Post Tagged with: "bb"

【極像真】俄羅斯100%像真迷你BB 真人一樣有啲驚
by / on 10/02/2017 at 11:05 am

【極像真】俄羅斯100%像真迷你BB 真人一樣有啲驚

俄羅斯真係高手輩出,之前介紹過一個做頭雕極像真嘅藝術家Michael Zajkov,100%像真,今日又見到另一個神人Elena Kirilenko嘅作品。佢主力整BB,而且係可以放喺掌心嘅「迷你版」,表情勁豐富,有啲喊緊有啲發緊脾氣。佢整嘅作品有男有女,每個都係度身訂造。用嘅材料係軟陶泥(polymer clay)加一對巧手。不過可能像真度太高,睇落其實有啲驚‥‥‥入嚟有頭先提過嘅另一位藝術家Michael Zajkov嘅美女作品,未睇過嘅要入嚟開吓眼界。

Read more ›

【新片速報】9個星期大「長毛BB」      高密度頭髮人見人摸
by / on 07/10/2016 at 7:13 am

【新片速報】9個星期大「長毛BB」 高密度頭髮人見人摸

呢個長毛BB最近喺網上好紅,仲紅到去日本。事緣佢天生一頭超濃密長髮,密度極高,好難相信佢只得9個星期大。呀媽Chelsea Noon話最煩係同佢去超級市場,因為個個經過都會忍唔住大叫然後走嚟摸佢個頭,本來30分鐘嘅行程變咗要2小時。佢都試過幫呀仔戴帽,但係呀仔即刻黑晒面,而家最嘥時間係要幫呀仔吹頭,不過屋企另外兩個B又無佢頭髮咁濃密,但睇呀B個樣,其實似乎唔多享受成名嘅樂趣。入嚟仲有佢嘅吹頭片睇,嘩!

Read more ›
【有片】喵星人BB學去廁所 屙屙吓跌底咗Twitter熱傳
by / on 29/08/2016 at 7:11 am

【有片】喵星人BB學去廁所 屙屙吓跌底咗Twitter熱傳

喵星人嘅行為一向好可愛,最近日本有網民放咗呢段片上網,吸引好多人RT。片中嘅喵星人小朋友學緊去廁所,見佢喺沙盤度刮呀刮,之後起勢想發力,點知突然失重心,四腳朝天跌咗落沙池,可能仲未知發生咩事,佢郁都唔郁繼續攤喺度‥‥‥有網民大讚得意,亦有網民話佢可能係有病叫主人要帶佢去睇醫生。BTW睇段片事發地點似乎唔係喺日本,不過作為主人,記住要多啲留意小動物嘅微細動作,有唔妥記住同佢哋睇獸醫,做個負責任嘅主人。

Read more ›
【有片】Twitter熱傳小雪橇怪叫片 似足BB超可愛
by / on 28/08/2016 at 11:04 am

【有片】Twitter熱傳小雪橇怪叫片 似足BB超可愛

強烈建議呢段片要開聲睇。呢段片唔係最新,不過啱啱喺Twitter又再度熱傳,片中呢隻好搶眼嘅小雪橇,強項係怪叫,當有人抱住佢時,唔知點解佢會不停怪叫,叫聲仲好似小朋友撒嬌咁,可愛到暈!喂呀,點解可以咁得意架?

Read more ›
【媽呀】日本吹氣BB堅恐怖 極像真乜嘢人會買?
by / on 14/08/2016 at 12:26 pm

【媽呀】日本吹氣BB堅恐怖 極像真乜嘢人會買?

好恐怖,日本嘅吹氣公仔有幾像真大家都見識過,不過一般都係以女性做主題,點估到居然連BB吹氣公仔都有?最近有日本網民放咗呢幾幅圖上2ch討論,問究竟有咩人會買,有人問係咪流產過嘅女士?我睇到有啲毛管楝。BTW,一個吹氣BB賣19萬至23萬円,即係大概港幣萬六蚊左右,有男有女,但係放佢喺屋企堅恐怖。係咪用嚟拍戲架咋?

