Post Tagged with: "bb"

有片    日本神奇止喊片   過百萬點擊 96% BB收聲唔喊
by / on 22/11/2013 at 12:36 pm

有片 日本神奇止喊片 過百萬點擊 96% BB收聲唔喊

好神奇!想屋企個BB停止哭鬧,可以試吓播呢條片日本音樂片比佢聽,因為據講96.2%小朋友聽完會收聲唔喊,條片已經有過百萬views,似乎幾有效。片中嘅主角係隻有啲似Q太郎嘅公仔,佢係日本樂天一款新零食cafca嘅代言人,為咗宣傳隻新零食,樂天搵咗位音響博士鈴木創設計呢首歌,之所以有止喊作用,全靠多高音同埋轉音,分散BB注意力。受歡迎當然要再搵多啲錢啦,最近官方同TAKARA TOMY A.R.T.S合作推出商品,有吊飾、公仔等等,最吸引都係有埋首歌喺入面嘅BB車掛飾,賣2625円,可以止喊,抵到喊啦!

Read more ›

超曳奶咀   伸脷依牙好招積
by / on 09/07/2013 at 7:05 am

超曳奶咀 伸脷依牙好招積

我好怕小朋友喊,一發不可收拾,聽朋友講,奶咀係止喊其中一個重要法寶,如果好似呢個奶咀咁加埋條脷,我唔止唔怕小朋友喊,仲好想整喊佢o忝!唔止有條脷,睇真啲連棚牙都整埋,夏天熱熱哋,伸條脷出嚟得確可以涼快啲,amazon有得賣,港幣$50唔駛,唔知我買嚟送比朋友嘅仔女佢哋會唔會嬲呢?

Read more ›
BB任揀任食   墨西哥捲餅BB上餐牌
by / on 23/06/2013 at 3:02 pm

BB任揀任食 墨西哥捲餅BB上餐牌

食bb咁殘忍?第一見倒張相我都嚇一跳,原來係西雅圖一間專賣墨西哥捲餅嘅餐廳嘅特別版Menu!為咗等大家知道佢哋嘅捲餅呎吋夠大,十足一個bb呎吋一樣,佢哋將食物放喺不同嘅bb身邊做對比,共同點我諗係兩者都係捲埋一嚿啩。咁邊度搵嚟咁多bb呢?原來佢哋全部都係熟客仔嘅仔女,難怪連舖頭招牌GORDITOS都用埋小朋友做logo。講真,呢個Menu幾有創意,不過點解我硬係覺得有啲唔開胃‥‥‥

Read more ›
超能力BB圖集   跳水舞劍高空攀爬
by / on 05/06/2013 at 8:30 am

超能力BB圖集 跳水舞劍高空攀爬

呢個BB同超人無分別,識得係浴缸凌空翻騰、擒高上六呎食物架、揮舞西洋劍切生果‥‥‥嚇死一眾家長。輯相由瑞典攝影師Emi Nystrom操刀,主角就係佢嘅可愛囡囡。不過我估計呢位攝影師仲係一個出色改圖專家,因為BB囡嘅能力已經超乎常人,可惜我唔識睇瑞典文字,睇極都唔知佢究竟邊張有改圖邊張無,算啦,認真就輸了,睇完開心吓算嘞。

Read more ›
新片速報 Evian礦泉水廣告 BB踩完Roller玩跳舞 2,000萬點擊
by / on 24/04/2013 at 7:17 pm

新片速報 Evian礦泉水廣告 BB踩完Roller玩跳舞 2,000萬點擊

09年Evian礦泉水拍咗個BB踩Roller廣告,電腦效果超掂,至今已經有6千幾萬點擊。而啱啱官方又有新片,今次都係有BB,就係講有班人行街經過鏡牆,照到自己嘅影像竟然變咗BB,於是佢哋就扭身扭勢跳起舞嚟,而鏡入面個BB當然亦都跟住跳。特技效果係幾好睇,喺4月19日發佈到o依家,短短4、5日就已經有2千幾萬點擊!

