Post Tagged with: "bb"

【有片】水瀨媽媽攬BB水上漂浮 超治癒網上熱傳
by / on 14/01/2016 at 7:12 am

【有片】水瀨媽媽攬BB水上漂浮 超治癒網上熱傳

水獺好得意,個樣蠢蠢哋,眼又矇矇哋,性格又hea hea哋,咁如果係水瀨bb,得意程度更加係去到核爆級數。外國攝影師Connie Levenhagen最近影到一輯好珍貴嘅相同片,火速喺網上熱傳,片中見到隻水瀨媽媽喺水上飄浮,而佢個肚皮上面居然瞓咗隻水瀨bb,媽媽仲充滿母愛咁用兩隻手攬住bb,超治愈!呢隻水瀨喺美國加洲水族館Monterey Bay可以見倒,據講媽媽係為咗保護bb唔好比其他動物攻擊,所以攬住佢一齊hea,母愛真係偉大。

Read more ›

【喵間有愛】喵星人照顧受傷狗BB 攬住瞓幫舔毛視如己出
by / on 13/01/2016 at 7:13 am

【喵間有愛】喵星人照顧受傷狗BB 攬住瞓幫舔毛視如己出

呢隻比特犬BB Nicolas條命好慘,首先佢出世時有8兄弟,但其中3個已經俾媽媽食咗,之後佢媽媽仲想食埋佢,好彩有人發現將佢救出,之後由網民aleovir收養咗。點知當時得1個月大嘅佢,經常咬自己隻前腳,搞到隻腳受晒傷要包紥,好彩屋企嘅幾隻喵星人好錫佢,成日幫佢舔毛,又會攬住佢一齊瞓,直情當佢係自己個女咁,睇相都覺得好溫馨,邊個話喵星人冷漠架?而家狗狗Nicolas經過悉心照顧,已經健康成長,仲越嚟越大隻,好幸福。

Read more ›
【天生模特兒】BB海豹紅到日本 單眼碌地擺甫士
by / on 03/01/2016 at 1:58 pm

【天生模特兒】BB海豹紅到日本 單眼碌地擺甫士

呢隻BB海豹真係超可愛,仲紅到去日本,因為佢識賣萌。攝影師Gunther Riehle去咗加拿大嘅Madeleine Island,發現呢個島上有好多BB海豹,幫佢影相時就發現佢哋唔單止唔怕人,仲好識擺甫士,又單眼又碌地,仲識擺chok樣,估計佢哋應該係等緊媽咪每隔兩小時嚟餵佢食嘢,所以表情咁嗲,又毫無防範性,難怪出名鍾意動物嘅日本網民都覺得佢哋超可愛。

Read more ›
【繪畫講天份】百變BB任畫任玩 絕地武士/大富翁零違和
by / on 29/12/2015 at 7:14 am

【繪畫講天份】百變BB任畫任玩 絕地武士/大富翁零違和

好多人鐘意放BB相上Facebook,不過張張一樣樣,BB又個個差唔多樣,的確唔夠特色。呢位阿爸就唔同嘞,佢幫BB Felix仔嘅相後期加工畫公仔,BB變成蜘蛛俠、絕地武士、巴斯光年、小智、大富翁、木偶仔‥‥‥種類好廣泛,畫兩畫,即時將一式一樣嘅BB相變得好有新鮮感,佢仲開咗個Tumblr帳戶「SNAPDAD」,入面放晒佢創作嘅BB改圖,好正。BTW,蜘蛛俠同蝙蝠俠完全睇唔到BB個樣,係咪畫得過份咗?

Read more ›
恐龍蛋蠟燭 恐龍BB燒住孵化
by / on 20/12/2015 at 8:30 am

恐龍蛋蠟燭 恐龍BB燒住孵化

呢排啲Gadget嘢九成關《Star Wars》事,有啲膩,今日不如唔睇星戰改睇恐龍喇。呢隻恐龍蛋其實係蠟燭,燃點燭芯燒呀燒,蛋殼會慢慢受熱燒熔,之後繼續燒呀燒,燒燒吓就會有隻恐龍BB捐出嚟,恐龍BB眼神好精靈,真係好似剛剛孵出嚟咁,都幾Funny架,每隻美金29.99,唔貴,入得過。