Read more ›
【生命鬥士】喵星人被虐後奇蹟生還 爬返現場搵BB被救
by / on 05/06/2016 at 7:14 am

【生命鬥士】喵星人被虐後奇蹟生還 爬返現場搵BB被救

每次睇到呢啲新聞都好心痛,點解有人可以咁殘暴?今次呢件慘案發生喺澳洲,流浪貓Princess俾個痴線佬捉住條尾凌空掉去架拖車,本來以為必死無疑,但呢隻貓第二日奇蹟生還,仲用僅餘嘅前腳一拐一拐,爬返去佢最後見到自己嘅貓BB嘅地方。動物協會RSPCA嘅人發現後即刻帶佢返醫院同BB團聚,大家都相信係母愛令佢支撐落嚟,而家佢同貓BB一家團眾,可惜佢除咗受重傷癱瘓,而家連大小便嘅能力都無埋,院方承諾會照顧佢,而呢位虐待動物嘅男人已經被拘捕,希望佢快啲有報應,仲要係幾世嘅報應先夠。

Read more ›

【So Sexy】日本BB扮露股動物衫 妄想系轉移到BB陣地
by / on 03/06/2016 at 2:57 pm

【So Sexy】日本BB扮露股動物衫 妄想系轉移到BB陣地

專出濕身同扮露bra妄想tee嘅日本網店ekoD Works,最近轉向小朋友埋手,出可愛露股BB裝。總共有4個款式,全部都有唔同嘅動物尾巴,仲扮晒露出少少屁股,超可愛!動物方面有貓、狐狸、白兔同埋天使,每款動物有4隻色揀,仲接受海外訂購,4400円一款,買嚟送比朋友啱啱出世嘅BB啱晒!

Read more ›
【新片速報】日本Amazon廣告有洋蔥   狗與BB點樣共存?
by / on 24/03/2016 at 7:13 am

【新片速報】日本Amazon廣告有洋蔥 狗與BB點樣共存?

呢個日本Amazon嘅廣告幾感人,特別係屋企有狗又有小朋友嘅,好易睇到眼濕濕。呢個廣告有日本人喺Twitter分享後好多人RT。片中嘅夫婦生咗個BB,但係BB唔係幾鍾意屋企隻狗狗,只係肯同隻獅子毛公仔玩。於是爸爸諗到一個方法,睇到最尾我有啲感動。的確,有小朋友並唔係放棄屋企嘅寵物嘅理由,要令佢哋融洽相處,其實無想像中咁難。

Read more ›
【新片速報】日本喵星人與BB影片熱傳 臨尾3秒是重點
by / on 08/03/2016 at 7:14 am

【新片速報】日本喵星人與BB影片熱傳 臨尾3秒是重點

喵星人加BB,喺網絡上好難輸,最近日本有網民放呢段片上twitter,唔夠兩日已經超過11萬RT,好強勁。片中嘅喵星人同BB望住電視眼都唔眨,仲跟住片嘅機關睇到頭擰擰,不過衝擊點喺影片最後3秒,留返比你自己睇嘞。

Read more ›
【我又望】喵星人BB行動一致 偷望門口連環圖Twitter熱傳
by / on 18/02/2016 at 7:13 am

【我又望】喵星人BB行動一致 偷望門口連環圖Twitter熱傳

雖然小朋友又百厭又輪盡,不過出名麻煩嘅喵星人無嫌棄,仲同佢哋相處得幾好喎。最近日本Twitter就見到有個人仔同喵星人一齊偷望門口嘅連環圖,大家行動一致,兩個都要趷高腳先睇倒,不過喵星人嘅持久力似乎差少少‥‥‥

