每年日本雪祭都會見到初音，啱啱日本有fans喺Twitter分享咗段片，睇片見到雪初音嘅AR舞台透過AR技術，音響同埋大型射燈突然間出現，然後初音載歌載舞，超型！樓主另外仲放咗段「第70屆札幌雪祭2019」嘅初音片足本版上YouTube，見到初音飛入人群之中好正，仲有夜晚嘅雪祭燈光效果，入嚟有片睇。

打桌球瞄極都唔準？日本有AR愛好者分享咗段片，將AR應用喺桌球枱上，當瞄準時會有條虛線量度位置，校準晒先篤，成功率自然大增，特別適合初學者。BTW，係咪覺得似層相識？有日本網民分享咗舊式桌球遊戲，都係有虛線，睇落好有親切感。

SEGA宣佈呢隻電話遊戲《D×2 真・女神轉生 Liberation》會有中文版之餘，台灣、香港、澳門都開放咗事前登錄同封測招募，睇番現場拍嘅影片，可以見到AR機能，喺現實世界召喚惡魔！

日本人嘅創意可以去到咩程度？日本最近有公司研發出「先人AR悼念服務」，由墓碑雕刻公司「株式会社 良心石材」研發，用家可以幫已離世嘅親友自選地點，然後喺APP入面會見返佢哋嘅相或者片，用家可以揀選一啲有紀念性嘅地方，而APP入面嘅已故親人仲會留言俾用家。呢個服務每個月收費500円，包埋最多15年儲存骨灰服務，首年免費。

未來世界，男男女女可能唔駛再出街買衫，屋企只要準備大量白T恤白衞衣，再用printer就可以即時印唔同圖案。呢個韓國叫Mirror Mirror研發嘅新科技，透過AR技術，比用家企喺投影機面前實時自選圖案、影像同顏色，再用手勢拉闊收窄轉方向，一邊望住自己一邊改圖案，改到滿意就印出嚟，感覺有啲似我哋打機嘅時候幫角色換衫嘅介面，幾好玩喎！

近年好多品牌出盡力研發AR式眼罩，Sony個Project Morpheus一直未知幾時出，另一方面，有個品牌叫ZEISS最近就公佈咗另一個AR擴增實景眼罩VR ONE，重點係支援手機，睇片見倒可以將部4.7吋至5.2吋嘅手機裝上部機度，最新嘅iPhone 6或者Samsung S5都對應，而且價錢唔買，而家預訂做緊美金$99，有興趣可以睇片研究吓。

日日打機撳手機嘅現代人，如果只可以生活喺個螢幕入面，又頂唔頂得順？英國藝術家Mark Farid將會做一個名為Seeing I嘅實驗，連續28日24小時戴住個虛擬實景嘅眼罩做人，全程逗留喺英國嘅London Gallery兼24小時拍攝，似足真人show，無得同外界接觸，只可以沖涼瞓覺同埋去廁所，食嘢都會有人餵。究竟佢最後會唔會進入第5度空間？出返嚟之後適唔適應倒生活，仲敢唔敢玩電話？我都好想知。

東京遊戲展TGS繼續有PlayStation嘅Project Morpheus玩AR，唔知幾錢亦唔知幾時推出，想平平哋玩AR擴增實景，仲有呢個喺Kickstarter集緊資嘅眼罩AirVR，成部iPhone 6 Plus隊上面，係人都知你抽倒新機，威到呢。呢個AirVR係一個頭罩，入面分左右眼兩個視點，前面可以扣實部iPhone 6 Plus，戴上去就可以感受到3D嘅AR體驗。同之前嘅Oculus Rift有啲似，但就內置電更加方便，除咗iPhone 6 Plus仲支援iPad，可惜要等到年底先出，起標價港幣$400左右。

