fbpx

Post Tagged with: "COSPLAY"

即食Cosplay 緊身衫變身 渣古 比卡超
by / on 18/01/2013 at 4:12 pm

即食Cosplay 緊身衫變身 渣古 比卡超

噚日Share咗張貼身龍貓衫相,引嚟各界人士不安,為表歉意,今日決定嚟個大晒冷,出埋其他好嘢!個人嚟講最鍾意就係呢件渣古緊身衫,單眼佬造型唯肖唯妙,絕對能夠表達出渣古作為嘍囉嗰份無奈同大愛精神。另外,仲有比卡超、鹹蛋超人、Mario、戰隊系列、藍精靈等等。賣2千幾円至3千幾円不等,著住佢去跑馬拉松或者游水,羡煞旁人。

Read more ›

有片  蜘蛛俠變抹窗俠  兒童醫院氹細路
by / on 13/01/2013 at 4:29 pm

有片 蜘蛛俠變抹窗俠 兒童醫院氹細路

我認我一向都麻麻哋鐘意蜘蛛俠,我覺得佢有少少醜樣,但係人不可以貌相,今日睇新聞見倒呢個抹窗嘅蜘蛛叔叔,睇埋背後嘅故事,我覺得好warm,後悔自己以貌取人。喺美國佛羅里達州嘅Tampa Bay,為咗令住院小朋友可以開心笑吓,當日喺All Children’s Hospital清潔落地玻璃窗嘅叔叔,化身做蜘蛛俠爬牆抹窗。原來呢個英雄兵團仲有美國隊長,之前都去過Children’s Hospital旗下其他醫院探小朋友。講真,著住呢件密不透風嘅蜘蛛俠衫抹窗都幾侷吓,但我第一次咁鐘意蜘蛛俠。

Read more ›
有片 西人Coser變身Commander Shepard 過程全記錄
by / on 13/01/2013 at 11:19 am

有片 西人Coser變身Commander Shepard 過程全記錄

Project Cosplay影片系列,Red 5今次搵嚟專業級西人Crystal Graziano,佢曾經Cos過女版雷電、街霸Cammy等角色。今次就直擊佢將自己變成《Mass Effect》嘅Commander Shepard,呢條片就睇到佢套甲點整,再加埋特別一段特別效果影片,加埋便服版Crystal,嘴唇好鬼厚,拍得幾型幾靚。

Read more ›
本周Coser 韓風螺旋貓Miyuko
by / on 12/01/2013 at 7:52 pm

本周Coser 韓風螺旋貓Miyuko

上年都介紹過呢個韓國Cosplay組織Spiral cats嘅成員Tasha同Ren,隔咗一排,我有啲掛住韓國正妹,於是我淥咗個辛辣麵,一邊揀相一邊食。係,我知你對我星期六喺屋企寫稿嘅生活冇興趣,咁講番Miyuko,佢4月16日生日,血型係AB型,Cos過好多唔同角色,最令我嬲嬲哋嘅係上年4月嗰陣曾經流傳過佢一張裸體相,好彩後尾證實係假o架啫!我搵番嚟睇,其實都PS得幾真,嗚呀!辣親添!

Read more ›
本周Coser 菲律賓Alodia 百幾萬fans
by / on 05/01/2013 at 7:31 pm

本周Coser 菲律賓Alodia 百幾萬fans

大家喺香港,接觸得最多甚至住埋同一間屋嘅,除咗係香港人之外,應該係菲律賓人,但係就算我星期日走去中環,我都未見過咁高質素嘅。為咗帶各位周遊列國,今次唔再介紹日本台灣歐美熱門國家,而係去到菲賓律,呢個24歲Alodia Filipino喺菲律賓有Cosplay Queen之稱,自稱Gamer最愛打機,2003年15歲開始玩Cosplay,會去東京遊戲展又會去外國動漫節,熱門動漫遊戲角色都扮過,仲有Youtube頻道成日更新有片睇,Facebook fans人數有146萬!國家級數。睇佢Facebook,同米原康正影過相,前排仲嚟過香港玩。

