《Resident Evil RE 2》嘅MOD仲可以玩咩？仲可以玩《JoJo奇妙冒險》喎！當空条承太郎唔用白金之星而用槍嘅時候，仲夠唔夠DIO揪？但DIO都冇用到時間停頓……

當你玩完《Biohazard 2 RE》之後，想唔想玩番《Biohazard》其他作品？如果你有Switch，5月23日可以拎出街玩喇，第0集同第1集一套賣，講述「洋館事件」、「黃道特急事件」，實體版5,500円，下載版就分開賣。第4集獨立買3,056円，得下載版，3月6日預載。

見到Mr.X好緊張好驚？咁見到呢個Mr.X會唔會更緊張更驚？你睇佢一身夏日打扮，同平時怕凍嘅形象好唔同，而且戴住太陽眼鏡，條泳褲仔前面仲有自己公司個遮仔標記，呢個《Resident Evil 2 Remake》嘅PC版MOD，應該玩得好奔放，如果我有火箭炮喺手，一定射到佢熱辣辣！

日本呢位Daisuke Takahashi，勁嘅，係史上首位日本人得到極限武術世界冠軍，多年嚟更加贏得多個國際性大小比賽。早前佢就喺個人Twitter度出片，原來佢會苦練身手，全因為玩《Biohazard 4》見到Leon呢個場面……

打《Biohazard/Resident Evil RE: 2》，最煩梗係Mr.X追住唔放，一個已經夠煩，如果兩個同時出場呢？有啲咁嘅事o架咩？有，仲有飛行喪屍，仲有兩個Sherry，好得人驚。

《Biohazard/Resident Evil RE: 2》嘅Leon Hardcore Mode，要追時間唔容易，要完全冇受過傷，更難。呢位Resident Evil speedrun高手CarcinogenSDA就做到喇，2小時56分，冇俾喪屍咬過冇俾licker抓過冇俾Mr. X揼過。

即係《Resident Evil RE: 2》啦，近期好多人玩緊，而當中有PC版嘛，有外國網站Resident Evil Modding Boards就發現PC版入面有第一集主角Chris Redfield嘅資料，佢嘅係《Resident Evil 7: Biohazard》「Not a Hero」嘅造型，雖然有少少唔同……其他網民睇到之後，有人就估會唔會係嚟緊免費DLC「Ghost Survivors」中會出現？又有人話會唔會其實係「forgotten soldier」？

Capcom今次話到俾各大廠商知，重製經典重製得有誠意，一樣可以好好賣。呢隻《Biohazard RE: 2》口碑極佳，發售第一星期已經出貨300萬隻，而原版累積都係賣咗496萬隻咋！另外，玩晒表裏嘅玩家，嚟緊2月15日會免費有新嘢玩，就係「幽靈生還者(THE GHOST SURVIVORS)」3個模式：「被遺忘的士兵」、「大逃亡」和「強忍悲傷」，可以操作如果冇死嘅特殊部隊隊員、市長女兒和槍械店店長。

玩完未？表裏玩晒未？對於今集嘅Mr.X有咩評價？呢位日本機迷就出咗段片，見到佢其實都唔係好得人驚啫，幾可愛吖裝吓裝吓。

噚日已經偷跑喇，玩緊未先？呢隻PS4/Xbox One/PC遊戲《Biohazard/Resident Evil(バイオハザード RE:2)》評價好高，而Capcom亦都肉緊宣傳，公開咗一條真人影片，話係以1998年George Romero製作嘅TVCM感覺重製，新舊真人影片都可以入嚟睇。

唔係98年套衫呀，係起晒角個樣喎！PS4/Xbox One/PC遊戲《Biohazard/Resident Evil(バイオハザード RE:2)》1月25日正式發售，同日喺日本就會有呢張「バイオハザードRE:2」點數卡限量發售，特典係「レオン・’98」、「クレア・’98」！

出喇！PS4/Xbox One/PC遊戲《Biohazard/Resident Evil(バイオハザード RE:2)》1月25日正式發售。有冇玩咗個30分鐘試玩，知你玩一次唔夠，Capcom噚日有個發售前直播，可以再睇吓人玩，另外亦都宣佈遊戲中豆腐生存模式件豆腐真係會由「男前豆腐店」商品化！同隻遊戲同日發售，玩住食。

1月25日發售嘅PS4/Xbox One/PC遊戲《Biohazard/Resident Evil(バイオハザード RE:2)》，又有新料，今次係流出影像。講真，真係超有型，係播播吓片變成選擇用LEON或CLAIRE繼續遊戲……

《Biohazard/Resident Evil》系列遊戲，一向都係美版血腥啲，日版好克制，各取所需啦。咁1月25日發售嘅PS4/Xbox One/PC遊戲《Biohazard/Resident Evil(バイオハザード RE:2)》，早兩日有體驗版下載，有機迷就作咗比較，睇完之後，你會買邊個版本？

下載咗體驗版玩未先？Capcom公佈下載量已經超過130萬，而完成率則有28%。另外，1月25日發售嘅PS4/Xbox One/PC遊戲《Biohazard/Resident Evil(バイオハザード RE:2)》又有新圖睇，就係「The 豆腐 Survivor」同「The 4th Survivor」嘅，件豆腐表面唔太滑，天氣又開始凍凍哋，今晚不如打邊爐？