Post Tagged with: "bb"

新片速報   坐車生B片過百萬點擊    仲去唔去醫院好?
by / on 19/07/2015 at 7:07 am

新片速報 坐車生B片過百萬點擊 仲去唔去醫院好?

女人生BB係好神聖嘅事,而且好緊急,好似外國呢位媽媽Lesia Pettijohn準備去醫院嘅45分鐘車程途中,就忍唔住生咗個BB出嚟,只係用咗30秒左右,好彩母子平安,媽媽好淡定好勇敢。而爸爸就全程用GoPro紀錄呢件開心事,仲放埋上YouTube,唔夠2日已經超過140萬點擊,唔駛驚,條片無裸露只有少少血腥。最後佢哋成功生咗個10磅嘅BB,最搞笑係片尾阿爸好精明,問咗句:「咁我哋仲駛唔駛去醫院生同埋比錢?」梗係要啦,仲有好多善後工作架嘛。

Read more ›

【可愛到暈】初生喵星人學舔毛 學極唔識放棄自己
by / on 11/07/2015 at 6:02 pm

【可愛到暈】初生喵星人學舔毛 學極唔識放棄自己

呢段喵星人短片好得意,程度達到十級,加上仲比我cap到張咁可愛嘅截圖,點都要同各位貓奴分享吓。啱啱出世無耐嘅喵星人乜都唔識,主要都係有樣學樣,片中呢隻貓仔就學緊媽咪舔毛,但舉得手嚟個頭又唔識就,最後舔舔吓決定放棄,由媽咪代勞,仲爽!

Read more ›
睇獸醫驚見獵豹BB     網民鬧爆唔應該亂養
by / on 22/04/2015 at 7:43 am

睇獸醫驚見獵豹BB 網民鬧爆唔應該亂養

呢單新聞好爆,喺外國討論區Reddit好多人爭論。事緣有人喺杜拜帶隻狗睇獸醫,點知見倒隔籬有位女士抱住隻獵豹bb等睇醫生!佢朋友就將張相放上網,網民發現呢隻應該係獵豹(Cheetah),又稱為印度豹,係貓科動物,亦係獵豹屬下唯一存活嘅品種,好多人鬧爆話佢係野生動物,唔應該喺屋企飼養,而拗拗吓仲演變成種族歧視嘅激烈討論。其實無論咩種族,都唔應該咁自我中心以為所有動物都可以成為人類嘅寵物。BTW,獵豹係陸上奔跑最快嘅動物,時速可以超過110公里,如果真係比人困住就搵方法走佬啦。但係走咗去民居都係麻煩,唉。

Read more ›
【有片】超人BB會飛    唐氏綜合症BB    kickstarter籌款
by / on 20/04/2015 at 7:13 am

【有片】超人BB會飛 唐氏綜合症BB kickstarter籌款

好感人,呢輯名為「Wil Can Fly」係攝影師爸爸Alan Lawrence為佢患上唐氏綜合症嘅仔仔Wil (William) 影嘅相集,相中嘅Wil經過後期效果,變成可以四圍飛嘅超人。Wil 係屋企嘅第5個小朋友,今年歲半,一出世已經不幸患上唐氏綜合症,有一日阿爸見佢手fing fing腳仔離地想飛咁,於是靈機一觸幫佢製作咗呢輯相,雖然知道佢嘅前路會比其他人難行得多,但都希望仔仔將來可以隨心所欲飛得更遠。佢哋仲用呢輯相製作咗年曆喺kickstarter集資,全部收益會捐比慈善機構幫助返唐氏綜合症病患者,另外亦喺YouTube開設咗名為Bringing Light嘅頻道,希望幫助更多患病小朋友,好有心,值得支持。

Read more ›
有片    超得意蝙蝠BB相集    眼仔碌碌打喊露
by / on 08/04/2015 at 7:17 am

有片 超得意蝙蝠BB相集 眼仔碌碌打喊露

一直覺得蝙蝠好恐怖,直至見倒呢輯相。呢班蝙蝠BB好似初生嬰兒咁一齊瞓喺床邊,眼仔碌碌,仲打喊露,勁得意!原來佢哋全部都係孤兒,住喺澳洲東部嘅診所。呢間診所專門照顧媽咪因為染病而過咗身嘅蝙蝠仔,入嚟仲有片見倒善心人Trish Wimberley每日風雨不改照顧蝙蝠仔嘅感人情況,唔講唔知,澳洲住咗100種唔同種類嘅蝙蝠,睇完有無令你對蝙蝠改觀?