Read more ›
新片4連環 「箱根駅伝」馬拉松 神龍現身 3隻菲利最搶鏡
by / on 04/01/2013 at 8:48 pm

新片4連環 「箱根駅伝」馬拉松 神龍現身 3隻菲利最搶鏡

介紹吓先,日本新年(1月2日、3日)舉行嘅「箱根駅伝(Hakone Ekiden)」,係超過200公里嘅馬拉松,20間嚟自關東地區嘅大學都會派出選手接力參賽。今年第89回「箱根駅伝」當中,最搶鏡唔係咩冠軍選手,而係呢3隻幫「日体大」打氣嘅菲利,佢哋相當奔放同鬼馬,完全視貼身白色衫帶嚟嘅激凸效果如無物,又踢腳又舉起條神龍亂咁舞!日本就有大量觀眾拍咗現場片擺上網,星期五晚入嚟笑吓都抵!另外我都終於明白,點解前幾日COSPA公佈最暢銷Cosplay服結果,菲利仲可以排到第7……不過,佢哋呢件係自製嘅,近睇仲有筆痕,笑點更高。

Read more ›

獵奇Coser Comiket 83集結
by / on 03/01/2013 at 4:35 pm

獵奇Coser Comiket 83集結

日本同人活動Comiket 83啱啱完咗幾日,係時候上網搵吓有咩好嘢Cosplay喇。好嘢大把,不過我哋不落俗套、劍走偏鋒,今次分享嘅係獵奇多於一切,連《進擊的巨人》都有!仲有《Hunter X Hunter》個大岡添呀!當然唔少得初音、高達、三國……

Read more ›
2012日本COSPA服裝排名 校服大集合《龍珠》菲利入10大!?
by / on 03/01/2013 at 12:26 pm

2012日本COSPA服裝排名 校服大集合《龍珠》菲利入10大!?

日本分店遍佈全國嘅COSPA,專賣動漫精品同Cosplay服裝產品,無論係自製服裝嘅用料或者現成cosplay服都有。咁啱啱佢就出咗2012官方排行榜,初音、浪客劍心、K-ON!、EVA綾波麗呢啲keep住有新嘢,扮極都有人扮,好正路,但係,當中就發現到亮點,雖然今年《龍珠Z》會有新劇場版出,但冇你份喎,菲利!點解你會排第7?仲高過綾波波?到底點解咁多日本人鍾意扮佢呢?唔通貪佢套衫夠貼身?

Read more ›
2013新年快樂!本周Coser 全球最美不知火舞 台灣藝人Mia
by / on 01/01/2013 at 12:06 am

2013新年快樂!本周Coser 全球最美不知火舞 台灣藝人Mia

如果你又繼續同我一樣,喺屋企倒數完又冇嘢做,梗係要賀一賀佢,最實際就係睇吓靚女Coser相,攞個意頭囉!佢呢個鄧婷,有個藝名叫藍鳳凰,雖然個名風塵味濃郁,但佢個樣就走可愛路線。基本上,佢擔任過TVBS電視主持,又係Model,唔可以算係Coser,但偏偏佢最紅一鑊就係早幾個月Cos咗拳王中嘅不知火舞!紅到去日本,有人喺討論區話佢係全球最靚嘅不知火舞,仲有日本人留言話睇到有反應……佢除咗不知火舞兩套衫之外,仲有白雪公主、仲有兔仔耳、貓耳,仲有眼鏡……仲有兩段唱歌跳舞嘅片,年齡方面,有人話佢79年出世,我係唔會信o架!