揸真車可以有打賽車game嘅感覺！最近積架(Jaguar)喺YouTube發佈咗一條片，顯示佢嘅新概念 ，將真實駕駛加入賽車遊戲元素，超正！概念片見到司機視點變成加咗AR嘅寛螢幕，可以睇到會轉色嘅虛擬賽車線，提你幾時加速減速剎掣，仲有埋鬼車(Ghost Car)可以比較自己嘅最佳圈速或者同其他駕駛者比試。聽落好爽，但會唔會鼓勵大家飛車？

世界盃好快殺到，我都準備定嗌麥麥送夜晚幫我加油。最近外國麥當勞宣佈咗個新活動，經典嘅紅色薯條盒將會換上世界盃新裝，據聞係有史以嚟第一次換裝，而受影響嘅薯條包括中碼同大碼，一式十款新裝全部由世界各地知名藝術家專為世盃主題而設計。同步麥記都會出個新app叫「McDonald’s GOL!」，下載後用手機對住個薯條盒拍攝就可以開啟AR功能，薯條盒變龍門，手機屏幕變球場，手指篤篤就可以射波，好爽！唔知香港麥記會唔會跟埋一齊玩呢？

睇電視見啲媽咪成日講故事氹小朋友瞓，不過身處喺iPad多過故事書嘅年代，所有嘢都要轉變吓。例如最近推出嘅TexTales企劃，將講故事透過平板電腦同AR擴增實景結合，一邊睇住個芒講故仔，一邊見倒故事人物或者情景出現喺眼前，只需要下載個app就玩倒，怕只怕小朋友睇慣啲高科技嘢，第時要佢坐定定溫書都好難。TexTales喺kickstarter集資中，E世代父母可以去奉獻吓。

夏天係飲可樂嘅最好時機，我同你係咁諗，日本可口可樂都係咁諗，所以佢哋最近好積極，仲利用手機嘅AR擴增實景功能設計咗大量好玩嘢。池袋啱啱搞咗個活動，除咗有內褲男衝入急凍可樂室實地體驗之外，用手機下載app後對準汽水機，仲有佢哋隻吉祥物北極熊出現扭扭扭，手機對準指定飲品仲可以check埋溫度，啱晒熱到爆嘅日本。另外暑假多小朋友，所以網站都有北極熊摺紙圖案下載，摺完用手機對準，隻熊又係識郁嚟郁去，睇嚟夏天取忙原來係隻北極熊。

  噚日(12日)我哋報導咗呢單News，就係大阪・梅田今日開始到8月6號搞咗個『初音ミク in KNOWLEDGE CAPITAL～ミクが遊びにやってきた～』 去到現場，只要你裝咗Google Play嘅專用App，用手機個鏡頭對住舞台， 就會睇見初音喺激光中跳舞，而且仲會播住kz（livetune）嘅名曲《Tell Your World》，而且呢個AR最強大之處，係360度環迴任你睇！啱啱喺網上發現咗有段片，睇片梗係開心過睇圖，一齊感受吓，如果喺香港搞都唔錯喎，幾千人舉機對住個冇嘢嘅台睇初音，都幾壯觀！

  AR擴增實景! Game用佢、新聞稿用佢, 連買傢俬、電視都可以幫你即刻喺屋企度位, 係! 真係認真咗啲, 問我十個趣? 我覺得完全冇趣; 不過唔緊要, 因為仲有日本嘅Dentsu, 佢剛剛出咗件ASOBERU－T擴增實景Tee, 着雷電Tee影相時會行雷劈落你個頭, 着心心時仲可以玩愛神之箭互動遊戲, 不過我最鍾意係打交Tee

日本剛發佈一個叫Face Stealer的App, 佢可以玩AR擴增實境變臉! 其實方法好簡單, 就係將你個樣變成小熊貓、卡通公仔又或者奧巴馬, 而背景冇變! 佢最強大之處, 係可以你自拍任何相都做到, 只要校正返眼、口、鼻同面形邊位, 就可以隨時變任何人都得。