Read more ›
【瘋狂執波仔】有片 可愛BB一邊執波一邊跌 得個忙字
by / on 02/11/2015 at 7:11 am

【瘋狂執波仔】有片 可愛BB一邊執波一邊跌 得個忙字

乜嘢叫童真?睇完呢條片就會明。片中嘅小朋友好用心咁想幫手執屋,而佢被分配嘅工作就係執波嘞!睇見佢手勢純熟,執起嘅波就會跟手放入手上面嘅透明膠筒,跟住又烏低身再執,最搞笑係佢每次烏低身,筒入面之前執咗嘅波就會跌返出嚟,如是者雖然得4個波,但佢執極都執唔完,之後執執吓仲跌埋落地,估唔到細細個就學識乜嘢叫徒勞無功。

Read more ›

萬聖節BB都cosplay 扮蜘蛛/Chewbecca/達賴喇嘛
by / on 31/10/2015 at 3:38 pm

萬聖節BB都cosplay 扮蜘蛛/Chewbecca/達賴喇嘛

今日萬聖節,自己唔cosplay睇吓人玩都開心吖。外國網就搜羅咗大量BB嘅cosplay圖,個個造型都好正,其中最受歡迎係星戰,有迷你版Chewbacca、Leia公主同尤達大師,最正就係扮蜘蛛爬喺媽咪身上嘅造型,好傳神。仲有扮阿婆嘅BB、龍貓同埋達賴喇嘛‥‥‥唔鐘意BB嘅都會俾佢哋融化。

Read more ›
巴西貘BB誕生 日本伊豆公園有得睇
by / on 16/10/2015 at 7:12 am

巴西貘BB誕生 日本伊豆公園有得睇

呢隻巴西貘BB我覺得有啲恐怖,不過日本網民就覺得佢好得意!啱啱喺日本伊豆シャボテン公園出世,同爸爸媽媽唔同款,唔係深褐色而係自成一格嘅梅花班紋,身長40cm高30cm。翻查資料,巴西貘係南美洲最大嘅野生陸地動物,雖然佢哋天生細膽,但都有攻擊性,之前愛爾蘭動物園就有隻啱啱生咗BB嘅巴西貘媽媽咬傷咗個2歲半女童,仲將女童個肚劏開11厘米闊嘅傷口,好恐佈。好彩女童最後康復出院,所以下次見到巴西膜都要小心啲,千祈唔好一邊篤佢哋一邊嗌好得意呀。

Read more ›
【人氣短片】史上最可愛喵星人與BB 邊個得意啲?
by / on 05/10/2015 at 7:06 am

【人氣短片】史上最可愛喵星人與BB 邊個得意啲?

喵星人嘅片喺地球上無得輸,好似呢條一個BB加一隻喵嘅影片,喺YouTube已經有超過280萬點擊,片名話係「有史以嚟最可愛嘅影片!」(Cutest Video Ever!)片入面嘅大頭BB瞓緊覺,隻喵星人就伏喺佢身上一齊瞓,之後BB突然好肉緊搣喵星人塊面,兩個玩嚟玩去好得意。咁究竟喵星人得意啲定個BB得意啲?我就梗係揀喵星人啦,起碼唔駛幫佢哋搵小學。

Read more ›
【超萌慎入】10隻熊貓BB一字排開 首次見公眾市民狂影
by / on 26/08/2015 at 7:08 am

【超萌慎入】10隻熊貓BB一字排開 首次見公眾市民狂影

我哋經常報導喵星人消息,雖然都有個「貓」字,但係熊貓就比較少介紹,今次終於搵到好嘢,呢10隻熊貓BB全部係住喺中國保護大熊貓研究中心,年齡由1星期至2個月不等,最近啲相放上網多網友熱烈討論,原來上個星期五係佢哋第一次見公眾,一字排開嘅熊貓BB陣容勁震憾,有啲仲瞓到反晒肚,好可愛,睇相見啲民眾個個拎住手機隔住玻璃狂影,好彩有塊玻璃擋一擋咋,群情洶湧呀!