Read more ›
【好朋友】鴨仔與BB仔 形影不離最佳玩伴
by / on 26/01/2016 at 7:13 am

【好朋友】鴨仔與BB仔 形影不離最佳玩伴

從來無諗過人同鴨仔可以咁好朋友,當Tyler小朋友9個月大嘅時候,爸爸買咗隻鴨仔Beaker返屋企,自此一B一鴨就影形不離。無論沖涼、食飯、瞓覺、玩,佢哋都會一齊,每次Tyler喊,鴨仔Beaker都會第一時間衝埋去,Tyler沖涼時鴨仔Beaker又一定陪喺旁邊監視現場,睇相都感覺到佢哋關係好親。上網翻查鴨仔嘅資料,原來佢哋嘅年齡計法同狗仔差唔多,養得好嘅話,可以養20年都唔係問題,希望鴨仔Beaker健健康康,可以睇住Tyler快高長大變成大人啦。

Read more ›

【有片】鬥牛犬BB網上爆人氣 晨早鬧鐘FB過3千萬瀏覽
by / on 19/01/2016 at 7:15 am

【有片】鬥牛犬BB網上爆人氣 晨早鬧鐘FB過3千萬瀏覽

最近呢隻法國小鬥牛犬喺網上好紅,單係Facebook做直播嘅影片,唔夠一星期已經有過3千萬人睇過!影片中鬥牛犬BB搏晒命嗌主人起身,主人吠返佢,佢又好激動咁左撲右撲,得意到暈。佢唔止個樣可愛,連動作都好滑稽。佢哋嘅IG仲有好多新片睇,最近天氣凍狗狗又有新衫著,勁得寵。至於佢嘅主人Sean Sarantos就係一個健身導師,應該一隻手指尾都舉得起隻狗狗。

Read more ›
【有片】水瀨媽媽攬BB水上漂浮 超治癒網上熱傳
by / on 14/01/2016 at 7:12 am

【有片】水瀨媽媽攬BB水上漂浮 超治癒網上熱傳

水獺好得意,個樣蠢蠢哋,眼又矇矇哋,性格又hea hea哋,咁如果係水瀨bb,得意程度更加係去到核爆級數。外國攝影師Connie Levenhagen最近影到一輯好珍貴嘅相同片,火速喺網上熱傳,片中見到隻水瀨媽媽喺水上飄浮,而佢個肚皮上面居然瞓咗隻水瀨bb,媽媽仲充滿母愛咁用兩隻手攬住bb,超治愈!呢隻水瀨喺美國加洲水族館Monterey Bay可以見倒,據講媽媽係為咗保護bb唔好比其他動物攻擊,所以攬住佢一齊hea,母愛真係偉大。

Read more ›
【喵間有愛】喵星人照顧受傷狗BB 攬住瞓幫舔毛視如己出
by / on 13/01/2016 at 7:13 am

【喵間有愛】喵星人照顧受傷狗BB 攬住瞓幫舔毛視如己出

呢隻比特犬BB Nicolas條命好慘,首先佢出世時有8兄弟,但其中3個已經俾媽媽食咗,之後佢媽媽仲想食埋佢,好彩有人發現將佢救出,之後由網民aleovir收養咗。點知當時得1個月大嘅佢,經常咬自己隻前腳,搞到隻腳受晒傷要包紥,好彩屋企嘅幾隻喵星人好錫佢,成日幫佢舔毛,又會攬住佢一齊瞓,直情當佢係自己個女咁,睇相都覺得好溫馨,邊個話喵星人冷漠架?而家狗狗Nicolas經過悉心照顧,已經健康成長,仲越嚟越大隻,好幸福。

Read more ›
【天生模特兒】BB海豹紅到日本 單眼碌地擺甫士
by / on 03/01/2016 at 1:58 pm

【天生模特兒】BB海豹紅到日本 單眼碌地擺甫士

呢隻BB海豹真係超可愛,仲紅到去日本,因為佢識賣萌。攝影師Gunther Riehle去咗加拿大嘅Madeleine Island,發現呢個島上有好多BB海豹,幫佢影相時就發現佢哋唔單止唔怕人,仲好識擺甫士,又單眼又碌地,仲識擺chok樣,估計佢哋應該係等緊媽咪每隔兩小時嚟餵佢食嘢,所以表情咁嗲,又毫無防範性,難怪出名鍾意動物嘅日本網民都覺得佢哋超可愛。

Read more ›