畫「預想馬雲下條預告片」

有錢就是任性,只要有錢,就可以請得起宇宙最強甄子丹、李連杰、吳京、Tony Jaa等等武打明星,就可以要自己做主角,仲要做最好打嗰個。馬雲《功守道》預告片,我諗大家都睇過,老實,個人認為係拍得幾正嘅,係角色錯配今人頂唔信咁解啫。頂唔順者,算上Cuson一份,佢喺面書作畫一幅,並留言曰:「預想馬雲下條預告片。」但見畫中馬雲單手頂住雷神個槌,背後悟空、超人同一拳超人訓晒喺地,嗯……真係未必無可能喎。

Read more ›