fbpx

Tag: Challenge

有片:麥樂雞一百呎高墮地!用口接!

有片:麥樂雞一百呎高墮地!用口接!

都係嗰句,請不要玩食物,今次又乜玩食物呢?玩麥樂雞!控制無人機升到一百呎高,之後掟塊M記麥樂雞落地,而戙企喺地面嘅人呢,就要岳高頭用口接。雖則麥樂雞硬極有個譜,但話晒有一百呎高,衝力應該有番咁上下,食唔中的話,撞落口唇或者塊面應該好痛;食得中的話,又驚會直落喉嚨哽親,有一定危險,千其咪亂試。

Read more ›

有片:噁心慎入!紅都臉埋!鮮魚點辣椒汁互摑!

有片:噁心慎入!紅都臉埋!鮮魚點辣椒汁互摑!

又係玩到無嘢好玩嘅癡線Challenge,嗰種核突法,真係齋睇畫面都毛管戙。話說兩條友仔唔知發乜癲,開盤辣椒汁,然後用鮮魚點汁,點完汁再用魚身互摑對方,正手摑,反手摑,總之就出盡力大大棍摑落去,撻一聲,即時紅都臉埋。痛呢,我就估痛極有限,但摑到條魚溶溶爛爛,嗰種滑潺潺嘅觸感,真係好噁心。

Read more ›
有片:赤腳鬥控仙人掌球 刺針拮晒入肉好痛呀

有片:赤腳鬥控仙人掌球 刺針拮晒入肉好痛呀

痴線的,比賽控球,不過係控仙人掌球,赤腳喎,控一下即刻爆缸,腳掌流晒血,啲刺針仲要拮晒入肉,要逐條逐條拔番出嚟。齋聽都覺得痛?未算呀,比賽者有兩人,分別係HP同Jarppi,比賽邊個控仙人掌球控得多,輸家要除衫,唔好諗邪嘢,除衫食波餅啫……無錯,都係用仙人掌球省落背脊,嗚,成個背脊標晒血,我個心真係寒一寒,好痛呀大佬!

Read more ›
有片:真嘔!Batman對戰Superman鬥食煙肉!澎湃如瀑布!

有片:真嘔!Batman對戰Superman鬥食煙肉!澎湃如瀑布!

Batman對戰Superman,今次玩鬥大食,限時5分鐘內要食晒檯面10磅煙肉,Challenge start,初頭Superman都仲有講有笑,一派風騷模樣,未幾,開始皺眉頭,之後摸肚腩,再之後,勁咯,直接嘔番出嚟呀,好似瀑布咁嘔出嚟咯,好澎湃,好有動感,仲好好──核突。至於Batman呢,全程喺度笑,未出洋相,不夠照估計,就算唔限時,佢都應該吞唔落呢10磅煙肉,10磅喎,10磅水都死喇,何況係肉?

Read more ›
有片:嘔白泡!蝙蝠俠vs聖誕老人vs耶穌!飲奶飲到嘔!

有片:嘔白泡!蝙蝠俠vs聖誕老人vs耶穌!飲奶飲到嘔!

蝙蝠俠、耶穌同聖誕老人,照計就大纜都扯唔埋,誰料到一樽牛奶,就可以將佢哋聚埋一齊,圍檯而坐鬥餐死。鬥乜呢?好無聊架,就係鬥飲一加侖牛奶,賽事開始,蝙蝠俠依率先領放,倒水咁倒入喉嚨,聖誕老人次之,但都係得個跟之,而耶穌呢,仲削,飲到一半咁上下依家停晒手,最後賽果無人飲得晒,聖誕老人都蝙蝠俠仲嘔添,蝙蝠俠嘔極唔完,呢劑正宗噴泉式嘔白泡,隔住個Mon都戥佢辛苦。

Read more ›