fbpx

Tag: CK Keung

CK Keung動漫節出森巴杯墊 歡迎留貨

CK Keung動漫節出森巴杯墊 歡迎留貨

有用資訊,CK Keung會喺動漫節擺檔兼畫公仔,屆時會出售森巴陶瓷杯墊,不過佢話明印製咗好少量,有興趣者可以依家PM佢留定貨。睇相,杯墊幾靚仔吓,當精品儲唔錯,值得入手。

Read more ›

R4AMBLE四子x小小菌 推出抗菌口罩紙套

R4AMBLE四子x小小菌 推出抗菌口罩紙套

肯肯定係舊畫來的,屬之前《R4MBLER–The Memory of Tomorrow》畫展嘅展畫,估唔到複印成銀離子抗菌口罩紙套套面,都一樣咁靚。此乃小小菌同R4AMBLE四位插畫家即Felix Ip、謝森龍異、CK Keung同Pen So合作推出嘅產品,聲稱採用歐洲銀離子(Ag+)嵌入式長效抗菌層技術,提供到最大限度嘅抗菌功用,即係中看中用囉,每套$66.68。雖然中用,但因為太中看,所以我會當精品儲。

Read more ›
網圖分享:Ck Keung的高達頭

網圖分享:Ck Keung的高達頭

Ck Keung有作品開心Share,畫咗兩幅Gundam head,畫風好熟口熟面……對了,之前睇《R4MBLER–The Memory of Tomorrow》畫展,佢一系列展畫就正正係呢隻略帶奇幻元素嘅正爆畫風嘞。我貪心啲,如果可以上埋色就好咯,萬二分期待。

Read more ›
格子辦《庚子年賀年市集》 畫揮春+新Product發佈

格子辦《庚子年賀年市集》 畫揮春+新Product發佈

格子又搞市集喇,開心!喺過農曆年前嘅周六,CK Keung、Felix Ip、黎達達榮、Man僧、Pen So、Tubbyfellow、小豆丁漫畫、草日、貧友呀將同謝森龍異會出席《庚子年賀年市集》,到時會有新書同新精品開賣,揀啱邊樣買邊有喇。And,為應節,特備寫……吖,唔係,係畫揮春活動,不過講明先,由於係畫,畫嘢要時間同成本,所以畫揮春係要收費架。入場會送限定貼紙一張,少少心意不成敬意咁喇,大家記得捧場喇。

Read more ›
R4MBLER Artjam again 日本武士圖拭目以待

R4MBLER Artjam again 日本武士圖拭目以待

仲記唔記得約半年前R4MBLER四子一齊喺Audi A4 Avant實體車身作畫?呢類Artjam可一也可再,謝森龍異、CK Keung、Felix Ip同Pen So呢期又合作畫咗一幅日本武士大圖。佢哋都好識吊人癮吓,各自喺自己面書出Post,各自登自己畫嗰部份,而終極完成圖同詳細展出資料,暫時欠奉,希望到時會推出番張超大紀念海報喇。真心Mode,拭目以待x100000。

Read more ›
CK Keung動漫節推出Postcard 一套$50

CK Keung動漫節推出Postcard 一套$50

森巴呀喂,大家有無掛住森巴呀?CK Keung精選咗五幅森巴畫作印製成Postcard,每張$15。咁最好當然係買晒五張喇,一套五張有平,賣$50。佢仲話:「背後可畫吓公仔,最平的簽繪方案」,咁大家識做喇,記得搵佢送親筆畫呀。

Read more ›

CK Keung動漫節推出鐵章

CK Keung動漫節推出鐵章

CK Keung喺面書留言曰:「一直想做的鐵章終於完成了!將會在動漫節發售。」賣幾錢、有幾多個款、現貨定落訂等等,暫時未有詳細資料。家陣齋望相,雖然無比例可依,但好似幾厚身應該幾墜手吓,圖案線條咁密顏色都可以咁搶,感覺甚高質也。

Read more ›
CK Keung大作現身機場月台幕門 記得打卡

CK Keung大作現身機場月台幕門 記得打卡

原來唔只司徒劍僑喺機場月台幕門展出巨型畫作,CK Keung都有份呀喂。佢喺面書開Post,詳細交代畫作正確位置:「在離港那邊的三個月台見到我的作品,至於回港那邊就由司徒劍僑老師負責,好型的啊!」確實係好型的啊,咁大家呢排出入機場的話,記得喺幕門前留影喇,之後就梗係掟番張相畀CK Keung支持吓,我諗佢會開心。

Read more ›
《R4MBLER–The Memory of Tomorrow》戰車 Audi A4 Avant出巡

《R4MBLER–The Memory of Tomorrow》戰車 Audi A4 Avant出巡

之前有無撐《R4MBLER–The Memory of Tomorrow》畫展?我有,可以肯肯定咁講正到無倫!你無?可以肯肯定咁講可惜到無倫!不過好彩,由Pen So、Felix Ip、CK Keung同謝森龍異聯手Artjam嘅嗰架Audi A4 Avant,家陣會不定期出巡,穿梭香港大街小巷。如果喺街見到呢部車停埋一邊,唔好怕醜,走埋去打卡留念喇,有關方面話歡迎拍攝,攞正牌任影唔嬲架。

Read more ›