Read more ›
喵星人與BB溫馨相集    「唔好掹我啲鬚!」
by / on 01/04/2015 at 7:09 am

喵星人與BB溫馨相集 「唔好掹我啲鬚!」

一直都覺得喵星最怕嘅生物就係小朋友,你知啦,小朋友會掹喵星人啲鬚、撳佢哋啲肉球、扯佢哋條尾‥‥‥呢個係我嘅第一印象,不過原來事實唔係咁,網上搜羅咗大量喵星人同人類BB嘅融洽相處圖,直情好似一家人咁,好溫馨。BTW,我睇過有報導話自細養寵物嘅屋企,小朋友患鼻敏感嘅機會會大減,所以千祈唔好因為懷孕而棄養寵物嘞!

Read more ›

醫院聖誕大禮   25號初生BB瞓聖誕襪
by / on 27/12/2014 at 12:55 pm

醫院聖誕大禮 25號初生BB瞓聖誕襪

雖然lonely Christmas過咗,但係聖誕氣氛依然好濃厚,尤其是上外國網,全部都重係聖誕新聞。啱啱見倒呢張相,美國匹茲堡嘅Magee-Women’s Hospital就將12月25號聖誕日嘅初生嬰兒,全部放喺對聖誕襪入面,頭頂仲加多頂聖誕帽,好可愛。咁又係,對於父母嚟講,有乜禮物好得過25號出世嘅BB?以後每年生日同聖誕同一日,禮物方面可以慳唔少喎。

Read more ›
超可愛長嘴無翼雀仔   鷸鴕bb做手術
by / on 04/12/2014 at 7:08 am

超可愛長嘴無翼雀仔 鷸鴕bb做手術

又到得意動物時間!呢隻叫鷸鴕(Kiwi)嘅鳥類,天生有個長嘴,而且無翼唔識飛,係紐西蘭嘅國鳥。「鷸」「鴕」兩隻字好深,所以我鍾意佢另一個名「幾維鳥」多啲,因為佢叫嘅時候都係kee-wee-kee-wee咁叫。至於圖中呢隻好得意嘅鷸鴕bb,上個月喺紐西蘭嘅Kiwi Birdlife Park動物園出世,但就被發現長嘴下面嗰截短咗彎咗,唯有即刻搵醫生同佢做個大手術,好彩最後手術成功,以後有得繼續食好嘢!

Read more ›
有片    得意BB穿山甲   網友留言:「好像很補」
by / on 15/11/2014 at 2:39 pm

有片 得意BB穿山甲 網友留言:「好像很補」

又到得意動物時間!呢隻個樣有啲的意,但係又有少少恐怖嘅動物,你估唔估倒係咩嚟?答案係BB穿山甲!呢隻穿山甲bb9月30日喺臺北市立動物園出世,仲改咗個好文青嘅名「芎梧」。動物園好有heart,最近拍咗段片比大家見吓滿咗月嘅bb,不過滿咗月嘅佢一身鱗甲,有啲恐怖‥‥‥我仲見倒佢條脷好長。最搞笑係官方Facebook專頁有人留言話:「好像很補!」,噢。

Read more ›
動物與BB和平共處   爆笑GIF圖曳B放肆
by / on 13/11/2014 at 7:12 am

動物與BB和平共處 爆笑GIF圖曳B放肆

動物同小朋友絕對可以和平共處,對於貓貓嚟講,BB係好可怕嘅生物,經常會拍打佢哋個貓頭、掹佢哋啲貓鬚,但係轉頭又會見倒貓貓同阿B玩到攬頭攬肚。以下12張動物同BB相處嘅搞笑GIF圖,張張都咁得意。老土都要再講,懷孕唔需要遺棄寵物,其實BB可以同動物和平共處,而且有研究話有養寵物嘅屋企,小朋友無咁易有鼻敏感o架!

