Post Tagged with: "App"

「人貓翻譯器」手機app   人貓溝通第一步
by / on 21/07/2014 at 7:02 am

「人貓翻譯器」手機app 人貓溝通第一步

世上最遠嘅距離,係你不停同屋企隻貓貓講嘢,但佢完全唔知你講乜,連眼尾都唔睄你一下。網上見倒呢個「人貓交流器」手機app,將你想對隻貓講嘅嘢錄底,佢會自動根據音頻分析幫你翻譯成貓話,再播返比隻串串貢嘅貓貓聽,拉近你哋之間嘅距離。內置咗25隻貓超過175種貓話樣本,支援所有人類語言(斯瓦希里語除外),講真,真假無從考究,旨在自己開心吓。另外仲有16種貓叫樣版,得閒無嘢做想引佢注意都可以播吓,不過記住狼來了嘅故事,玩多幾次之後,分分鐘佢以後唔再應你。

Read more ›

狗狗影相手機App  怪聲吸引望鏡頭
by / on 18/07/2014 at 7:06 am

狗狗影相手機App 怪聲吸引望鏡頭

幫狗狗影相想佢望鏡頭,每次都要出盡法寶扮狗吠扮貓叫,或者可以試用呢個叫BarkCam嘅App,想影相時佢會發出貓叫、門鐘聲之類嘅噪音,等你可以引倒隻狗望鏡頭影相。之後仲可以用內置功能幫將相加濾鏡、文字、貼紙,之後同其他狗友share,玩法類似facebook,暫時得App Store有得下載,Android狗主就要等到年尾先有得玩。

Read more ›
手機app限制使用時間    熄手機第一步
by / on 01/07/2014 at 11:57 am

手機app限制使用時間 熄手機第一步

有無計算過每日用手機嘅時間?如果你發現自己已經去到失控,無論何時何地都要拎部手機出嚟篤嘅話,可以下載呢個叫「Moment」嘅iPhone手機app。設計Kevin Holesh本身都患有呢種病,為咗迫自己重投正常生活,佢製作咗呢個限制使用手機時間嘅app,當你開著佢之後會成為背景,然後set定你希望自己使用手機嘅時間長度,當超越咗嘅時候,手機就會發出提示叫你收手,平衡返你嘅生活。BTW,小心阿媽或女友迫你裝。

Read more ›
手機app自動下載fb靚相分析    真係辨識得到?
by / on 19/06/2014 at 8:34 am

手機app自動下載fb靚相分析 真係辨識得到?

專做面容辨識科技嘅公司ModiFace,最近整咗個新App叫「Beautiful Me」,識得自動喺Facebook下載500張有你靚樣嘅相,然後再挑選100張高質嘅相做進一步分析,研究你嘅皮膚質素,再建議你用乜嘢方法化妝,同埋推介你用邊種護膚產品。可惜佢唔明白,而家有大量自拍神器,加埋幾百萬種執相app,基本上facebook嘅相中人連親生阿媽都未必辨識得到,更何況呢個app?所以老老實實,我唔睇好呢門生意。

Read more ›
《Angry Birds》亂乘《變形金剛》  玩具/App九月推出
by / on 18/06/2014 at 7:45 am

《Angry Birds》亂乘《變形金剛》 玩具/App九月推出

《Angry Birds》大家收埋咗喺床下底好耐,但係佢無放棄自己,繼之前同《Star Wars》合作後,最新消息係同呢期好紅嘅《變形金剛》亂乘,孩子寶將會同Rovio合作推出「Angry Birdx x Transformers」系列玩具,另外今次合作當然唔少得出多個APP等大家部手機一齊玩,預計今年9月登場,睇造型感覺幾驚嚇,《變形金剛》fans頂唔頂得順?

Read more ›
搵手機專用聲控app   嗌名識應機
by / on 30/05/2014 at 6:41 am

搵手機專用聲控app 嗌名識應機

你同我都試過搵勻成間屋都唔見部手機,偏偏著晒鞋趕住出門口,呢個時候,Matt Wiechec發明嘅手機app「Marco Polo」可能幫倒手。當你大嗌「Marco」嘅時候,你部手機就會大聲嗌返「Polo」嚟回應你,咁你就可以知佢匿埋咗喺邊,唔駛再同佢玩伏喱喱。呢個app喺iTune已經有得下載,開價美金$0.99。如果怕佢嗌得太大聲仲可以設定音量,亦有30個話音設定,等你將唔同裝置set唔同名,唔會嗌佢個名時,部iPhone、iPad、iPod Touch一齊應你。不過話時話,部手機識應你呢件事,諗起都好怪異。

Read more ›

怕死必裝   新app追踪病毒位置   見菌即閃
by / on 05/05/2014 at 7:03 am

怕死必裝 新app追踪病毒位置 見菌即閃

好多人病咗都鐘意喺Facebook話比人知,啱啱上網就見倒呢個叫sickweather嘅新app,可以追踪病菌位置,再通知你附近位置有無人發燒偒風流鼻水,等你做足準備。方法就係追踪大家喺facebook或者twitter嘅status,聽落有啲勁,但諗深啲就有啲離奇。另外都有個功能,就係比病緊嘅人自首。不過計我話,為人為己,病咗就帶返個口罩先出街,到時駛乜要呢個app吖。

Read more ›
《少年Jump》官方攝影App 變身路飛 做封面人物
by / on 31/03/2014 at 5:19 pm

《少年Jump》官方攝影App 變身路飛 做封面人物

你睇幾多套少年Jump嘅漫畫?雖然呢類影相App都唔係第一次出,不過呢個新版就更多經典漫畫作品同場面俾你玩,而且仲可以將自己變成今期週刊少年Jump嘅封面人物。Android用家,對唔住,我呃你睇到呢度先話你知,呢個《ジャンプカメラ!!》app暫時得iPhone版……利申,我都係Android用家呀呀呀!