Read more ›
獵奇新片    大陸喪爸狂fing B
by / on 23/03/2013 at 1:18 pm

獵奇新片 大陸喪爸狂fing B

呢段片真係要睇!睇完唔該「unlike」埋。外國網報導,大陸有個瘋狂爸爸,居然將個仔當搖搖咁舞,fing完左再fing右,跟手打個後空翻,再將bb放喺手掌上面玩‥‥‥片段仲配埋功夫音樂,懶風趣。大佬,你有無聽過乜嘢叫「搖晃症」?bb仲要下身赤裸,既失禮又好易凍親。翻查資料,原來bb由8個月大開始接受「訓練」,片段入面嘅佢已經15個月大,目標係入「少林寺」。痴線!不過都唔及呢個外國網友串,佢留言話:「Awesome! Father of the year.」,又揚威海外嘞。

Read more ›

假BB超像真! 62歲女攝影師深入戰地
by / on 20/02/2013 at 4:00 pm

假BB超像真! 62歲女攝影師深入戰地

事先聲明,以下相片可能令人情緒不安。一向我對洋娃娃都有恐懼感,尤其識眨眼嗰款。但以下呢啲,唔算係洋娃娃,因為除咗無生命之外,像真程度根本同真BB無分別!相片出自62歲嘅攝影師Rebecca Martinez之手,佢深入不同組織、家庭,拍攝「收養」洋娃娃BB嘅實況。睇倒BB製作過程,我仲以為有虐B青況發生。不過要帶「BB」搭飛機,就一定要拎出嚟唔可以放入喼或手袋入面,事關過X光機時,職員睇倒以為有個B喺袋入面,肯定有排解畫!

Read more ›
星戰BB玩具   品味靠$3500培養
by / on 18/02/2013 at 9:16 am

星戰BB玩具 品味靠$3500培養

品味嘅嘢,係要自小培養,如果想第時嘅仔女未識行先識用原力,呢個星戰BB玩具真係要趁早入貨。我唔知呢啲吊喺BB床上面,郁嚟郁去嘅玩具正確學名係乜,但係我隱約見倒Death Star、Naboo Starfighter、X-Wing等等星戰物品。仲有仲有,佢貴到我眼都突嘅價錢 ─ 港幣$3500!!我要用兩個感嘆號先表達倒我嘅驚訝程度,呢筆錢夠買幾多罐奶粉?如果買倒嘅話。

Read more ›
百萬點擊新片 兩歲籃球得分王 轉身射個3分波
by / on 07/02/2013 at 3:20 pm

百萬點擊新片 兩歲籃球得分王 轉身射個3分波

Titus,就係呢位兩歲嘅小朋友個名,大家請記住,十幾年後睇NBA,隨時見番佢。佢自從18個月大開始就玩射籃,睇電視又射,瞓低又射,落樓梯射,食飯射,射射射。就係咁練就一副好身手,可謂百發百中!唓,將佢入嗰啲剪埋一齊之嘛,唔係,尾段有佢連續射五六球入晒嘅片段,你睇,佢仲喺歡樂天地贏咗好多飛仔添,發達咯!

Read more ›
新片速報 BB專用 壽司尿布口水肩
by / on 20/01/2013 at 2:38 pm

新片速報 BB專用 壽司尿布口水肩

年青人,玩咩都要做好安全措施,如果唔係……咦乜呢啲壽司咁大嚿呢?佢哋唔係壽司,而係日本Wire Orange推出嘅新產品「おむつ寿司」。其實玉子係海綿、青瓜係襪仔、飯呢就係口水肩、尿布同毛巾等等。做得似唔似就見仁見智,不過都算好有心思,最啱買嚟賀親朋好友生仔生女……睇番個價錢,最貴嗰個禮盒都係10,000円,入面有網址,不過唔知香港買唔買到。

Read more ›
龍如BB賣廣告  紋身穿環sell奶咀
by / on 18/01/2013 at 10:53 am

龍如BB賣廣告 紋身穿環sell奶咀

我已經受夠香港嘅「BB有便便」式反智廣告,其實BB廣告都可以有創意,好似呢個專賣BB產品嘅外國牌子Playtex一系列平面廣告,將可愛嘅BB變身做龍如BB,全部紋晒身穿晒環,賣嘅係專為「difficult little people」而設嘅奶咀,由美國專為健康產品做廣告嘅Grey Healthy People設計,起碼對題、夠搶眼得啖笑,家長見倒都會會心微笑。

Read more ›