【披著棉胎的羊】獨居5年羊咩身型超巨 成功獲救剃走40kg羊毛

第一眼見到呢隻叫Chris嘅羊咩真係嚇一跳,佢被志願團體RSPCA ACT喺澳洲坎培拉發現,啲羊毛多到完全見唔到佢嘅身型,就好似披住張好厚嘅棉胎一樣。機構喺9月2日透過FB同Twitter搵剃羊毛嘅專家,好快就有人出手相助,最終噚晚喺獸醫同剃羊毛專家合作下,幫隻羊咩剃走咗40.45kg嘅羊毛出嚟!好驚人!據知呀Chris大約喺5年前走失,相信因為一直無人打理,所以啲毛越積越多,最後多到連行步路都有困難,而家睇相見佢瘦晒靚仔晒,面尖尖好潚灑,溝女都唔係問題啦!

Read more ›