Post Tagged with: "App"

有片  最煩鬧鐘  影相解鎖迫醒你
by / on 23/03/2013 at 2:01 pm

有片 最煩鬧鐘 影相解鎖迫醒你

鬧鐘嚟講,呢個「Sleep if you can」鬧鐘app真係達十級煩膠指數,煩過羅家英同阿媽。玩法好簡單,影定一張相,越遠越好,例如廁所嘅洗面盤啦,鬧鐘一響,你就要起身去返個洗手盤影返張一模一樣嘅相先可以解鎖停止鬧鐘再轟,真係好絕。不過我已經諗到破解方法,就係影我自己個樣,咁咪唔駛落床都得囉!不過晨早起身咁醜樣,佢會唔會唔認得我呢?

Read more ›

有片    測試酒精濃度   手機裝置唔駛吹波仔
by / on 18/03/2013 at 7:04 am

有片 測試酒精濃度 手機裝置唔駛吹波仔

雖然政府不停宣傳酒後駕駛禍害,每日依然有好多司機醉酒駕駛,呢種行為真係好不負責任。呢個Breathometer號稱全球第一款手機專用酒精測試器,裝喺iPhone頂,飲完酒後吹啖氣,應用程式會顯示你體內嘅酒精濃度,唔駛吹波仔都知自己適唔適合駕駛。今年春夏天發售,駕駛一族應該買返個傍身,不過都係嗰句,飲完酒就唔好駕駛啦!

Read more ›
「女士安全到埗」的士App    司機閂門先走
by / on 10/03/2013 at 4:00 pm

「女士安全到埗」的士App 司機閂門先走

名城色魔仲未落網,女士出門繼續擔驚受怕。外國有個叫「Get Taxi」嘅call的手機app好貼心,最近加推一項「女士到埗」(Closed door Policy)服務,女士夜晚搭的士落車後,司機會等佢返到屋企閂埋門先離開,令單獨返屋企嘅女士,或者佢嘅朋友都放心啲。不過就有網友口痕投訴點解歧視男性,因為男士夜晚一個人返屋企都會驚喎,頂!

Read more ›
自製fb漫畫頭像   免費app「iMadeFace」超型
by / on 13/02/2013 at 9:02 am

自製fb漫畫頭像 免費app「iMadeFace」超型

想更新facebook嘅profile pic?呢排好多朋友what’s app同埋fb都換晒漫畫頭像,原來係用緊「iMadeFace」。推出無耐已經登上香港、美國、英國等地嘅app store熱門排行榜。得意在於可以自己設計色彩繽紛嘅漫畫頭像,效果幾型。覺得太似/唔似自己,仲可以掃左掃右改髮型、面型、膚色等等。最重要係,呢個app係免費嘅。可惜暫時只得iPhone用家有得玩,Android用家唯有叫朋友影完send比你用喇。

Read more ›
飲酒變豬扒  戒酒影相apps夠阻嚇
by / on 16/01/2013 at 10:21 am

飲酒變豬扒 戒酒影相apps夠阻嚇

我知,我勸你飲少啲酒你啋我都傻,正如香港政府喺煙盒上面印晒爛面骷髏頭,煙民都照食可也,未燒到埋身,怕咩?蘇格蘭政府都知勸人戒酒難過登天,所以整咗個「Drinking Mirror」嘅app比酒痴下載。影張相按個掣,可以睇倒繼續酗酒的話,10年後自己會變成咩樣,好似相中女士咁,面腫肥大兼成面皺紋,認真趕客。不過今次蘇格蘭呢個Drink Smarter官方活動主要針對女士,咁又係,男人老狗邊有咁貪靚。

Read more ›
有片  日本「海上自衞隊」裝App學敬禮
by / on 13/01/2013 at 8:19 am

有片 日本「海上自衞隊」裝App學敬禮

Attention!日本人真係做咩都超認真,敬禮係人都識,但你條腰夠唔夠直,手嘅屈曲角度係咪標準?日本海上自衞隊有個叫「Salute Trainer」嘅iPhone App,唔係新出,但睇倒都好想分享吓。玩法簡單,聽到虛擬軍官指令就舉手行禮,最後會根據你嘅靜止度、反射神經、敏捷性、軌跡同最終形態得到總分,再頒發軍階例如「2等海士」鼓勵你。下面有片睇,製作超認真,最搞笑係尾段海軍隊員敬禮時部手機唔小心fing咗落水,原來,佢哋都有出「Salute Trainer」防水機殼,不過not for sale,我頂。

Read more ›

有片 手機萌App 女角燃燒你脂肪 引你做運動
by / on 12/01/2013 at 4:04 pm

有片 手機萌App 女角燃燒你脂肪 引你做運動

令男人減肥嘅最大動力係咩?女。係,動畫中嘅萌女唔介意你肥定瘦,但呢個日本出嘅Android/iOS app《Burn your fat with me……》入面3個女主角就會成日叫你做運動。App入面有超過1,000句語音對白,有故事有圖睇可以換衫之餘,開埋感應嘅時候,你拎住部電話做sit up時畫面入面個女角除咗好似按住你對腳之外,仲會幫你數一二三;做掌上壓嗰陣,就可以放部電話喺地,咁佢哋就會喺嘅身下面幫你打氣……最正係英文字幕日語配音,聲優係上原真優、走尾結希同躯河鞠花,見到佢哋咁好身材,條腰係咪好想郁?快啲做sit up啦!廠商仲話今年會出埋乙女版……

Read more ›
自製摺紙模式 新App幫你設計
by / on 24/12/2012 at 11:10 am

自製摺紙模式 新App幫你設計

日本都有出唔少,之前都買過隻初音但未摺,但係有冇諗過自己設計人物?或者整個獨一無二嘅送俾女朋友?呢個iPhone/iPad新App就幫到手,只要裝咗佢,你就可以自己喺平板電腦或手機填色加眼耳口鼻,仲可以即時預覽到摺咗出嚟係咩樣,你都做得到!另外仲有車形、四方型等不同形狀選擇,官網有片睇,Print出嚟就可以摺,o依家開始搞,今晚都可能送得切喎!

Read more ›
新片速報 免費app推出 兩部iPad變本書!
by / on 15/12/2012 at 4:15 pm

新片速報 免費app推出 兩部iPad變本書!

你部iPad收埋咗幾多本書?試諗吓如果將佢哋實體化要嘥幾多位放?係,所以好多人都鍾意用iPad睇漫畫睇小說睇工具書,之但係老餅如我有時真係好唔習慣,真書揭開有兩頁嘛,用iPad要睇誇頁又太細……呢個「RichBook」app就幫到手喇,佢可以將兩部iPad用藍芽連接,之後就可以好似睇真書咁,揭一次有兩頁睇!呢個app係由大阪公司feedtailor Inc.開發嘅,支援iPod touch、iPad mini同iPad,不過大前提係你要有兩部iPad,仲有,個「書套」佢冇話賣幾錢,我諗「RichBook」個「Rich」就係咁解。拎兩部iPad出嚟睇書,諗起都霸氣!

Read more ›