fbpx

Tag: capTV

有片:華弟「Game樣」升呢!向李斯特城致敬!

有片:華弟「Game樣」升呢!向李斯特城致敬!

李斯特城奪英超冠軍,證明咗有錢唔係大晒、名牌唔係玩晒、豪門唔係威晒。點解咁多非李城球迷都咁開心,因為……老土啲都係咁講,呢班波證明咗「只要肯堅持,夢想可成真」呢個老掉大牙嘅硬道理。YouTube頻道「CapTV擷電視」製作咗短片《My name is Jamie Vardy》向李城致敬,短片開首第一句就係「大家好,我叫華弟……」之後交代佢點樣由非聯賽踢到上頂級聯賽,仲自嘲「Game樣」越來越畫得似。總括嚟講,成條片拍得好熱血,Edit得好好,配音位人兄無鳩嗌,但VO寫得實在太好,應記一功。睇完,我好滾動,唔知你又點睇?

Read more ›

有片:宇宙Gem毛毛蟲裙 梅麗史翠寶/老佛爺齊嗌頂唔順

有片:宇宙Gem毛毛蟲裙 梅麗史翠寶/老佛爺齊嗌頂唔順

YouTube頻道「CapTV」,即係Cap來Cap去喇,今次呢條《潮流教主の繼承者》笑到我Gap Gap聲。抽邊個水?之唔係衣著品味異常出人意表嘅宇宙Gem囉,一襲中空白色長裙,卻不見應見之事業線,反見肉色疑似腰封物體,俾網民揶揄為毛毛蟲爬上身,叫佢不如著番皮褲咁話。呢條片先由TVB《潮流教主》主角陳豪出場,之後將《穿Prada的惡魔》裡面嘅梅麗史翠寶、老佛爺Karl Lagerfeld等戲裡戲外真正潮流教主Cap埋一齊,配埋「嘩,佢做乜X嘢呀?」、「啲蟲好真呀,好有生命力。」、「呀,究竟啲蟲喺邊度爆出嚟嘅呢?」等等抵死對白,睇完你唔笑,我寫個服字畀你。

Read more ›
有片:神級惡搞!《葉問4:決戰羅莽》!詠春戰羅莽360!

有片:神級惡搞!《葉問4:決戰羅莽》!詠春戰羅莽360!

好佩服Youtube頻道「capTV」,咁抵死過癮嘅惡搞都諗得出,《葉問4》喎,打完日本人打完洪金寶打完拳王泰臣之後打羅莽喎,淨係呢個戲碼已經夠好笑,夾硬幫「最難捉摸導演」同Wilson Yip同「宇宙最強」Donnie Yen改對白簡直癲喪,而泰臣一句:「My name is Tyson,Tiger個Ty,神仙個son。」九唔搭八程度亦達十粒星。最最最最最攞命係招式名,甚麼羅莽360、羅莽280、羅莽旋風腿、羅氏迴旋、羅莽連彈、羅氏世界……大佬呀,搞到我真係想《葉問4》搵羅莽做主角呀。

Read more ›