集資製嚴禁癡漢襟章 日本女高中生向鹹豬手說不

  家陣唔係拍MV,現實世界真係有好多鹹豬手,喺擠逼火車車廂對無辜女生上下其手,醜行令人髮指。日本多癡漢,呢一點人所共知,為此,有高中女生喺Crowd Works招募集資,製作「Stop Chikan Badge」。「Chikan」者,「癡漢」是也,襟章藍色底色,中間一字排開幾個女生剪影,另加一對孖葉圖案,並附字句曰:「我不會保持沉默」及「癡漢是犯罪」,訊息呼之欲出。招募日期即日起至11月24日,希望呢個襟章扣真係發揮到實際用途,女生扣喺書包手袋肩帶之後,可以警惕到一眾鹹豬手喇。

Read more ›