Read more ›
日本雙馬尾協會 x 《Lollipop Chainsaw》新啦啦女登場(中)
by / on 28/12/2012 at 9:27 pm

日本雙馬尾協會 x 《Lollipop Chainsaw》新啦啦女登場(中)

上兩星期,寫過篇「日本雙馬尾協會 x 《Lollipop Chainsaw》新啦啦女登場」上篇,之後因為亞洲遊戲展著實忙到飛街,所以我本住有拖無欠嘅精神,拖到今時今日先出中篇。中篇?仲有後篇?係呀,合共12位靚女,仲爭兩個未現身,日本人講信用,信佢冇走數。講番今次扮《Lollipop Chainsaw》嘅三個雙馬尾靚女,最尾登場嘅小出友華,21歲大學生,好無敵,無得輸,絕對領域全開!!睇完早啲瞓。

Read more ›
Cosplay懦夫救星 大頭相替身功能
by / on 26/12/2012 at 5:17 pm

Cosplay懦夫救星 大頭相替身功能

  我鍾意Cosplay!好似林采緹呀、DenKa呀咁啦……不過如果叫我自己扮,一我又唔識聯衫,二叫我著出街又無乜膽,你話點算好呢?今日網上發現一個懦夫救星,照張相放上網,就可以幫你變身Jo Jo人物!

Read more ›

本周Coser第2回 專訪台灣女帝 林采緹(足本)
by / on 23/12/2012 at 10:44 pm

本周Coser第2回 專訪台灣女帝 林采緹(足本)

台灣嚟嘅Coser,今年有兩位,DenKa玩埋今日就飛番台灣,另一位林采緹呢?喺會場現身咗1日,就要飛返台灣頒咩女神獎,因為佢上年係第1位喎。所以,機迷們呢兩日見唔到佢,冇機會近距離接觸到呢位台灣女帝,不過GameoverHk都把握時間同佢做咗個專訪,有片,原來佢識講廣東話,同埋嚴格嚟講佢o依家唔係一個Coser,因為佢第一次Cos完女帝之後就紅咗,次次Cosplay都係工作,嗰啲叫代言。

Read more ›
狗狗Cosplayer 身不由己超可愛
by / on 21/12/2012 at 12:38 pm

狗狗Cosplayer 身不由己超可愛

編輯錢無義去咗遊戲展採訪,可以訪問台灣女神DenKa同林采緹,真係令到爆炸哥本人好葡萄!不過我都唔執輸,率先嚟個本周Coser介紹,唔係人,係狗狗!上星期有喵專題,今次梗係輪到狗狗,最神似一定係西摩扮大神,不過最好笑點都及唔上老虎狗扮尤達大師,堅係有個神髓喺度!

Read more ›
日本雙馬尾協會 x 《Lollipop Chainsaw》新啦啦女登場(上)
by / on 19/12/2012 at 9:46 pm

日本雙馬尾協會 x 《Lollipop Chainsaw》新啦啦女登場(上)

唔係《Lollipop Chainsaw》又話出情人節版本,又搵Jessica Nigri同川本まゆ拍咗段片飛晒吻咪晒眼,我都唔記得日本雙馬尾協會搞咗個雙馬尾X《Lollipop Chainsaw》活動,Keep住有新女登場!上次報導已經係11月頭嘅事(永井亞子),隔咗個幾月,嘩!多咗6個!係6個呀!一來相量太多,二來驚你一晚睇晒頂唔順,今晚出住3個先,唔入嚟睇今晚咁凍點瞓?點瞓呀?

Read more ›
本周Coser特別篇 黑喵士 Batcat 撒雅喵?
by / on 16/12/2012 at 12:05 pm

本周Coser特別篇 黑喵士 Batcat 撒雅喵?

人玩Cosplay,自願o格,冇人迫佢o格,鍾意咩動漫就扮咩角色囉。喵呢?佢哋冇得揀,主人鍾意咩電影咩動漫,佢哋咪要扮咩角色囉。所以,你會見到所有喵Coser都係苦口苦面呆呆滯滯嘅,冇一隻係識笑嘅,不過我又覺得好得意,但係,初音呢?

Read more ›