【流浪暴肥】喵星人失踪14個月 好食好住肥足1倍

呢隻叫Clive嘅挪威森林貓,流浪咗14個月後最近終於俾主人搵返,不過就發現佢比原先重咗接近一倍!原來呢一年呀Clive經常喺寵物食品工場附近流浪,估計好食好住,所以越食越肥。佢喺14年12月失踪,主人周圍貼街招仲開埋Facebook尋貓都無消息,當佢準備放棄時就收到獸醫來電,原來呀Clive成日嘅寵物食品工場裝咗個捉貓器,最後成功捕獲呢隻為食喵送去俾獸醫,對方就憑呀Clive嘅晶片搵返主人。而家佢返咗屋企,主人話佢胃口大咗好多,成日不停食食食,不過就無諗住要佢減肥,唔知係咪心理作用,感覺上返咗屋企嘅呀Clive好似悶悶不樂,係咪掛住出面班豬朋狗友?

Read more ›