fbpx

Tag: Cuson

好嬌俏呀喂 門小雷筆下的美少女版Cuson

好嬌俏呀喂 門小雷筆下的美少女版Cuson

門小雷好欣賞Cuson,有感「讚嘆咳神畫每個人都咁神似,我只識將你畫成少女」,所以贈畫一幅。估不到,堂堂大男人喺門小雷筆下,可以變得如此嬌滴滴,一派清純鄰家女孩模樣。Cuson都好滿意,將之變成面書大頭貼照。

Read more ›

Cuson x Kaiju One 大鳳姐+地盤佬搪膠公仔出場

Cuson x Kaiju One 大鳳姐+地盤佬搪膠公仔出場

今年動漫節,Kaiju One好落力,推出好多產品,除咗擒日提過嘅單眼佬,同Cuson聯乘嘅香港人系列搪膠公仔仲有大鳳姐同地盤佬。每有喜慶事,大鳳姐必定出場,對於最鍾意返工嘅香港人嚟講,地盤佬嗰句:「係窮呀!」絕對有共鳴。呢兩個Figure,我好Like。

Read more ›
Cuson x Kaiju One搪賿公仔單眼佬 動漫節開售

Cuson x Kaiju One搪賿公仔單眼佬 動漫節開售

哈哈,《整蠱專家》戴眼鏡嘅單眼佬賣春藥畀古晶一幕,曹查理個樣衰衰猥瑣表情,依家諗番起都仲笑得出。Kaiju聯乘Cuson推出嘅搪膠公仔系列,終於來到單眼佬呢個角色了,動漫節發售,要買喇。

Read more ›
網圖分享:Q版Mirror 準鏡粉惡補必看

網圖分享:Q版Mirror 準鏡粉惡補必看

呢期最紅一定係Mirror喇,鏡粉當然對12個成員瞭如指掌喇,但As一個準鏡粉如我者,相信暫時都未認得晒所有成員。不過唔怕,睇睇Cuson呢幅Q版Mirror,好有心機地畫齊十二子,大家可以按圖對照真人相片,妥晒!

Read more ›
網圖分享:Cuson的周杰倫版天竺鼠車車

網圖分享:Cuson的周杰倫版天竺鼠車車

驚無話題,所以連忙睇《天竺鼠車車》第1話,嗯,係幾Cutie嘅,但點解會咁紅呢?就諗唔明咯。好多人都二創《天竺鼠車車》,Cuson都唔例外,不過佢搞笑啲,居然將周杰倫扯埋落水,望落又係喎,肥咗嘅周杰倫塊包包面又真係幾似天竺鼠車車,學佢話齋──無違和感呀。

Read more ›
就快新年 Cuson乳牛利是封$70

就快新年 Cuson乳牛利是封$70

  屈指一算,仲有唔夠一個月就農曆新年了,利是封又係時候出籠。嚟緊肖牛,Cuson推出嘅利是封都以牛為主題,畫嘅係乳牛,乳牛同你拜年呀喂,乳牛祝你「牛年好運」呀喂。每套20個$70,報告完畢。

Read more ›

DDED爆趣桌遊《Wolf捉捉》 怪叔叔客串奉旨攬女+?女

DDED爆趣桌遊《Wolf捉捉》 怪叔叔客串奉旨攬女+?女

哈哈,真係笑到有腹肌,DDED啲產品包裝真係無得輸的,好Draw到人Attention。最新有呢盒Boardgame《Wolf捉捉》,包裝到成盒AV咁,加埋啲「巨雨之夜,城市中出現色狼」、「色狼之獵食桌遊」等字眼,好難唔笑出聲。都係《狼人殺》類別遊戲喇,值得一提係其中一張牌居然係「怪叔叔」,功能係「擁有?女和攬女兩種能力,?女可?其中一名女玩家身份,攬女可保護其中一名女玩家免被獵食,各只能發動一次」,符唔符合真實人物性格?「和你宵2021」同「香城年宵2.0」有售。

Read more ›
網圖分享:Cuson露點 插畫家們接龍致敬

網圖分享:Cuson露點 插畫家們接龍致敬

一切應該由Cuson一個含打情罵俏意味嘅放閃式四格漫畫開始,由於各大中小插畫家包括賤人新世紀、東尼電機、DDED、草日、Plastic Thing同另類漫畫等等,唔抵得Cuson太過美化自己,明明大肚腩卻畫出健碩胸膛、明明大叔臉卻畫出精緻五官、明明矇豬眼卻畫出凌厲眼神,所以紛紛作畫致敬。而亮點中的亮點,絕對係Cuson胸前兩點,經演化後居然有圓形、心形同閃電形,且與「豐乳同露協會」甚有關連,感覺非常獵奇。睇走勢,一眾大中小插畫家會繼續接龍賜畫,大家可以買定花生半噸。

Read more ›
Cuson玩PS5向冨樫義博經典頽圖致敬 再成本地畫家戰場?