Read more ›
唔想Social專用App      定位避煩人
by / on 22/03/2014 at 12:41 pm

唔想Social專用App 定位避煩人

想識新朋友開個WE CHAT出嚟搖兩搖就得,不過中伏機會極高。唔想識朋友想避開全世界都有計,呢個叫Cloak嘅iOS專用App,好有反社會意味,專為唔想social嘅人而設,用Instagram同埋Foursquare嘅資訊,將你身邊朋友、敵人、鄰居全部定位,再揀選你最唔想遇倒嘅人出嚟,例如老細、舊女朋友或者現任女朋友,每當佢喺你附近範圍出現,Cloak就會提醒你,等你即時閃開,耳根清靜。

Read more ›
新片速報     煙肉味鬧鐘app     有得聞無得食
by / on 09/03/2014 at 2:14 pm

新片速報 煙肉味鬧鐘app 有得聞無得食

想唔想一早起身唔係比阿媽嗌醒,而係比一陣香噴噴嘅煙肉味薰醒?煙肉品牌Oscar Mayer最近做緊個宣傳活動,將會送出4700個手機附加香味座,下載埋個app之後,每朝起身鬧鐘一響就有煙肉味噴出,香醒你。我最欣賞係佢個廣告,拍到好似史詩式巨著咁,一塊煙肉都可以咁盪氣迴腸!講返個app,每朝起身得陣肉味,但之後又無人煮煙肉早餐比我食,其實都幾dry。

Read more ›
貓奴必裝手機app    幫貓自拍靠詭計
by / on 28/02/2014 at 7:08 am

貓奴必裝手機app 幫貓自拍靠詭計

呢個app貓奴要裝!有養貓嘅都知要貓大哥坐定定影相有幾難,呢個叫「Cat Snaps」嘅手機app就有計,開著個app後,會有紅色laser光點不停走,當貓貓眼定定望住時,就係成功嘅第一步,因為下一步佢就會出手撳個芒面,咔刷!手機就會自動用自置鏡頭幫貓貓自拍,撳中時仲會震一震,吸引貓貓不停撳,好過癮!正如其他賺錢app,為咗令你課金,佢仲有老鼠同冷毛球玩,想unlock就要比錢買,好奸呀!

Read more ›

今日上架!Facebook新App「Paper」  玩免費社交雜誌
by / on 03/02/2014 at 1:25 pm

今日上架!Facebook新App「Paper」 玩免費社交雜誌

Facebook呢個新出嘅App叫Paper,美國時間2月3日上架,記住準時DL。今次App Store同埋Google Play都有得玩,呢個有啲似Flipboard之類嘅社交雜誌嘅app,排版上一格格好似報紙咁,睇啱有興趣可以click入去睇大圖,比較特別係用iPhone睇橫度相時,左右搖吓部手機可以睇晒全相,亦可以訂閱其他頻道定時入去睇資訊,唔駛錢玩吓無妨。

Read more ›
紅爆貓貓出影相App   貓奴呃Like專用
by / on 15/01/2014 at 3:18 pm

紅爆貓貓出影相App 貓奴呃Like專用

外國忌廉哥Lil Bub紅到開巷,facebook有60萬fans,最新搵錢大計就係出手機影相App!呢個名為Tuxedo Kittie嘅影相手機app,專為貓奴而設,有9隻效果60張貼紙,iPhone同Android都有得玩,影貓或者想扮貓都啱玩。對自己嘅作品有信心,仲可以放埋上網參加佢哋個攝影比賽,同世界貓奴一決勝負!

Read more ›
手機app追踪刷牙習慣    刷得牙多攞獎盃?
by / on 07/01/2014 at 7:09 am

手機app追踪刷牙習慣 刷得牙多攞獎盃?

CES科技展我最鐘意係睇啲小型科技產品,好似世界上第一支同手機連動嘅牙刷Kolibree,無聊得嚟又幾過癮。首先下載專用手機app,之後每次刷牙佢都會幫你記錄低嘅刷牙時間、長度以至位置,等你可以分析下自己嘅刷牙習慣從而改善吓,仲可以支援最多5個用家(不過部手機點樣一分為五?),最無聊係有得儲獎杯,係咪好耐玩,好想刷多啲牙先?今年第三季有得買。

Read more ›
奪命狂App 相中人一次過變驚嚇嘴
by / on 22/12/2013 at 8:51 pm

奪命狂App 相中人一次過變驚嚇嘴

未睇過《奪命狂呼》,都見過呢個臉具啦?吶喊吖嘛……啱啱App Store就出咗呢個叫「叫び顔 – ScreamFace」嘅app,只要用咗佢,好地地一張合照,相中人就會全部變晒做狂呼嘴……對應iPhone/iPod touch/iPad iOS 6或以上,100円。

Read more ›