【型在細節】日本AQUA黑武士1:1雪櫃 只可以雪一罐汽水

仲有1個月多啲,12月17日就可以睇到《Star Wars VII The Force Awakens》,不過電影未出,fans嘅錢都已經吸到差唔多乾晒。新產品出完又出,今次呢個係日本電器品牌AQUA推出嘅1:1黑武士迷你冰箱,個樣無乜特別,都係黑武士頭盔,但型在入面只可以雪一罐汽水。方法就係拎起黑武士個頭,汽水就收埋喺佢嘅頸部位置,每次打開仲有聲效,係咪勁?不過講實用度可以話係近乎零,相信只有真心而又有錢嘅fans先會買,12月20日發售,開價42,984円,即係港幣2800蚊左右,唔平。補充一句,AQUA即係之前公佈咗出R2-D2識得郁嘅迷你雪櫃嗰間公司,R2-D2仲貴,賣998,000円,接近港幣7萬,真係要好有閒錢先買得起。

Read more ›