Cuson玩PS5向冨樫義博經典頽圖致敬 再成本地畫家戰場?

Cuson一部PS5掀起香港插畫家內戰之後,啱啱又畫打機圖喇,不過呢張圖個構圖有冇好熟口面?係,就係日本休刊王冨樫義博嘅經典頽廢打機圖,《Hunter x Hunter》已經休載超過兩年,之前網上睇過幅圖,係話當《鬼滅之刃》開始連載到完結呢段時間,古勒比加佢哋都仲喺隻船上面……好喇,講番幅圖,超多細緻位,除咗PS5之外,仲有鬼滅、尤達BB、貞子錄影帶,仲有張國榮《Stand up》黑膠,仲有網民留言問隻碟係咩色,嗰個年代迷過哥哥嘅老鬼一定知點解啦?而本地小說作家喬靖夫亦留言稱之為「富奸冬居圖」,仲有圖中被Cuson夾住嘅DDED就留言:「怪叔叔胳肋底有浸少女香味。」之後竟然引嚟賤人新世紀:「哦!你而家企佢嗰邊呀?下!」似乎大戰又一觸即發喇。

Read more ›
Cuson送聖誕卡 寄到去你屋企

Cuson送聖誕卡 寄到去你屋企

Cuson很好人,來一個怪叔叔聖誕感謝祭,唔只送,直頭將聖誕卡寄到你屋企。雖則今年無乜氣氛,但收到Cuson親筆手寫聖誕卡,一定很窩心。可惜吖,遲了,200個名額已滿,都係睇咗當擁有咗喇。

Read more ›
【圖集】Cuson一部PS5盡顯人性陰暗面 揭開香港插畫界恩怨情仇

【圖集】Cuson一部PS5盡顯人性陰暗面 揭開香港插畫界恩怨情仇

香港插畫界一向都好團結,但自從近日發生咗一件事之後,大量插畫家圍攻怪叔叔Cuson,就係因為佢一張托腮曬PS5感謝圖,從此令Cuson眾伴親離,成為眾矢之的,亦揭開香港插畫界陰暗面,令潛伏多年嘅危機曝光,危機一發不可收拾,引發近年繼西九事件後,最大型一次香港插畫家網上互動大戰。以下就記錄咗大部份作品,而且參戰嘅畫師每日都增加,到底Cuson有咩方法解決今次危機呢?呢個時候又有冇同行會支持佢呢?係零呀!一個都冇呀!

Read more ›

Yum Me Print x Cuson限定版相框

Yum Me Print x Cuson限定版相框

「Yum Me Print」聯乘Cuson推出限定版相框,鍾意嘅可以Print出嚟玩吓,有啡黃綠三個款式選擇。而人稱怪叔叔嘅Cuson本尊,亦以一幀眼神迷離輕托下巴作沉思狀嘅相片作成品示範宣傳,大家會唔會支持吓?

Read more ›
Cuson出片 碌IG睇靚女的日常

Cuson出片 碌IG睇靚女的日常

Cuson出片,道出佢嘅碌IG日常。呢個「日常」真係平常過平常,對於一個畢生追求美感、鍾意睇靚嘢嘅正常男人,睇靚女……尤其事業線深長嘅靚女,是非常合理的、而喺無心理準備下睇到麻甩佬股罅然後呆咗,也是非常合理的。你有這個經驗嗎?你有共鳴嗎?

Read more ›
網圖分享:Cuson畫Q版AV女優 網民玩認人遊戲

網圖分享:Cuson畫Q版AV女優 網民玩認人遊戲

今日Cuson出圖,畫中人係五個Q版女仔,由於呢五個女仔實在太熟口熟面,有理由相信Cuson係畫緊AV女優,所以此圖一出,即惹來Fans玩認人遊戲。嗯,講到AV女優呢瓣呢……就,嗯……我都有涉獵過吓嘅,除咗中間嗰間認唔到,左上應該係三上悠亞,右上應該係橋本有菜,左下應該係明日花綺羅,右下應該係葵司。應該咋,我真係唔係好熟架咋,唔知我有無睇錯呢?

Read more ›
網圖分享:Cuson抽自己水Sell《疫流怪叔》

網圖分享:Cuson抽自己水Sell《疫流怪叔》

話說早兩日Cuson女友話最愛香港插畫家係門小雷而唔係Cuson呢單嘢有後續,Cuson今日再出圖抽自己水。圖中所見,有讀者拎住門小雷本《Sisterhood》,對Cuson Sell新書視而不見、充耳不聞。呢下自嘲式宣傳好高水準,我真係笑咗。Anyway,佢已經出埋書展簽名時間表,咁大家記得幫襯怪叔叔買番本《疫流怪叔》喇。

Read more ›