Read more ›
新片速報    父母自製Iron Man BB服    為孩子注入勇氣
by / on 08/11/2014 at 12:57 pm

新片速報 父母自製Iron Man BB服 為孩子注入勇氣

好感人!雖然張相有啲搞笑。呢個媽媽手抱嘅Iron Man BB,由出世到而家都一直住喺醫院,為咗令佢過一個難忘嘅萬聖節,亦為咗比多少少勇氣呢個BB仔,爸爸Eric Hart專程跟網上搵倒嘅紙樣,自製咗咭紙製成嘅Iron Man戰衣比BB著,雖然只係著得幾分鐘就要除咗佢,但都感受到為人父母嘅偉大,幾時都話,屋企嘅阿爸阿媽先係真正嘅超級英雄。

Read more ›

有片   治癒系小刺猬    5隻初生可愛到震
by / on 10/08/2014 at 2:59 pm

有片 治癒系小刺猬 5隻初生可愛到震

小動物有心靈治癒效果,好似呢幾隻可愛到震嘅治癒系小刺猬,睇完有無令你心情靚晒?來自非洲動物園Oregon Zoo嘅5隻初生小刺猬,眼都未睜開,性別都未斷定到,不過相片放上網已經吸引到好多人大叫:「好得意呀!」負責照顧佢哋嘅職員Tanya Paul就提醒大家,刺猬唔適合養嚟做寵物,因為佢哋飲食同生活上都要獸醫特別照顧,所以鐘意佢哋都係去動物園睇吓好喇,唔好乜都要養,好心做壞事呀!

Read more ›
福利報價: BB NEO ZEONG日日要補貨 巨人層層叠玩命遊戲
by / on 08/06/2014 at 1:00 pm

福利報價: BB NEO ZEONG日日要補貨 巨人層層叠玩命遊戲

今個星期模型撚見面第一個問題, 買咗NEO ZEONG未!? 雖然係BB版, 但感覺相當精美, 店員同我講:「買大送細好嘢嚟架!」我知! 仲有隻BB新安洲會坐喺裏面; 貨量基本係日日新鮮運到, 放心! 貨量係多嘅, 不過行嗰邊要玩每日咇啲啲, 等大家期待吓……好鍾意福利門口隻「招財貓」版NEO ZEONG, 仲有乜嘢新玩法呢!?

Read more ›
6月模型新圖 NEO ZEONG新安洲坐蓮/HGBF老虎玩四隻手
by / on 21/05/2014 at 5:02 pm

6月模型新圖 NEO ZEONG新安洲坐蓮/HGBF老虎玩四隻手

  今個六月, 高達模型嗰邊有得忙喇, MG版TURN-X, 我知好多人唔係太鍾意呢個系列, 不過我隻TURN-A都已經孤苦伶仃咗好耐, 而且隻X仲有支架撐起玩分體, 真係好狠攪鬼! 6,480円! 其實會唔會貴咗啲呢!?

Read more ›
BB與狗玩情侶裝    機師 / 運動裝瘋狂轉Look
by / on 16/04/2014 at 7:03 am

BB與狗玩情侶裝 機師 / 運動裝瘋狂轉Look

BB同狗狗都可以和平共融,好似外國嘅Zoey同埋Jasper就係最好例子。Jasper係只得10個月大嘅中韓混血兒BB,而Zoey就係佢屋企7歲大嘅狗狗,佢哋嘅媽咪Grace Chon係攝影師,於是幫佢哋影咗輯好得意嘅圖集。相中狗狗同BB著上情侶裝,機師、運動裝、Party Look‥‥‥一式一樣嘅打扮,效果好溫馨。

Read more ›