Read more ›
【核爆級可愛】(有片) 雪橇BB巨量相集 傻氣狗狗IG熱爆
by / on 11/08/2015 at 7:17 am

【核爆級可愛】(有片) 雪橇BB巨量相集 傻氣狗狗IG熱爆

雪橇狗好鐘意同人類相處,有人形容佢哋個樣好似狼,其實佢哋眼眉位有兩撻白色毛毛,成日好似好認真咁,反而令人覺得好傻好得意,特別係雪橇BB,多幾分傻氣,真係超可愛。外國攝影師Erica Tcogoeva經常喺IG放佢幾隻雪橇BB嘅相,一大班狗狗拍埋一齊,得意度我敢講係核爆級。不過都係嗰句,其實好多唐狗仔都好得意,雪橇唔容易養,所以睇吓滿足吓就夠嘞。

Read more ›

新片速報   坐車生B片過百萬點擊    仲去唔去醫院好?
by / on 19/07/2015 at 7:07 am

新片速報 坐車生B片過百萬點擊 仲去唔去醫院好?

女人生BB係好神聖嘅事,而且好緊急,好似外國呢位媽媽Lesia Pettijohn準備去醫院嘅45分鐘車程途中,就忍唔住生咗個BB出嚟,只係用咗30秒左右,好彩母子平安,媽媽好淡定好勇敢。而爸爸就全程用GoPro紀錄呢件開心事,仲放埋上YouTube,唔夠2日已經超過140萬點擊,唔駛驚,條片無裸露只有少少血腥。最後佢哋成功生咗個10磅嘅BB,最搞笑係片尾阿爸好精明,問咗句:「咁我哋仲駛唔駛去醫院生同埋比錢?」梗係要啦,仲有好多善後工作架嘛。

Read more ›
【可愛到暈】初生喵星人學舔毛 學極唔識放棄自己
by / on 11/07/2015 at 6:02 pm

【可愛到暈】初生喵星人學舔毛 學極唔識放棄自己

呢段喵星人短片好得意,程度達到十級,加上仲比我cap到張咁可愛嘅截圖,點都要同各位貓奴分享吓。啱啱出世無耐嘅喵星人乜都唔識,主要都係有樣學樣,片中呢隻貓仔就學緊媽咪舔毛,但舉得手嚟個頭又唔識就,最後舔舔吓決定放棄,由媽咪代勞,仲爽!

Read more ›
睇獸醫驚見獵豹BB     網民鬧爆唔應該亂養
by / on 22/04/2015 at 7:43 am

睇獸醫驚見獵豹BB 網民鬧爆唔應該亂養

呢單新聞好爆,喺外國討論區Reddit好多人爭論。事緣有人喺杜拜帶隻狗睇獸醫,點知見倒隔籬有位女士抱住隻獵豹bb等睇醫生!佢朋友就將張相放上網,網民發現呢隻應該係獵豹(Cheetah),又稱為印度豹,係貓科動物,亦係獵豹屬下唯一存活嘅品種,好多人鬧爆話佢係野生動物,唔應該喺屋企飼養,而拗拗吓仲演變成種族歧視嘅激烈討論。其實無論咩種族,都唔應該咁自我中心以為所有動物都可以成為人類嘅寵物。BTW,獵豹係陸上奔跑最快嘅動物,時速可以超過110公里,如果真係比人困住就搵方法走佬啦。但係走咗去民居都係麻煩,唉。

Read more ›
【有片】超人BB會飛    唐氏綜合症BB    kickstarter籌款
by / on 20/04/2015 at 7:13 am

【有片】超人BB會飛 唐氏綜合症BB kickstarter籌款

好感人,呢輯名為「Wil Can Fly」係攝影師爸爸Alan Lawrence為佢患上唐氏綜合症嘅仔仔Wil (William) 影嘅相集,相中嘅Wil經過後期效果,變成可以四圍飛嘅超人。Wil 係屋企嘅第5個小朋友,今年歲半,一出世已經不幸患上唐氏綜合症,有一日阿爸見佢手fing fing腳仔離地想飛咁,於是靈機一觸幫佢製作咗呢輯相,雖然知道佢嘅前路會比其他人難行得多,但都希望仔仔將來可以隨心所欲飛得更遠。佢哋仲用呢輯相製作咗年曆喺kickstarter集資,全部收益會捐比慈善機構幫助返唐氏綜合症病患者,另外亦喺YouTube開設咗名為Bringing Light嘅頻道,希望幫助更多患病小朋友,好有心,值得支持。

Read more ›