鍾意一套戲可以睇好多次，電視播親都睇晒，唔出奇，但入戲院呢？個人最高紀錄好弱，《魔戒2 雙城奇謀》入場睇咗三次，《復仇者聯盟4：終局之戰》呢？都有二刷嘅，但想唔想像到係每日二刷？呢位32歲男Ramiro Alanis就自2019年4月26日起，94日間入咗場191次，即係最少每日睇兩次，有時要睇三次，睇足三個幾月……早前呢個紀錄就被健力士世界紀錄確認，而之前嘅紀錄保持者係NemRaps，都係睇Avengers，不過係第三集《復仇者聯盟3：無限之戰》，入場睇咗103次。

「We’re gonna Win, Whatever it Takes.‬」你刷咗幾多次？一刷二刷三刷？之前喺網上見到有人九刷已經好誇張，估唔到美國有人116刷！係，噚日仲係114次，今日已經睇咗116次！佢叫Agustin Alanis，佢之前仲Cos過美國隊長拎起雷神之搥！因為平日要返工約10個鐘，所以「只可以」睇到兩次約六個鐘，但到星期六、日，就可以一日睇4至5次！套戲4月26日先喺美國上，唔夠兩個月，真係服。不過佢暫時未得到Guiness World Record認可，目前為止「入場睇同一套戲院上映電影最多次數紀錄」保持者都係Anthony ‘Nem’ Mitchell，佢睇咗《Avengers: Infinity War》103次。

Marvel同Square Enix前年已經公佈合作，今年E3終於有片睇啦。新遊戲《Marvel’s Avengers: A-Day》，角色樣貌唔會似電影宇宙，聲演隊長同Tony嘅會係Troy Baker、Nolan North。遊戲2020年5月15日發售。

二刷咗未？三刷夠瘋狂喇啩？都未及得上一次過睇22套電影緊接《復仇者聯盟4：終局之戰》嚟得癲！呢位外國傳媒MEL記者Brian VanHooker就親身喺4月23日朝早9點入場，參加呢個喺美國紐約AMC Lincoln Square舉行嘅Avengers馬拉松，由《Iron Man》開始睇到Endgame，連踩59小時！票價$125美元係幾抵玩，但都要有熱情先掂，直情有人喺戲院入面瞓地下先頂得順到最後。而寫文嘅主角就話睇完Endgame之後有人好激動有人好興奮有人喊，而佢就好安靜……同埋應該好眼瞓。

每個人都有細個小朋友嘅時候，超級英雄(演員)都唔例外，角色包括奇異博士、美國隊長，甚至樹人Groot‥‥‥入嚟有得回帶睇返晒佢哋當年今日嘅相，Iron Man細個已經好靚仔，Loki都好可愛， Black Widow同Scarlet Witch自細已經好靚女，至於鷹眼就‥‥‥入嚟睇吓回帶，全部都好正。

有新預告喇，今次長兩分半鐘，唔駛預告再預告，見晒今集現身復仇者。《Avengers: Infinity War》美國下年5月4日上映，香港早幾日，你睇蜘蛛仔件衫！仲有Hulkbuster又出場喇。

  下年2018年同2019年先有得睇，《Avengers: Infinity War》就已經Action喇！官方發佈咗一條新影片，見到拍攝現場嘅Robert Downey Jr. (Iron Man)、Chris Pratt (Star-Lord)同Tom Holland (Spider-Man)，仲有啲概念圖，最後大奸角當然要戴番隻手套……

呢條片係喺聖地牙哥Comic Con播嘅，o依家官方就發佈咗喇，講嘅係《Captain America: Civil War》冇出場嘅「雷神Thor」去咗邊。佢去咗澳洲，做啲咩呢？探訪吓學校，同學生講吓邊個係Vision，又講解吓無限石，又同「變形俠醫Hulk」傾吓計咁，而且傾緊嘅時候，Tony Stark仲咁啱打電話嚟……至於被問到佢哋班友打交冇預佢有冇唔開心，佢話……呢條片嘅導演Taika Waititi，亦即係《Thor: Ragnarok》嘅導演，而新一集雷神《Thor: Ragnarok》就會喺2017年11月上映。

LEGO官方出嗰隻「The Avengers SHIELD helicarrier」都幾吸引，2,996塊LEGO砌起嚟都唔細壇。不過比起台灣呢位Zio Chao，就變到好細架喇。佢用咗15,000塊LEGO嚟砌，超巨型，入嚟睇埋製作過程。

香港迪士尼附近都成日有10K比賽跑，但就唔係迪士尼官方搞。如果香港迪士尼都搞個超級英雄馬拉松，啲獎牌有咁靚，我諗都幾多人會落力訓練再參加。美國California嘅Disneyland喺11月12至15日就會有5K至半馬嘅比賽舉行，小朋友跑就有「Ant-Man」獎牌，5k就有「Thor」獎牌，10K就「Captain America」，如果你跑半馬「Avengers Super Heroes Half Marathon」又完跑，就有「Avengers」獎牌，背面都有唔同嘅超級英雄標記！但係，點解冇Iron Man呢？係咪因為佢平時少做運動？

好正！我記得好耐以前都有隻橫向街機X-Men都好正，有得用Iceman、cyclops……今次呢隻就有呢種Feel喇，佢都話有參考1991年「Data East」出嘅《Avengers》街機。主角係復仇者聯盟，但就變做3頭身，但玩法一樣係超正嘅橫向動作！可惜，呢隻遊戲暫時只得DEMO玩，因為只係fan made，入嚟有佢將製作過程37小時壓縮成15分鐘嘅影片睇，佢話如果大家支持佢，會有得玩之餘，仲隨時有埋其他角色。

之前出過《進擊之巨人》面膜嘅「一心堂本舗」又有新嘢，今次係《Avengers復仇者聯盟》嘅「Captain America」、「Iron Man」面膜！復仇者第2集喺日本7月4日先上映，o依家出都係遲少少啫。另外，仲會推出「進撃の巨人 フェイスパック」面膜，今次有埋女巨人，一包男女有份兩塊900円。東急ハンズ全店、羽田空港都有得買。手信呀手信呀。

有冇人睇《Avengers: Age of Ultron》片尾出credits嘅時候，同我一樣有諗過到底呢個大石雕係CG定一話係真有其石？原來真係有整到出嚟呀！喺美國舉行緊嘅「San Diego Comic-Con」入面就有展出呢個石雕，比想像中細隻，但都好靚。

日本早幾日7月4日先上《Avengers: Age of Ultron》，咁戲院都會有啲限量版小食飲品，其實都係包裝、膠杯上面加隻公仔咁。有日本網民就買咗呢隻膠杯，上面仲有Ultron企起度舉高隻手添！不過，當佢想飲啖嘢嘅時候，就發現Ultron原來唔多想俾佢飲，佢轉咗幾個角度都係飲唔到……

好喇，Hot Toys嘅《Avengers: Age of Ultron》輪到Thor出場喇。今日大量官圖公開，見到頭雕唔錯，雖然啲頭髮仍然……另外今次終於有新嘢玩，就係個雷搥內置LED識發光，而且有效果配件，官方仲話會推出「Augmented Reality(AR)」app，可以影相玩「奧創士兵軍團虛擬影像」。不過包膠嘅身體，預咗郁唔到太多，$1330，睇你幾有愛。